Items filtered by date: Thursday, 06 May 2021

Tempotimor (Dili)-Aviaun Air Asia Berhad, Ohin loron sesta (07/05), sei tula apoiu umanitáriu mai vítima dezatre naturál iha Timor-Leste.

Tuit ajenda ne'ebé www.tempotimor.com asesu husi ofisial katak, Ministériu Transporte Komunikasaun, Autoridade Aviasaun Sivíl Timor-Leste liuhusi diresaun seguransa operasional halo aprovasaun ba Aviaun ne’ebé Sei semo husi sidade Kuala Lumpur-Malázia hodi tula apoiu umanitáriu mai vítima afetadu dezastre naturál iha Timor-Leste.

Aviaun Air Asia Berhad ne’ebé sei ho tipu A320, númeru semo AK7120/AK7131, númeru rejistrasaun 9M-AGK/AGL/AGE, ho nia kuantidade ka todan hamutuk 75.500 KGS.

Aviaun refere sei to'o iha Aeroportu Internasionál Prezidente Nicolau Lobato, Komoro, ohin sesta (07/05), maizumenus tuku 12:25 otl, hafoin iha tuku 13:55 otl, sei semo husi Dili ba Kuala Lumpur-Malázia.(*)

Published in Ekonomia

 

Tempotimor (Dili)-Sentru Integradu Jestaun ba Krize (SIJK) iha loron 06 fulan-maiu akumula pasiénete Covid-19 ho kategória grave na’in-5 no moderadu hamutuk 28 iha sala izolamentu Vera Cruz.

Published in Saude

Tempotimor (Dili)-Família pasiénte inan isin-rua ne’ebé nia bebé mate iha kabun promete sei lori prosesu tuir dalan legal, tanba la satisfas ho atendimentu pesoál saúde nian izolamentu Vera Cruz.

Insidente ne'ebé mosu iha loron kinta (06/05/2021), inan isin-rua nia bebé mate iha kabun laran, tanba ne’e Rosito de Sousa (nu'udar la'en husi pasiénte Covid-19) hakarak prosesu kazu atendimentu pessoál saúde ne'e prosesu ba oin.

“Ha'u informa ona ba parte hothotu katak atendimentu la di'ak ne'e ha'u sei lor ba tuir dalan legal, tanba saida mak pesoál saúde atende ita-nia família ladún di'ak?. Afinál governu fakar osan millaun ba millaun”, deklara Rositu Sousa iha sala izolamentu Vera Cruz, kinta (06/05).

Nia dehan, kuandu ema moras komplikasaun ruma mak tama iha izolamentu ne'e difísil tanba atendimentu ladún di'ak.

“Ema moras komplikasaun ruma mak mai iha ne'e susar duni tanba iha laran ne'e sira dehan nunka hemu aimoruk. Iha fatin ne'e mak ema dehan Corona ne'e polítika duni”, afirma nia

Tuir kronolojia ne'ebé aman husi matebian bebe, Rosito Sousa haktuir, nia kaben kanotak moras, sira ba klínika Kampun Baru, no iha ne'eba pessoál saúde sira transfere fali ba Hospitál Nasionál Guidu Valadares (HNGV), tanba sente kantoak moras maka'as.

Nune’e, hafoin to'o iha HNGV, pesoál saúde sira halo kedas teste swab ba bebe nia inan, no rezultadu mai hatudu pozitivu, maibé ho rezultadu ne’e parte saúde mós seidauk garante katak, bebe nia inan ne’e pozitivu.

Entaun, to'o tuku 2:00 otl madrugada, pesoál saúde halo tan teste swab, ikus mai rezultadu pozitivu, nune'e nia La’en kopera ho pessoál saúde sira hodi transfer kedas mai iha sala izolamentu Vera Cruz.

To'o iha izolamentu, doutor ida-idak mai koko kondisaun bebé nia inan, depois sira informa fali katak, bebe atu partus sei lori oras 12, no momentu ne'e aman Rosito Sousa sente bebé nia fuan lanormal ona, nune'e doutór sira koko fila-fali to’o labarik la iha tiha de'it (mate). (*)

 

Published in Saude

Tempotimor (Dili)-Koordenadór Forsa Tarefa ba Prevensaun no Mitigasaun Surtu Covid-19 iha TL, Rui Maria de Araújo hatete, Timor-Leste dadaun ne’e resjita ona kazu Covid-19 ativu hamutuk 1417, no kazu pozitivu foun iha oras 24 nia laran 84.

Published in Saude

Tempotimor (Dili)-Bankada Parlamentar Partidu Demokrátiku (PD) iha Parlamentu Nasionál (PN) konsidera Kuarantena masál no autokuarentena dadaun ne’e la nesesáriu ona atu uza ba nesesidade kombate covid-19 iha Timor-Leste.

Published in Politika

Tempotimor (Dili)-Primeiru Ministru, Taur Matan Ruak, dala-ida tan teste swab iha palásiu Governu, kinta (06/05), no husu ba komunidade atu submete desizaun governu hodi tuir teste refere.

Published in Saude

Tempotimor (Dili)-Polisia Nasional Timor-Leste (PNTL), liuhusi Komandu munisipiu Dili, rejeita atividade negósiu ne'ebé hala'o iha merkadu komoro, tanba transfere ona ba Merkadu Manleuana.

Published in Seguransa Defesa

Tempotimor (Dili)-Governu liuhosi Sekretária Estadu Kooperativa (SEKoop) hahú avalia progresu atividade distribuisaun ai-han sesta bázika ina Munisípiu hitu (7).

Ba Munisípiu hitu ne’ebé SEKoop responsábiliza hodi fahe ai-han iha programa sesta bázika mak, Covalima, Ainaru, Aileu, Likisá, Manufahe, Manatutu no Lautein.

Avaliasaun ne'e, prezide husi Sekretáriu Estadu Kooperativa (SEKoop), Elizário Ferreira, ho kargu xéfia sira hodi ko'alia kona-ba progresu distribuisaun sesta bázika iha teritóriu ne'ebé mak responsabiliza husi SEKoop.

"Ko’alia kona-ba progresu distribuisaun sesta bázika iha Munisípiu hotu, nomós relatóriu kona-ba apóiu solidarirdade ba vítima inundasaun sira, ikus liu mak progresu ezekusaun Orsamentu Jerál Estadu tinan 2021 nian”, dehan Elizário iha Sala reuniaun SEKoop, Akait, kuarta (05/05).

Aleinde ne'e, hala'o mós reuniaun ho kompaña fornesedór Sesta Bázika sira atu rona progresu distribuisaun no difikuldade hirak ne'ebé kompaña sira hasoru iha terenu.

Durante reuniaun, Diretór jerál SEKoop, Francisco Xavier husu ba kompaña fornesedór sira atu finaliza ona distribuisaun ai-han sesta bázika tenke remata hotu iha loron sábadu (15/05/2021). (*)

Published in Ekonomia

 

Tempotimor (Dili)-Portavoz Komandu Jerál Polísia Nasionál Timor-Leste (PNTL), Superintendente xefe Arnaldo de Araújo hatete, dadaun ne'e PNTL Munisípiu iha hela fatin akontesimentu hodi indentika no buka tuir suspeitu ne’ebé tuda ambulánsia iha Postu Administrativu Uatulari, Munisípiu Vikeke.

"Oras ne'e Polisia Munisípiu Vikeke iha hela fatin akontesimentu hamutuk ho ekipa jestaun krize tun ba fatin hodi identifika iha área ne'ebé akontese ba”, dehan Arnaldo iha Kuartel Jerál PNTL Kaikoli-Dili, kinta (06/05).

Tuir kronolojia akontesimentu iha loron kuarta (05/06) kuaze tuku 19:16 otl, ekipa saúde akonpanã husi ekipa jestaun krize atu transporta pasiénte Covid-19 hamutuk na’in-5 (mane 4, feto 1) iha suku afaloikai, postu admistrativu Uatulari ba sala izolamentu iha Munisípiu Vikeke.

Maibé, tuir dalan mosu ema deskoñesidu balun tuda ambulánsia ne'ebé rezulta vidru oin no janela parte kondotor nia rahun no lasu pregu iha dalan.

PNTL rasik nafatin esforsu atu buka tuir suspeitu ne'ebé tuda ambulánsia no nafatin kolabora ho Ministériu Saúde (MS) ekipa Sentru Intergradu Jestaun Krize (SIJK) atu asegura seguransa bainhira mosu akontesimentu hanesan iha Vikeke. (*)

Published in Seguransa Defesa

Tempotimor (Dili)-Prezidente Komisaun E Parlamentu Nasional (PN) ne’ebé trata asuntu Ekonomia no Dezenvolvimentu, Antónino Bianco hatete, estabelesimentu Lei kódigu Mineiru (LKM) iha Timor-Leste sei regula (bandu) kompaña estranjeiru sira, labele uza de'it sira-nia ema husi rai liur maibé envolve mós timoroan sira.

Dadauk lei ne'e rasik preve artigu hamutuk 172, maibe artigu balun ne'ebe ke parlamentu nasional deskuti hela atu foka liu ba asuntu ida ne'e oinsa mak kompañia sira bele kumpre rekezitus ida ne'e.

"Lei ne'e atu regula de'it kona-bá oinsá mak kompaña sira ou investór sira mai husi rai liur, labele mai ho ninia ema rasik de'it, maibé sira mai mós prienxe rekezitu hotu, traballadór sira iha ne'e mós, timoroan sira iha”, hatete nia iha PN, kinta (06/05).

Iha implementasaun Lei Kódigu Mineiru ne'e la'ós atu fó obstáklu ba kompaña estranjeiru no rai laran, maibé fasilita kompaña estranjeiru no investór atu prienxe rekezitu sira ne'e Timor-Leste.

Tanba ne'e, husu parlamentu nasionál no governu atu koopera no halo intendimentu hamutuk atubele halo melloramentu ba artigu sira ne’ebé iha lei ne'e.

"Lei ne'e rasik iha artigu 172, entaun kuandu atu halo melloramentu lei ne'e tenke iha mós intendimentu hamutuk entre Parlamentu Nasional nian, nomós governu, tanba desizaun sai hothotu asums responsabilidade halo divulgasaun”, afirma nia.

Enkuantu Parlamentu Nasional (PN) liuhusi Komisaun E halo diskusaun espesialidade ba projetu lei kódigu mineiru, hodi  aprova ona artigu 93 no hela de'it artigu 79 mak seidauk aprova.

Tuir lolos iha primeiru trimestre, fulan-janeiru to'o marsu ne'e atu konklui, maibé tanba estesaun EE bandu ema labele halo movomentasaun, entaun diskusaun ne'e hafoin kontinua filafali segundu trimestre.(*)

Published in Ekonomia
Page 1 of 3

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter