Items filtered by date: Friday, 23 April 2021

Tempotimor (Dili) - Sentru Integradu Jestaun ba Krize (SIJK) rejista ona kazu Covid-19 ativu hamutuk 925, falta kazu 75 Timor-Leste tana ona 1,000 (rihun-ida).

Published in Saude

Tempotimor (Dili)- Organizasaun Naun Governamental, Timor-Leste Coalition Education (TLCE), eziji ba deputadu sira atu responsabiliza estudante sira ne’ebé hela iha uma kos, tanba vota kontra proposta subsidiu.

Published in Politika

Tempotimor (Dili)-Parlamentu Nasionál (PN), iha sesta (23/4) aprova ona proposta Orsamentu Rektifikativu (OR) liuhusi alterasaun Lei Orsamentu Jerál Estadu (OJE) 2021 iha finál globál ho rezultadu votus afavór 44,  Bankada CNRTdeputadu nain 20 fó votu abstensaun no votu ida dezaparese.

Published in Politika

Tempotimor (Dili) - Sentru Integradu Jestaun ba Krize (SIJK) rejista pasiénte Covid-19 na’in-2 dadaun ne’e grave ona iha Vera Cruz no uza de’it CPAP (Continuous Positive Airway Pressure).

Published in Saude

Tempotimor (Dili) - Ministro Turismo Komérsio e Indústria (MTCI sigla portuges), José Lucas do Carmo da Silva hatete, implentasaun estadu emerjénsia (EE) no Serka Sanitária (SS) difikulta kompaña distrubutór sesta bázika ba komunidade.

Published in Politika

Tempotimor (Dili) - Governu liuhusi Ministru Admistrasaun Estatal (MAE), Miguel Perreira hatete, governu sei halo rezolusaun atu bandu no muda populasaun ne'ebé hela iha área risku sira.

"Governu mós hasai rezolusaun governu ida ne’ebé bandu ema para ba hela fali iha fatin ne'ebé área risku, tanba sasán ne'e hotu governu nia planu husu ona ba xefe suku no aldeia sira para ba rejista ita-nia populasaun sira ne'e”, dehan Miguel iha Parlamentu Nasional Dili, sesta (23/04).

Dadaun ne'e iha Suku Komoro liuhusi Xefe suku ho Xefe Aldeia 12 Outubru hahú rejista ona populasaun sira ne'ebé mak tama iha grupu área risku.

"Ho lideransa ministru planu e ordenamentu nian, sira identifika ona pelumenus iha fatin ne'en (6) ke ita bele utiliza, área fatin sira ne'e ladook demais husi areador Dili, ne'ebé planu lolos oinsá atu trata ema sira ne'ebé mak labele filafali ba sira-nia hela fatin ne'e tuir mai governu sei informa”, dehan Miguel.

Ho orsamentu rektifikativu ne'ebé reforsa osan iha fundu kontizensia no infraestrutura atu fó solusaun ba problema hirak ne'e inklui apoiu umanitária.

Dadaun ne'e MAE rasik sei rejista populasaun ne'ebé sei hetan benefísiu husi planu governu no aloka ona ba hela fatin provizóriu hanesan eskola sira.

Governu planu fó solusaun ba vítima sira ne'ebé mak uma sira estragu, governu fasilita fó apoiu matérial konstrusaun ho finanseira balun ba sira atubele hadi’a fali uma.

Tuir dadus totál populasaun ne'ebé afeitadu iha Dili hamutuk rihun 25.

Antes ne'e mós Xefe estadu maior jeneral Falintil-FDTL, Tenente Jeneral Lere Anan Timur, husu atu governu bandu komunidade sira hela iha fatin risku hanesan foho lolon no mota-ninin.(*)

Published in Politika

Tempotimor (Dili)-Koordenadór Jrál iha simináriu Sagrada Coraçăo de Jesus (Sacrojes), Padre Nivio Correia Lebre informa, familia uma-kain hamutuk 40 iha Sentru Evakuasaun (SE) Hera seidauk bele reintegra ba uma, tanba sei hein apoiu rekuperasaun husi Governu.

Published in Politika

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guterres, hatete KHUNTO vota kontra ba proposta substituisaun númeru 50 ne’ebé aprezenta husi deputadu proponente sira iha Parlamentu Nasional (PN) atu evita Bankada opizisaun deklara nafatin Governu inkapasidade.

Published in Politika

Tempotimor (Dili) - Vítima sira ne'ebé afetadu husi inundasaun iha sentru evakuasaun kongregasaun Kanossiana Sagrado Coraçăo de Jesus (Sacrojes) Hera halerik ba Sekretária Estadu Protesaun Sívil (SEPS) kona-ba eskola online ne'ebé governu aplika.

Estudante husi UNTL, Esperança Delega Mesquita hatete, sira iha prekupasaun kona ba eskola online nomós ba labarik ki'ik-oan sira ne'ebé uma lakon hotu.

"Oinsá wainhira reativa fali aula normal, oinsá sira atubele ba eskola. Séra que sira-nia sasán hothotu laiha, sira-nia dokumentu hothotu laiha, oinsá sira bele ba. Hanesan ami ne'ebé universidade, governu dehan, tenke aula online, tanba ita haree ba pandemia covid-19”, dehan Esperança iha Hera, Sesta (23/04).


Durante diálogu ho ekipa SEPS, Plan International, autoridades lokál ho Padre sira iha Suku Hera, tanba sai vitima bebeik ona pandemia global covid-19 inklui tan dezastre naturál ne'ebé akontese iha loron iha loron (04/04).

“Se aula online mak hahú, ami família iha uma-laran ida de'it mak eskola aula online, parese ami-nia inan-aman bele responsábiliza. Sé na'in-rua, na'in-tolu, na'in-haat ba leten, oinsá sira bele responsábiliza agora akontese inundasaun”, dehan nia.

Ho problema ne'e, nia hakarak rekomenda diretór jerál SEPS nian atubele hato'o ba Ministeriu Edukasaun Juventude no Desportu (MEJD) bele koopera ho kompaña sira ne'ebé oferese liña internet ba iha aula online.

"Sé la'os ami husu atu gratuitamente mai ami, maibé bele hamenus oituan, atubele mós tulun ba ami, atu nune'e ami-nia inan-aman sira mós bele iha kapasidade atu sustenta ba ami hotu”, afirma nia.

Hatán ba ne'e, Diretór jerál SEPS, Ismael da Costa Babo promete, sei enkamiña ba Sekretáriu Estadu Protesaun Sivil (SEPS), Joaquim Gusmăo dos Reis no Vise Ministru Interior (MI), António Armindo hodi hatutan ba ministériu relevante sira.

Kestaun sira seluk ne'ebé sira levanta ba ministériu obras públika, liuliu ba mota, bee-mos, nomós edukasaun.

“Ha'u hato'o hela ba sira katak, ami agradese ba sira nia preukupasaun liuhusi koordenasaun liña ministerial sei kanaliza ba ministériu relevante para bele tau konsiderasaun”, dehan Ismael.(*)

Published in Edukasaun & Kultura
Page 1 of 2

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter