Estudante Jose Malah nu’udar Oekusioan husu ba governu liuhusi Ministériu Transporte Komunikasaun (MTK) atubele fasilita transpote marítima ba oekusioan sira hodi bele viajen husi Dili ba RAEOAM
Tanba, kuaze fulan ida ona, governu aplika serka sanitária iha Munisípiu Díli fó impaktu maka’as ba sira tanba susar atu asesu ba ai-hán.
“Ami ejize ba governu liuliu ba Ministériu transporte, no autoridade RAEOA, atu buka meius oinsá, hodi ko’alia ho ministru transporte terestre, atubee loke trasnporte marítima, hodi nune’e ami estudante no pasajeiru kompostu husi kompaña lokál, no pasajeiru babain, ne’ebé mak agora iha Díli, atu fila ba ami-nia knuak ida-idak, tanba iha serka sanitária ida ne'e, kuaze fulan ida ona”, dehan nia iha Farol, kinta (01/04).
Estudante ne'e mantein pozisaun prontu tama kuarentena, wainhria governu fó duni solusaun atu sira bele ba Oekusi.
Aleinde, Empregadór Timoroan, Joaquin Taeki Colo, preokupa ho serka sanitária tanba difikula atividade transporta ai-hán ba RAEOA.
“Durante ne'e ha’u servisu hanesan, lori ai-han ba Oekusi, maibé durante fulan ida resin ona, ami-nia atividade ne'e paradu iha Dilii”, dehan nia.
Daudaun folin ai-hán hanesan fós no mina, iha RAEOA aumenta maka’as, tanba aí-hán ne’ebé menus.
Nu’udar emprezáriu lokál ho esforsu tomak atu lori ai-hán ba Oekusi, maibé kapaisdade mak naton atu aluga roó iha ambitu serka sanitária.
Ne'e duni husu ba governu atu toma atensaun ba preokupasaun ida ne'e. (*)