Ministru hateten, pagamentu ba pesoál saúde ne'e bazeia ba orariu servisu, selu tuir loron. See sira servisu loron ruanulu pagamentu tuir loron ne'e.
"Karik iha pesoál saúde balun seidauk simu ha'u hanoin buat hotu nakloke, bele halo karta ofisiál ba ministériu (saúde) atu bele haree", dehan Ministru Jerónimo, iha Plenária Parlamentu Nasionál, Tersa (21/07).
Molok ne'e, Deputadu CNRT, Ricardo Batista kestiona kona-ba médiku sira no pesoál saúde sira ne'ebé oras ne'e seidauk hetan subsídiu.
"Sira balun hetan loron sanulu resin, balu hetan loron tolu nulu. Nia problema mak ne'e, agora ema sira ne'ebé servsiu iha liña frente karik loron ida nia tama ne'e nia iha liña frente la'ós hasai nia loron balun tau de'it loron balun, ida ne'e mak problema," dehan nia.
Deputadu esplika, agora defini tama servisu loron lima nulu ne'e kategoria ba liña frente see la kategoria ida ne'e sai problema tanba sira hasoru situasaun ne'ebé perigu ba sira-nia moris. (*)