Vizita Kortejia MAPKomS ba Dili-Post

MAPKomS, Francisco Jeronimo ko'alia ba jornalista sira iha momentu vizita ba midia ruma foin lalais ne'e MAPKomS, Francisco Jeronimo ko'alia ba jornalista sira iha momentu vizita ba midia ruma foin lalais ne'e Foto Arkivu

Tempotimor (Dili) - Ministru Asuntu Parlamentár no Komunikasaun Sosiál (MAPKomS), Francisco Jerónimo, hala'o vizita kortejia ba Dili-Post hodi haree no rona ezijénsia ba realidade sira ne'ebé mosu iha instituisun ne'e.



Hafoin vizita ne'e, ministru hatete, vizita ne'e la'ós fila mamuk de'it, maibé simu mós ezijénsia lubuk ida husi instituisaun ne'e nian.

Nia rekoñese, impase polítika inklui Covid-19 ne'ebé mosu durante ne'e difikulta ema hotu no mundu tomak, maibé la'ós difikulta  instituisaun Dili-Post de'it.

Nia konta tuir, hanesan média sira ne'ebe nia konsege halo vizita ba mosu problema hanesan.

Atu rezolve kestaun ne'e, nia dehan, maski lei insentivu ba média hetan veta, maibé governu sei la taka matan no promete sei la fó diretamente mas dalan seluk atu bele fó apoiu ba instituisun ne'e nian.

"Lei ida ne'e hetan veta husi Prezidente Repúblika mas governu sei iha esperitu seluk, dalan ba ida ne'e barak tebes, importante ita hotu apoiu malu iha arte ne'ebe ita-boot sira presiza," dehan Ministru Francisco, hafoin remata enkontru ho estrutura Dili-Post, iha Bekora, Sesta (24/7).

Iha fatin hanesan, Diretór Dili-Post, Fernando da Silva, agradese ba prezensa Ministru Asuntu Parlamentár no Komunikasuan Sosiál iha Dili-Post hodi rona preokupasun instituisun ne'e nian.

Nia dehan, problema ne'ebé Dili-Post hasoru maka kona-ba nesesidade báziku instituisun ne'e nian, liuliu saláriu ba jornalista.

Nia rekoñese, durante fulan hirak ikus iha  Estadu Emerjénsia nia-laran, instituisun média mosu problema kona-ba finanseiru entaun la konsege selu jornalista sira-nia saláriu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.