Items filtered by date: Tuesday, 29 October 2019

Tempotimor (Dili) – Prezidente Interinu Rejiaun Administrativu Espesiál Oé-Cusse Ambeno (RAEOA), Arsenio Paixão Bano katak atu halo dezenvolvimentu iha Atauro tenke liuhusi Oé-Cusse. Tan ne'e, tenke aprova uluk estatutu kona-ba Atauro nian.

"Atauro ami prepara tiha ona estatutu, liuhusi lideransa Dr. Mari Alkatiri. Tanba ne'e, Oé-Cusse atu tama iha Atauro so estatutu ba Atauro ne'e aprovadu. Tanba ami labele hakat nar-naran de'it," dehan Arsenio Bano remata audensia iha Parlamentu Nasionál (PN), Tersa (29/10/19).

Nia rekoñese, Zona Espesiál Ekonomia Sosiál Merkadu (ZEESM) Timor-Leste ne'e ba Oé-Cusse no Atauro. Maibé, nia dehan estatutu kona-ba Atauro nian tenke aprova lai.

"ZEESM Timor-Leste ne'e ba Oé-Cusse no Atauro. Maibé, atu tama iha Atauro, Atauro tenke iha estatutu. Estatutu ne'e, Dr. Mari Alkatiri haruka tiha ona. Sei iha intervensaun. Maibé, ha'u atu hateten katak buat hotu ne'e la'ós osan de'it. Maibé, buat hotu tenke iha esperiénsia, lideransa no seluk tan," dehan Bano.

Published in Munisipiu

Tempotimor (Dili) – Uniaun Nasionál Eskuteiru Timor-Leste (UNE-TL) halo ona planu para bele servisu hamutuk ho Polísia Nasionál Timor-Leste (PNTL), hodi nune'e bele rezolve problema juventude nian, ne'ebé durante ne'e akontese iha rai laran.

"Iha diskusaun balun ne'ebé ami halo, konaba formasaun ba karater foinsae sira nian, para juventude bele halo servisu, haklekar liután informasaun ba joven sira. Tanbá, ita preokupa loos ho problema barak ne'ebé akontese iha TL," dehan Prezidente UNE-TL, Idelta Maria Rodrigues iha Kuartél Jerál PNTL, Tersa (29/10/19).

Nia dehan, enkontru ho Komando Jerál PNTL ida ne'e, atu informa kona-ba movimentu eskutismu  iha Timor-Leste. Hato'o mós servisu no progresu saida mak bele halo hamutuk no hanoin katak iha aseitasaun ida ba futuru, atu bele asina akordu entre PNTL no UNE-TL.

"Hau hanoin konflitu ne'ebé mosu la'ós PNTL no Governu nia responsabilidade mesak. Maibé, hanesan UNE-TL ne'ebé hamahan an ba joven sira, hamutuk dirijente sira iha movimentu eskutismu ne'e, presiza koopera hamutuk hodi buka dalan no meius oioin atu nune'e bele responde ba problema ne'ebé estadu hasoru," dehan Idelta.

Iha fatin hanesan, Komandante Jerál PNTL, Komisario Faustino da Costa haktuir, PNTL nia atividades ruma bele iha suporta husi UNE-TL no husi informasaun balun ne'ebé ko'alia ona ida ne'e, presiza sensibiliza liután. Tanba, maioria iha TL barak sei intende katak UNE-TL ne'e dalaruma halai liubá eskuteriu Katóliku.

Ba oin sei hare'e mós para bele servisu hamutuk iha área balun. Tanba, PNTL mai ho nia filozofia servisu prosimidade Polísia Komunitaria. Tanba, PNTL eziste mós estrutura kona-ba Polísia  prosimidade, hahú kedas husi suku katak Konsellu Polísia Komunitariu (KPK).

"La'ós PNTL mesak, maibé husi lider komunitariu no reprezentante juventude feto no mane ate mai to'o nivel munisípiu ne'ebé hanaran Konsellu Seguransa Munisipál (KSM). Iha future, UNE-TL bele tama iha KSM ou KPK," hakotu Faustino.

Published in Seguransa Defesa

Tempotimor (Bayu Undan) – Sekretáriu Estadu Formasaun Profisionál no Empregu (SEFOPE), Julião da Silva, Tersa (29/10/19) hala'o vizita traballu ba kampu Bayu Undan, hodi haree besik liután servisu ne'ebé traballadór timoroan sira halo iha kampu mina no gás ne'e.

Published in Politika

Tempotimor (Dili) – Deputadu Bankada CNRT, Aderito Hugo husu ba Komando Polísia Nasionál Timor-Leste (PNTL) no Falintil Forsa Defeza Timor-Leste (F-FDTL), atu halo investigasaun klean ba oknum forsa sira ne'ebé utiliza sala arma, hodi tiru komunidade nia animál.

"Akontesimentu dala hira ona, hanesan iha Fatuberliu keixa mai to'o iha komisaun B kona-ba forsa sira ne'ebé dehan ba kasa rusa, maibé kasa filafali komunidade sira nia karau. Kazu ne'e akontese," dehan Aderito iha Parlamentu Nasionál, Tersa (29/10/19).

Ho razaun hirak ne'e, eis Prezidente Parlamentu Nasionál (PPN) ne'e husu ba komando PNTL no F-FDTL, para oinsá halo kontrolu ba armas iha PNTL no F-FDTL. Tanbá, tuir Aderito, sei perigu liu bainhira armas hirak ne'e, ema sivíl sira mak uza hodi tiru animál refere.

"Hau fiar katak Komando PNTL no F-FDTL iha ona regras. Tanba, ita hatene katak ema sivíl la kaer kilat, so militár no polísia. Entaun ita husu ba komandu institusaun rua ne'e atu investiga didi'ak situasaun ida ne'e. Oinsá iha kontrolu ba uza armas hirak ne'e," dehan Aderito.

Published in Seguransa Defesa

Tempotimor (Dili)-Membru Parlamentu Nasionál husi Bankada KHUNTO konsidera orsamentu estadu ne’ebé aloka ba Rejiaun Administrativu Espesial Oekusse-Ambeno (RAEOA) saugati de’it tanba la rezulta buat di’ak ida iha ne’ebá.

Published in Politika

Tempotimor (Dili) – Konfirmadu, sarani Katóliku husi munisípiu hotu-hotu, inklui RAEOA sei partisipa misa Jubileu Extraordináriu da Missão 30 Anos do Vizita São João Paulo II, iha Tasi Tolu, Dili.

Reprezentante Komisaun Organizadora, Amu Martinho Gusmão remata hasoru malu ho Prezidente Repúblika, iha Palásiu Prezidensiál Bairru-pite, Tersa (29/10/19) informa, partisipante misa mak joventude no sarani husi munisípiu hotu-hotu, inklui RAEOA.

“Iha mós reprezentante husi Indonézia hanesan Vigariu Jerál husi Kalimantan, Arsedioseze Pontianak no Amu Bispu Atambua no Bispu Darwin nu'udar reprezentante igreja Katóliku Austrália nomós konvidadus importante sira seluk," informa Padre Martinho

Padre Martinho ne'ebé akompaña husi Sekretáriu Jerál Komisaun Organizadora relata prosesu preparasaun selebrasaun no halo konfirmasaun ba partisipasaun Presidente Repúblika iha misa refere.

 

Published in Munisipiu
Tuesday, 29 October 2019 12:32

António Husu MTK Promove CS Link  

Tempotimor (Dili) – Deputadu António da Conceição iha audensia komisaun Parlamentu Nasionál nian, Tersa (29/10/19) husu ba Ministru  Transporte no Komunikasaun  (MTK), José Agustino atu promove telekomunikasaun CS Link. Tuir deputadu ne'e, na'in ba telekomunikasaun ne'e timoroan.

"Ita presiza fó oportunidade hodi iha komérsiu livre. Uluk, kuandu iha Timor Telecom de'it, deputadu sira iha ne'e duni mak halo kontra, hodi halo komérsiu livre ne'e. Tanba ne'e, mak ohin iha ona TT, Telemor, Telkomcel. Mas agora rai na'in ida atu halo investimentu ba ida ne'e, ita preokupa fali ninia kapasidade rekursu umanu," dehan deputadu António.

Nia dehan, ita preokupa Timoroan investe iha área ne'e. Maibé la preokupa sira ne'ebé mai lori timor nia osan ba liur.

"Ita preokupa rai na'in ida atu investe iha ne'e. Mas ida ne'ebé mai foti ita nia dolar sai ba liur, ita la preokupa fali. Ita presiza halo sedensia ruma, atu rai na'in mós hahú investe. Nune'e CS Link ne'ebé mak daudaun atu halo kompetisaun iha merkadu, ita fó oportunidade," dehan António.

Published in Ekonomia

Tempo Timor (Loes Guico] - Daudaun ne’e eis Komandante en xefe DAs FALINTIL no líder istoriku ba luta Libertasaun Nasional Timor Leste, Kay Rala Xanana Gusmao ninia naran saran ona ba 'Batar Foos Kay Rala' hodi fo han no hemu ba kriatura moris sira.

Xanana Gusmao lança batar ne’e iha Guico Loes, postu adminitrativu Maubara, Municipio Likuica iha loron 29 fulan oetobru 2019 dadersan oras Timor Leste. 

Iha reprezentante Movimentu Kamponezes Timor Leste (MOKATIL) husi municipio sira seluk iha nasaun ne'e ho urgullo Sekretariu Estadu Kooperativa, Arsenio Pereira deklara Guico udar Maun Bo'ot Kay Rala Xanana Gusmao.

Xanana Gusmao fo lembra fali kamponezes sira ba planu Estratejiku Dezenvolvimentu Nasional, Nia hatutan ho lian husu, 'hakarak sosa foos husi liu?' Kamponezes hatan ho lian maka'as dehan, 'lakohi.' Xanana husu tenik, 'hakarak sosa batar husi liur? kamponezes dala ida tan hakilar 'Lakohi.'

 

Published in Likisa
Tuesday, 29 October 2019 12:15

MTK Ezekuta OJE 2019,  Atinje %80  

Tempotimor (Dili) –  Ministériu Transporte no Komunikasaun (MTK) ezekuta Orsamentu Jerál Estadu (OJE) tinan 2019 nian, atinje ona %80.

"Orsamentu tinan 2019 ba Ministériu Transporte no Komunikasaun (MTK) hamutuk US$ 7.628.70 millioens dolares Amérika. Nune'e ezekuta ona US$ 6.102.695.77 millioens ho pursentu %80, bazeia ba free balance," dehan MTK, José Agustino iha plenária bainhira hala'o audiénsia ho Komisaun C, D, E, F Parlamemtu Nasionál, Tersa (29/10/19).

Nia afirma, pagamentu sira ne'ebé hala'o ona mak hanesan pagamentu atuál hamutuk $ 3.965.342.9 ho pursentu 48.44, obrigasaun $ 1.305.819.78 ho pursentu 17.2, komprimísiu $ 1.101.533.90, ho pursentu 14.44," MTK ne'e esplika.

Nia akresenta, balansu ne'ebé sei iha MTK uza pursentu 20 husi pursentu 80 ne'ebé ezekuta ona. "Balansu ne'ebé sei iha hamutuk $ 1.525.374.23 ho pursentu 20," nia dehan

Ministru subliña, orsamentu ne'ebé aloka ba MTK to'o agora natureza servisu nian, ne'ebé rekolla taxa ba Governu, liuhusi diresaun direta sira hamutuk $ 2.760.435.94 millioens.

“Nune'e totál reseita husi diresaun direta no in-direta sira ne'ebé rekolla taxa hamutuk $ 6.760.38.90 millioens.

Published in Politika
Page 1 of 2
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2019 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Tempo Timor Networks

Online Counter