Login to your account

Username *
Password *
Remember Me

Tempotimor (Dili)-Prezidente Konfederasaun Sindikatu Timor-Leste (KSTL), Almerio Vilanova hatete, Governu presiza dignifika traballadór sira-nia moris ho saláriu mínimu US$200  kada fulan.

Tempotimor (Dili)-Ministériu Koordenadór Asuntu Ekonomia (MKAE) hamutuk ho Sekretáriu Estadu Formasaun Professionál no Empregu (SEFOPE) fó pose ba membru konsellu nasionál estadu traballu no konsellu arbitrajen na'in-10 atu hamutuk ho glGovernu hadi’a ekonomia iha Timor-Leste (TL).

Tempotimor (Dili)-Sekretáriu Estadu Formasaun Profesionál no Empregu (SEFOPE) liuhusi Dirasaun Nasionál Empregu Exterior (DNEE) husu ba joven timoroan sira atu kesar ema halo servisu broker informasaun kona-ba traballador sira ba nasaun Austrália no Korea Súl, tanba informasaun hotu integradu de’it iha SEFOPE.

Tempotimor (Dili)-Governu liuhusi Sekretária Estadu Formasaun Profesionál no Empregu (SEFOPE) hahú rekruta joven sira ne’ebé hakarak tuir kursu lian Korea liuhusi plataforma online, tanba pandemia Covid-19.

Tempotimor (Dili)-Sekretáriu Estadu ba Formasaun Profesionál no Empregu (SEFOPE), Alarico de Rosário informa, Governu Austrália rejeita kandidatu traballadór timoroan sira ne'ebé simu ona vasina  Sinovac, atu ba servisu iha nasaun Austrália.

Tempotimor (Dili)-Uniăo Europeia (UE) liuhusi nia Embaixada iha Timor-Leste hakarak apoiu Sekretária Estadu Formasaun Profesionál no Emprégu (SEFOPE) iha área formasaun profesionál.

Tempotimor (Díli)-Diretór Jerál Sekretáriu Estadu Formasuan Profesional no Empregu (SEFOPE), Paulo Alves informa, kritériu sidadaun Timoroan ne’ebé atu ba servisu iha nasaun Austrália la permite simu vasina Sinovac husi nasaun Xina, tanba antes ne’e Governu Austrália rasik apoiu vasina AstraZeneca atubele fasilita timoroan.

Tempotimor (Díli)-Diretór Jerál Sekretáriu Estadu Formasuan Profesionál no Empregu (SEFOPE), Paulo Alves hatete, Governu Austrália deside sidadaun Timoroan ne'ebé kompete ba programa Seasonal Worker atu ba servisu iha nasaun Austrália simu AstraZeneca hotu.

Tempotimor (Dili)- Diretór Jerál Sekretáriu Estadu Formasaun Profesionál no Empregu (SEFOPE), Paulo Alves hatete, governu iha ona planeia ba tinan 2022 sei loke kursu lian-Korea iha Rejiaun Administrativu Espesiál Oekussi-Ambeno (RAEOA), atubele prepara joven sira ba servisu iha nasaun Korea Súl.

Tempotimor (Díli)-Primeiru Ministru (PM), Taur Matan Ruak, orienta Ministru Obras Públikas (MOP), Salvador Eugénio Soares dos Reis Pires no Prezidente Institutu Jestaun Ekipamentus (IJE), Hermenegilda da Costa Laurentina, atu loke estrada koneksaun husi suku Metiaut ba to’o Kamea.

“Estrada ida-ne’e uluk SEFOPE mak loke maibé falta kilómetru 1 liu, ha’u-nia hanoin ne’e imi loke liga tiha (halo koneksaun estrada husi Metiaut to’o Kemea iha foho leten)”, dehan PM Taur bainhira hala’o vizita ba estrada refere iha suku Metiaut, Postu Administrativu Cristu Rei, tuir informasaun ne'ebe www.tempotimor.com asesu husi pajina MOP, kuarta (23/07).

Iha oportunidade ne’e, fó apresiasaun ba servisu MOP no IJE liliu ekipa tékniku sira ne’ebé halo servisu maka’as hodi halo mudansa iha mandatu Governu nian, hodi loke estrada ba área rurál sira.

“Ha’u apresia imi-nia servisu, ha’u la’ós dehan ha’u foin Primeiru Ministru ba Governu ida-ne’e mak apresia imi-nia servisu, ha’u uluk sei Prezidente ha’u haree tanba ne’e mak ha’u mai ne’e haree iha diferénsia ida e kontinua nafatin hanesan ne’e”,  dehan nia.

Nune'e Ministru Obras Públikas (MOP), Salvador Eugénio Soares dos Reis Pires, informa vizita tereñu ne’e hodi loke estrada foun iha área Metiaut nian liga ho Kamea.

“Ohin Sr. Primeiru Ministru konvida ha’u ho Prezidente IJE mai haree hela dalan ligasaun Metiaut ba Kemea ne’ebé uluk Governu anteriór loke balun ona, no iha posibilidade halo abertura foun atubele halo koneksaun ba estrada ne’ebé ejiste ona iha Kamea, nune’e ligasaun Kamea ho Metiaut bele iha dalan korta (dalan liuhusi foho leten husi Metiaut to’o Kamea nian). Ida-ne’e mak ohin ita lori ho Sra. Prezidente ho nia ekipa no mós Diresaun Nasionál Estrada, Sr. Diretór ho nia ekipa, xefe departamentu no tékniku sira atu haree posibilidade, orsida sira sei koordena ho na’i-liurai atu identifika pontu de abertura ne’e husi ne’ebé”,  informa nia

Entrentantu Prezidente IJE, Hermenegilda da Costa Laurentina hatete, ekipa IJE sei ba fali iha tereñu hodi foti dadus antes mobiliza ekipamentu pezadu ba tereñu hodi halo servisu.

“Ohin  Primeiru Ministru no Ministru Obras Públikas ami mai hamutuk haree estrada diresaun Metiaut ba Kamea, no ha’u hanoin ohin ekipa husi obras públikas nian, inklui parte IJE ho nia ekipa haree tiha ona no ami mós rona orientasaun husi S. Exa, Sr. Primeiru Ministru no Sr. Ministru iha posibilidade tempu badak ekipa husi IJE ho enjinéiru sira sei foti dadus depois de foti dadus mak ita foin hatene, relata filafali relatóriu survey para ita bele hatene katak servisu refere presiza tempu hira, presiza mákina tipu saida-saida, ami sei prepara sira-nia osan hán, no seluk tan, bainhira ekipa sira preparadu ona administrativu kompletu ona ami bele mai ona halo servisu”, deklara nia. (*)

 

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter