Print this page

Arsénio Promete Serbí Povu Atoni ho Fuan

PA Arsenio Bano asina hela termu de pose wainhira PM Taur Matan Ruak hamriik hodi asiste (12/6) PA Arsenio Bano asina hela termu de pose wainhira PM Taur Matan Ruak hamriik hodi asiste (12/6) Foto Suplai

Tempotimor (Dili)-Prezidente Autoriedade Rejiaun Administrativa Espesiál Oecusse Ambeno no Zona Espesiál Ekonómika Sosiál Merkadu (RAEOA-ZEESM) foun, Arsénio Paixão Bano promete sei hala’o servisu ho laran, hodi serbí povu atoni ho fuan.

"Ha'u asume knaar hanesan PA RAEOA, ha'u rona Primeiru Ministru Taur Matan Ruak nia lia-menon hotu atu servisu ho laran no fuan," Arsénio hateten ba jornalista sira hafoin simu pose husi xefe governu Taur Matan Ruak iha Palásiu Governu, Sesta (12/06).

Arsénio mós promete katak, sei la hamonu lia-menon PM Taur nian ba rai, no hato’o obrigadu tanba bele fó ona konfiansa nu’udár atoni oan atu lidera RAEOA durante tinan lima.

"Ha'u sei la husik Primeriu Ministru Taur Matan Ruak nia lia-menon monu ba rai," nia promete.

Entretantu, iha serimónia pose ne’e, Taur Matan Ruak husu ba Arsénio atu labele haluha rekomendasaun sira, liuliu servisu ho responsabilidade, hodi serbí povu atoni tuir misaun no vizaun RAEOA no ZEESM.

"Ha'u husu keta haluha ha'u nia rekomendasaun sira. Ha'u uluk Prezidente Repúblika, ha'u krítika no ohin ha'u sai PM, karáter ida uluk la muda, Matan Ruak nafatin, kargu mak la hanesan, uluk PR agora PM," dehan PM Taur.

Rate this item
(0 votes)
Last modified on Friday, 12 June 2020 18:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items