Arsénio Sei La Hare ba Kartaun Partidu Maibé Méritu

PA Arsenio Bano hato'o diskursu hafoin simu pose husi PM Taur Matan Ruak iha palasiu Governu Dili (12/6) PA Arsenio Bano hato'o diskursu hafoin simu pose husi PM Taur Matan Ruak iha palasiu Governu Dili (12/6) Foto Suplai

Tempotimor (Dili)-Prezidente Autoridade Rejiaun Administrativa Espesiál Oecusse Ambeno no Zona Ekonomika Espesiál no Sosiál Merkadu (RAEOA-ZEESM) foun, Arsenio Paixão Bano deklara katak, nia sei halao selesaun ba ema ne'ebé atu servisu iha RAEOA bazeia ba méritu no sei la hare ba kór kartaun.

"Agora kartaun bar-barak ne'e. Maibé, importante mak prosesu, tanba ha'u mós krítika barak, depois iha doutór Lugu nia mandatu mós bolu malu barak. Entaun, sira mós fó hatene ha'u katak, husi Dili mak barak liu no Oecusse oan oituan de'it. Tanba ne’e, importante liu mak prosesu ne'e", Arsénio hateten ba jornalista sira iha Palásiu Governu, Sesta (12/06).

Arsénio mós promete katak, sei la halo rekrutamentu ba ema barak, maibé nia sei bazeia ba prinsípiu eis Prezidente autoridade Mari Alkatri, katak, forma ekipa ne'ebé kiik maibé hakarak servisu ne'ebé boot.

"Importante iha prosesu rektrutamentu ne'e tuir méritu ka lae. Ha'u hakarak atu dehan katak, presiza ema oitoan, tanba aprende oituan husi doutór Marí Alkatiri katak, ema oitoan, maibé halo servisu boot", dehan Bano.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.