Tempotimor (Dili)-Sekretáriu Estadu ba Komunikasaun Sosiál (SEKomS), Mericio Juvinal Dos Reis ‘Akara’ hatete, Programa Vasinasaun Nasionál sai hanesan estratéjia ikus atu kombate Covid-19, tanba ne’e Governu sei enkoraja sidadaun hotu atu simu vasina.

Tempotimor (Dili)-Populasaun iha Timor-Leste (TL) hamutuk pursentu 45,2 (45,2%) simu vasina doze dahuluk no pursentu 16,9 (16,9%) kompleta ona vasina doze daruak.

Tempotimor (Dili)-Governu Japaun liuhusi embaixada iha Timor-Leste apoiu tan vasina AstraZeneca doze hamutuk rihun-168 (168.000) ba Governu Timor-Leste hodi kompleta vasina ba populasaun sira hotu.

“Governu Japonez oferese ona asisténsia oioin hodi suporta ita-boot sira-nia luta hasoru covid-19. Ohin loron, vasinas AstraZeneca ne'ebé produz husi Japaun, ho montante kuaze dozes rihun-170 to'o iha ne'e”, haktuir Embaixadór Japaun, Masami Kinefuchi, durante diskursu iha serimónia entrega vasina iha salaun MNEK, Praia dos Coqueiros, segunda (16/08).

Apoiu vasina hirak ne'e nu'udár parte husi promesa ne'ebé sira-nia Primeiru Ministru hato’o iha Japaun, bainhira nia konvola reuniaun Vasina husi Japaun Covax hamutuk ho GAVI.

“Ha'u espera katak, fornesimentu adisionál vasinas husi Japaun, ne'e sei kontribui hodi halo kama’an situasaun pandemia iha pais ida ne'e. Hamutuk ita forte, fahe malu ita monu. Ida ne'e mak pais ida ne'e aprova ona iha ninia istória no kontinua sai hanesan matadalan importante ida iha tinan barak ne'ebé sei mai. Ida ne'e sai mós realidade indiskutivel ba ita hotu iha mundu globalizadu ida ne'e”, hateten nia.

Primeiru Ministru (PM), Taur Matan Ruak hatete, doasaun Governu, povu Japaun nian, Timor-Leste simu ona vasina hamutuk rihun-982,380, no iha númeru ida ne’e, Covax fó 1800, Nova Zelándia rihun-24, Xina rihun-100, Austrália 577,580, Portugal iha apoiu rihun-12, no Japaun apoiu vasina hamutuk rihun-168.

“Tanba ne'e, señor embaixadór (Japaun), ha'u hakarak lori hau-nia naran rasik, lori povu Timor nia naran, agradese ita-boot sira esforsu tomak, no liuhusi ita-boot, agradese señor Primeiru Ministru, Japaun no povu Japaun, ba jenerózidade ne'ebé fó kontribuisaun ho vasina para bele salva vida iha ami-nia rain. Ha'u-nia agradesimentu espesiál, ba organizasaun mundial saúde ho inisiál ne'ebé halo esforsu ho difikuldades boot, mais lori vasina ne'e to'o iha Timor”, dehan Taur. (*)

Tempotimor (Díli)-Arkebispu Metropolitana Dili, Dom Virgílio do Carmo da Silva, apresia ba sidadaun Timoroan ne'ebé simu ona vasina, tanba iha vontade hakarak livre husi vírus Covid-19.

Tempotimor (Dili)-Sentru Integradu Jestaun ba Krize (SIJK) hahú aviza sidadaun hotu atu kuida ho Variante foun Delta, tanba rezultadu sekuensiasaun genómica konfirma variante Delta hahú hakda’et ona iha komunidade Munisípiu Ermera nia leet.

Tempotimor (Dili)-Primeiru Ministru (PM), Taur Matan Ruak, deklara iha tempu badak governu sei obriga Funsionáriu Públiku (FP) sira tama servisu tenke iha kartaun vasina Covid-19.

Iha tempu badak governu sei ezije funsionáriu públiku hothotu ne'ebé serbisu iha estadu, so tama serbisu bainhira sira iha kartaun vasina nian”, deklara Primeiru Ministru, Taur Matan Ruak, durante diskursu iha serimónia simu vasina husi governu Australia, iha SAMES, Kampung Alor, kuarta (11/08).

Iha guide line tolu, ba oin Governu hakarak responsábiliza sidadaun sira ne'ebé la simu vasina ba sira-nia risku sira-nia vida rasik. Tanba Governu komesa halo ona iha universidade sira, no iha pais balu komesa halo ona, no iha Timor-Leste mós sei aplika.

Tanba ezemplu, iha Estadus Unidus Amérika (EUA) empréza sira atende funsionáriu sira ne'ebé vasina, no ida ne'ebé laiha, tenke hela iha uma, to'o balu hasai husi servisu.

“Provavelmente, iha Timor ita sei uza ida ne'e, para que ita-nia sidadaun sira labele manán ábitu ezíje Governu de'it, akuza Governu de'it, mas sira rasik komesa sente katak ita-nia moto saúde nian katak, "ita-nia saúde iha ita-nia liman rasik". Ha'u mate ka ha'u moris, sala ne'e, loos ne'e sei iha ha'u-nia liman. Entaun, ne'e iha guide line tolu ne'ebé governu sei uza para que orienta komportamentu governu ida ha'u lidera iha ne'e ba oin”, afirma Taur. (*)

Tempotimor (Dili)-Primeiru Ministru (PM), Taur Matan Ruak, husu deskulpa ba sidadaun ne'ebé simu vasina AstraZeneca iha loron 10-15 fulan-Juñu tanba konsidera simu vasina invalidu.

Tempotimor (Dili)-Reprezentante Povu iha Parlamentu Nasionál (PN), deputada Elena Martins, defende Ministériu Saúde (MS) tanba seidauk iha vasina ida mak at iha konjeladór Ospitál Nasional Guidu Valadares (HNGV).

Tempotimor (Dili)-Deskonfia Kompaña balun durante ne’e limita traballadór sira atubele tuir vasina kontra Covid-19, tanba la fó tempu ba traballadór sira maske Governu deklara sidaddaun hotu tenke simu vasina hafoin hala’o atividade normal.

Tempotimor (Dili)-Membru Komisaun Permanente iha Parlamentu Nasionál (PN) husi bankada KHUNTO, deputadu António Verdial krítika Ministériu Saúde (MS) ne’ebé fasilita vasina at ba komunidade hahú husi loron 10 fulan-juñu tinan 2021.