Items filtered by date: Wednesday, 28 April 2021

Tempotimor (Dili)-Deputada Bankada kongresso Nacionál de Reconstrusaun de Timorense (CNRT), Verginha Ana Belo, husu Governu liuhusi Ministériu Saúde (MS) atu evita sulan joven feto hamutuk ho mane iha sala izolamentu, tanba bele hamosu problema.

Tempotimor (Dili)-Prezidente Repúblika (PR), Francisco Guterres ‘Lú Olo’, nomea hikas Deolindo do Santos atu kontinua asume kargu hanesan Prezidente Tribunal Rekursu (PTR) ba mandatu tinan haat.

Prezidente Repúblika nomea hikas Deolindo do Santos ne'e, liu husi Dekretu Prezidente Repúblika númeru 23/2021, 28 Abríl.

"Prezidente Repúblika nomea Prezidente Supremu Tribunal de Justisa, entre husi juiz sira, tuir artigu 86 alinea j, atigu 124 númeru 3, husi Konstituisaun Repúblika, konforme artigu 128, ho inerensia, Prezidente Konsellu Superior Majistratura Judisiál", informa gabinete PR ba www tempotimor.com, kuarta (28/04).

Bazeia ba artigu 164, númeru 2 husi Konstituisaun no artigu 110, númeru 1 husi Lei númeru 8/2002, 20 setembru, altera ho Lei númeru 11/2004, 29 dezembru (Estatutu Majistradus Judisiais), ne’ebé estabelese Tribunal Rekursu, enkuantu sai Instánsia Máxima organizasaun judisiária, eziste iha Timor-Leste, ezerse kompeténsia nu'udár Supremu Tribunal de Justisa, to’o ninian funsionamentu.

Tuir artigu 110, númeru 4 husi Estatutu Majistradu Judisial, kompete ba Prezidente Repúblika nomea Prezidente Tribunal Rekursu.

Estatutu Majistradu Judisial hatete, Konsellu Superior Majistratura Judisial prezididu husi Prezidente Tribunal Rekursu.

Tanba ne’e, Prezidente Repúblika, tuir artigu 86 alinea j, artigu 124, númeru 3 no artigu 164, númeru 2 husi Konstituisaun Repúblika, no artigu 29, númeru 1, artigu 110, númeru 1 no 4 husi Lei númeru 8/2002, 20 setembru, altera husi Lei númeru 11/2004, 29 dezembru, dekreta hodi nomea Deolindo dos Santos nu’udar Prezidente Tribunal Rekursu. Dekretu ne’e prodús efeitu hahú husi 29 Abríl 2021.

Nune'e, Serimónia tomada de posse ba Prezidente Tribunal Rekursu sei hala’o iha loron kinta (29/04) tuku 10:30 otl, iha Palásiu Prezidensiál Nicolau Lobato. (*)

Tempotimor (Dili)- Prezidente Repúblika (PR), Francisco Guterres ‘Lú Olo’, nomea Alfonso Lopez hodi troka Prokuradór Jerál Repúblika (PJR), Jose Ximenes, ba mandatu tinan haat.

Nomeasaun ne’ebé PR Lú Olo halo, tanba mandantu Prokuradór Jerál Repúblika sesamte, Jose Ximenes, mandatu remata iha loron kuarta (28/04), bainhira lidera Prokuradoria Jerál Repúblika durante tinan 8 ho mandatu dala-2.

PR, Lú Olo, liuhusi Dekretu Prezidente Repúblika númeru 22/2021, 28 abril, hafoin rona Governu, tuir artigu 86, alínea k) husi artigu 133, númeru 3, Konstituisaun Repúblika, konjuga ho artigu 12, númeru 1, númeru 2 husi Lei númeru 14/2005, 16 setembru, altera husi Lei númeru 11/2011, 28 setembru (Estatutu Ministériu Públiku) dekreta hodi nomea Alfonso Lopez nu’udar Prokuradór Jerál Repúblika.

Dekretu Prezidente Repúblika ne’e prodús efeitu hahú husi 29 abril 2021. No fó sai iha Palásiu Prezidensiál Nicolau Lobato, Díli, kuarta (28/04).

Liuhusi Dekretu Prezidente Repúblika 21/2021, 28 abril, Prezidente Repúblika ezonera Alfonso Lopez husi kargu Adjuntu Prokuradór Jerál Repúblika.

Aliende ne’e, serimónia tomada de posse ba Prokuradór Jerál Repúblika sei hala’o iha loron 29 Dylan-abril, tuku 9:00 otl, iha Palásiu Prezidensiál Nicolau Lobato. (*)

Tempotimor (Dili)- Parlamentu Nasional (PN), kuarta (28/04) aprova pedidu renovasaun Estadu Emerjénsia (EE) ba dala sanuluk-resin-tolu (XIII) iha Timor-Leste, ho votu afavor 43, kontra 0 no votu abstensaun 16 husi Bankada CNRT, no deputadu 6 aujente.

Tempotimor (Dili) - Koordenadór Sala Situasaun-SIJK, Komodoro Donaciano do Rosário da Costa Gomes "Pedro Klamar Fuik", hatete, susesu ba kombate surtu Covid-19 iha Timor-Leste mai husi konsiénsia umanu.