Tokon $14 ba Ró Haksolok Promulgadu, Prosesu Finalizasaun Sei Iha 'Duvidas'

By Tempo Timor February 05, 2021 1422

font size decrease font size increase font size
Print
Email

Tempotimor (Díli)- Orsamentu tokon $.14 ne'ebé Prezidente Rejiaun Administrativa Espesiál Oecusse Ambeno (RAEOA), Arsenio Bano, husu iha Orsamentu Jeral Estadu (OJE) 2021, atu finaliza Ró Haksolok, ne'ebé hetan ona promulgasaun husi Prezidente Repúblika (PR), Francisco Guteres Lú Olo, maibé realidade prosesu finalizasaun Ró Haksolok ne'e rasik, seidauk la'o no 'abandona' hela nune'e hamosu duvidas iha publiku.

Tuir lolos, wainhira PR promulga ona lei OJE 2021, prosesu ba programa hirak ne'e hotu, tenke hahú la'o ona, maibé fulan janeiru remata ona no dadaun ne'e, iha ona inísiu fulan fevereiru, prosesu hirak ne'e seidauk la'o.

Tuir Adjunta Prezidente Rejiaun Administrativa Espesiál Oecusse Ambeno (RAEOA), Leonia Monteiro katak, kona-bá finalizasaun Ró Haksolok ne'ebe prevé, iha programa tinan 2021 ne'e, agora dadauk nia prosesu tomak sei rezerva hela no seidauk bele hahú.

Totál Orsamentu adisionál ba prosesu Ró Haksolok ho montante, hamutuk tokon $.14, ne'ebé prevé iha OJE 2021.

"Ha'u sente ida ne'e, ami rezerva hela iha ne'e, para ezukusaun ne'e sei la'o tuir prosesu ne'ebé iha. Seidauk iha prosesu ba ida ne'e," dehan Leonia, iha Parlamentu Nasionál, kinta (04/02).(*)

Rate this item

(0 votes)

Last modified on Friday, 05 February 2021 09:22

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com