Login to your account

Username *
Password *
Remember Me

Items filtered by date: Wednesday, 30 March 2022

Tempotimor (Dili)-Sekretáriu Estadu Protesaun Sivíl (SEPS), Joaquim José G.dos Reis Martins hatete, durante iha eleisaun prezidensiál identifika Polísia Nasionál Timor-Leste (PNTL) hasoru difikuldade barak liuliu iha ekipamentu viatura nia.

“Sim ita rekoñese katak, ita-nia PNTL iha difikuldade nomós limitasaun barak ne'ebé mak sira hasoru, ita identifika liliu ekipamentu viatura ne'ebé iha, la sufisiente nomós avaria”, dehan Joaquin bainhira reprezenta Vise Ministru Interior, Antonio Armindo, hodi ba enkontru ho PM Taur Matan Ruak, iha Palásiu Governu, tersa (29/03).

Maske hasoru difikuldade barak, maibé ida ne'e la sai hanesan obstakulu ba PNTL sira hodi halo servisu iha terenu.

“Maibé sira nafatin hala'o sira-nia funsaun servisu ho di'ak iha terenu”, hatete nia.

Aleinde ne'e mós, Komandu Jerál hala'o ona avaliasaun ho Komandante munisípiu sira hotu, no deskobre duni katak iha difikuldade barak ne'ebé mak PNTL hasoru iha terenu liliu iha eleisaun prezidensiál ne'e.

“Los duni iha eleisaun prezidensiál ba ronde dahuluk ne'e iha difikuldade barak ne'ebé mak PNTL hasoru, nune'e agora ba segunda ronde ita iha ona planu oinsá mak bele muda ita-nia pontu frakeza sira iha ronde dahuluk nia ne'e, nune'e ba segunda ronde nia ita bele hadi’a di'ak liután”, afirma nia.

Ba segunda volta nafatin mantein planu operasaun ne'ebé PNTL iha, hodi atua situasaun ne'ebé akontese iha terrenu liliu ba pertubasaun ne'ebé mak mosu no halo husi apoiante sira iha eleisaun prezidensiál ronde dahuluk.

“Ita sei halo aprosimasaun ba team susesu sira husi nasionál no munisípiu sira, para bele garantia, hodi haree sira-nia apoiante sira, para labele kria tan pertubasaun nomós aktu ne'ebé mak akontese iha primeiru ronde”, afirma nia. (*)

Published in Seguransa Defesa

Tempotimor (Dili)-Xéfe Suku Manumera, Postu Turiskai, Munisípiu Manufahi, Isabel de Jesus, preokupa ho ema Kbi'it La'ek no Oan Ki'ak ne'ebe laaAsesu ba Uma Kbi'it La'ek (UKL), ne’ebé oferese husi Governu.

“Agradese tebes ba VIII Governu ne'ebe kria Programa Implementasaun Uma Kbi'it La'ek (UKL) ba Komunidade Kbi'it La'ek sira maibé prekupasaun mak oinsá ho oanki'ak sira ne'ebé inan aman laiha ona no Komunidade Kbi'it La'ek ne'ebé nia uma at ona sira iha direitu ka la’e ba UKL”, hatete Isabel de Jesus hafoin Partisipa iha diálogu Komunitáriu ho MAPkoms iha Postu Administrativu Turiskai, sesta (25/03).

Tanba iha suku laran komunidade balun konsidera hanesan kbi’it la’ek no oanki’ak seidauk bele sai benefisiáiu ba Programa ULN, ne’ebé implementa husi Programa Nasionál Dezenvolvimentu Suku (PNDS).

Ba kestaun ne'e, Diretora Programa Nasionál Dezenvolvimentu Suku (PNDS), Claudinha Soares Pinto hatete, Komunidade Kbi'it La'ek iha territótiu Timor laran ho númeru ne'ebé as tebes, foin hahú prepara uma ne'ebé dignu no seguru ba komunidade sira.

“Ita iha rekezitu ne'ebé hatur ona iha manual ko’alia kona-ba sustentabilldade ba programa no sustentabilidade ba atividade ne'e rasik katak ema ne'ebé merese duni mak bele hetan uma husi programa UKL”, dehan Claudinha Soares Pinto iha kna'ar fatin, Kolmera-Dili, tersa (29/03).

Tanba ne'e, Suku sira la'o tuir matadalan ne'ebé iha ona enkuantu Sekretariadu Tékniku Programa Nasional Dezenvolvimentu Suku (PNDS) fasilita prosesu sira no entrega hotu ba suku no komunidade sira mak implementa.

“Rekezitu husi manuál ne'e mak primeiru sosializasaun nível Munisípiu atu fahe informasaun ba suku kona-ba kuantidade UKL sei hetan husi kada suku no aldeia ida mak autoridade lokál sira aprezenta lista benefisiáriu sira”, esplika nia.

Iha feze daruak nian, komunidade kbi'it la'ek sira tenke iha oan mínimu na'in-ida ka beioan ne'ebé hela ho sira se laiha entaun sira labele hetan sustentabilidade uma ne'e sei laiha tanba se sira rua laiha ona.

Ba faze datolu nia mak oan ki'ik tenke ho idade sanulu-resin-hitu ba leten tanba iha responsabilidade no sai xefe família, maibé oan ki’ak sira ho idade 16 mai kraik mak sei la hetan no hein oportunidade tuir mai.

Lista benefisiáriu ne'ebé hetan Uma Kbi'it La'ek (UKL) nian prepara husi suku no komunidade rasik enkuantu ekipa tékniku husi PNDS fasilita de'it prosesu sira ne'e, atu garante ba sustentabilidade programa no sustentabilidade husi atividadare refere.

Enkuantu tinan 2021 implementasaun programa UKL hamutuk uma 1.254 la responde hotu, no tinan 2022 ne'e, mai ho kuantidade uma 4.000, no ninia implementasaun ba Timor laran tomak. (*)

Published in Ekonomia

Tempotimor (Dili)-Ekipa Susesu Kandidatura Prezidente Repúblika (PR) períodu 2022-2027, José Ramos Horta mehi atu lori kandidatu manán eleisaun segundu volta, maibé Ekipa Susesu Kandidatura Francisco Guterres ‘Lú Olo’ sei servisu maka’as hodi fó vitória.

Published in Politika

Tempotimor (Baukau)-Estudante nai’in-32.307 iha Munísipiu Baukau ema ida hetan ka han osan US$0,25 sentavus kada loron husi programa merenda eskolár.

Published in Edukasaun & Kultura

Tempotimor (Baukau)-Kominsaun Funsaun Públika (CFP-sigla portugés) sei aprezenta relatoriu kazu funsionáriu selingku iha servisu fatin no komete asediu seksuál ba Parlamentu Nasionál (PN) iha tempu badak.

Published in Justisa
Wednesday, 30 March 2022 20:30

Kazu Covid-19 Ativu 19, Rekuperadu Na’in-1

Tempotimor (Dili)-Koordenadora Jerál Surtu Covid-19, Odete da Silva Viegas informa, kazu Covid-19 ativu ne’ebé Ministériu Saúde rejista iha Timor-Leste (TL) iha na'in-19 no kazu rekuperadu na'in-1.

Published in Saude

Tempotimor (Dili)-Sekretáriu Estadu Protesaun Sivíl (SEPS) rejista vítima ida ho naran kompletu Joaquim Guterres Soares idade (9) monu tama iha valeta laran to’o mate, inklui karreta rua mout iha mota kasnafar Suku Manleuana, Postu Administrativu Dom Aleixu Munisípiu Dili, impaktu husi udan-boot ne’ebé akontese horisehik, loron 29 marsu tuku 17:00 oras timor-leste (otl).

Published in Seguransa Defesa

Tempotimor (Dili)-Governu Repúblika Popular Xina liuhusi Embaixada iha Timor-Leste hahú asina akordu ho Sekretáriu Estadu Juventude Desportu (SEJD) atu reabilita Kampu Futebol iha Lesidere-Dili.

Published in Desportu

Tempotimor (Baukau)-Diretór servisu Ministériu Obras Públiku (MOP) Baukau, Pedro Alexandre Guterres Perreira konsidera MOP nia atendimentu ba pedidu emerjénsia lentu demais, tanba submete ona iha tinan 2021, maibé to’o agora laiha resposta ruma.

Published in Ekonomia

Tempotimor (Dili)-Prezidente Repúblika (PR), Francisco Guterres ‘Lú Olo’, aban, kinta (31/03), sei kontinua fó pose ba membru Governu foun na'in-rua ne'ebé aprezenta husi Primeiru Ministru (PM), Taur Matan Ruak.

Published in Politika
Page 1 of 3
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Tempo Timor Networks

Online Counter