Governu Buka Dalan Transforma Aviaun ZEESM sai Aviaun Komersial TL

Aviaun ZEESM para hela iha aeropotu Aviaun ZEESM para hela iha aeropotu Foto Suplai

Tempotimor (Dili)-Governu ne’ebé lidera husi Primeiru Ministru Taur Matan Ruak buka hela dalan oinsa atu transforma aviaun Zona Espesiál Ekonomia Sosial Merkadu (ZEESM) atu sai aviaun komersial ba Timor-Leste.

Ministru Transporte Komunikasaun (MTK), José Agustinho da Silva, dadaun halo hela esforsu atu transforma estatutu aviaun ZEESM ba komersial.

"Ohin ha’u update ba Primeiru Ministru, oinsa transforma, ita nia aviaun ZEESM sai primeira aviaun Timor-leste ninian",dehan MTK José Agustinho da Silva hafoin hasoru-malu ho Primeiru Ministru Taur Matan Ruak iha palasiu governu, tersa (13/10).

Nia hatutan, hahu situasaun agora governu hahu hamosu hanoin atu transforma aviaun ZEESM, sai dahuluk ba Timor-leste nian.

"Purtantu, oinsa mak Timor-leste iha aviaun rasik, ita hahu ho situasaun ida agora, transforma aviaun ZEESM sai primeira aviaun sai Timor-leste nian iha nasionál Flite Care", Nia salienta

Liga ho asuntu ne'e, tekniku sira husi parte aviasaun sivil halo hela kordenasaun teknika ba preparasaun oinsa konkretiza no halo kordenasaun ho autoridade ZEESM atu aselera prosesu ne'e.

Entertantu, planu atu transforma aviaun ZEESM, tanba dadaun nia estatu sidauk sai hanesan komersial.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.