Print this page

Promesa Arsenio Bano: “Ha’u sei Hela 95% iha Oekusse”

Foto hamutuk PA RAEOA, Arsenio Bano ho ho PM Taur Matan Ruak iha palasiu Governu Hafoin Pose (12/6) Foto hamutuk PA RAEOA, Arsenio Bano ho ho PM Taur Matan Ruak iha palasiu Governu Hafoin Pose (12/6) Foto suplai

Tempotimor (Dili)-Prezensa Prezidente Autoridade Rejiaun Administrativu Espesial Oekusse-Ambeno (RAEOA) iha povu Oekusse nia leet importante ba PA RAEOA foun Arsenio Bano, tan ne’e nia promote sei gasta nia tempu barak liu iha Oekusse.

Molok ne’e mosu kritika oioin hasoru eis Prezidente Autoridade RAEOA José Luis Guterres tanba ninia prezensa iha Oekusse ne’ebé minimu tebes.

Ho nune’e, hafoin simu posse, PA RAEOA foun promete sei la halo tuir aktu la di’ak ne’ebé eis PA RAEOA halo ona.

"Ha'u promete, ha'u sei hela pursentu 95 iha Oekusse hodi haree hau-nia inan-aman, maun-alin, bin, feton, oan sira-nia susar ne'e oinsa. Ha'u sei la'o haleu Oekusse haneaan tinan 22 ha'u serví rai Timor no hale’u Timor," dehan Bano hafoin simu pose husi Primeiru Ministru Taur Matan Ruak iha Palásiu Governu, Sesta (12/06).

Tuir PA RAEOA foun ne’e, tempu to’o ona atu serbisu la’os halimar tan ne’e nia sei serbisu ho fuan no forsa tomak ne’ebé nia iha.

“Ha'u agora tinan 46 ona, katuas ba beibeik, tempu laiha atu halimar tan ona, ha'u husik ha'u-nia kaben no ha'u nia oan durante tinan 20, agora ha'u sei fó tempu tomak hodi serví ha'u-nia rai. Ha'u la halimar ida Sua Exelénsia, iha tempu di'ak, tempu defisíl ha'u sei esforsu tomak ba rai Oekusse-Ambeno no Timor-Leste sai di'ak liu," Bano hatete.

Bano hatete mós katak, nia sei serbisu hamutuk ho entidade hotu iha Oekusse hodi dezenvolve Oekusse sai di’ak liu tan.

"Ekonomia baze, ekonomia familiar ne'e importante, entaun ami sei servisu hamutuk ho entidade sira ne'ebé mak envolve iha ekonomia kiik sira, ekonomia familiar par hasa'e kbiit ekonomia familiar ida-idak nian,” nia hatete.

Rate this item
(1 Vote)
Last modified on Friday, 12 June 2020 18:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items