Tempotimor (Dili)-Prezidente Repúblika (PR), José Ramos Horta, hakarak traballadór timoroan na’in-111 ne'ebé mak sei dezloka ba servisu iha Korea Súl, tenke kumpre nafatin lei no kultura sira husi nasaun refere.

Tempotimor (Dili)-Sekretáriu Estadu Formasaun Profesionál Empregu (SEPOFE) liuhusi Diresaun Nasionál Empregu Exterior (DNEE) kontinua prepara traballadór Timoroan (12) atu ba servisu iha Korea Súl.

Tempotimor (Dili)-Sekretáriu Estadu Formasaun Professionál no Emporegu (SEFOPE) lihusi Dirétor Diresaun Nasionál Empregu Exterior (DNEE), Filomeno Soares informa, Governu Timor-Leste seidauk iha númeru serteza ba traballadór Timoroan servisu ilegál iha nasaun Korea Súl, maibé dadus ne’ebé Human Resource Development (HRD) ne’ebé fó sai timoroan kuaze atuslima (500) mak halai sai husi Sistema.

Tempotimor (Dili)-Sekrétariu Estadu Profesionál Empregu (SEFOPE) liuhusi Diresaun Nasionál Empregu Exterior (DNEE) realiza seremónia asina deklarasaun ba traballadór hamutuk ema na’in-96 ne’ebé sei desloka ba servisu iha Nasaun Korea Súl, iha loron segunda (27/02).

Tempotimor (Dili)-Sekretáriu Estadu Formasaun Profisionál no Empregu (SEFOPE) liuhusi Diresaun Nasionál Empregu Exteriór (DNEE) aban, segunda (13/12) sei haruka tan traballadór timoroan 'reentri' hamutuk na'in-ruanulu-resin-tolu (23) hodi ba servisu iha Korea Súl.

Tempotimor (Dili)-Traballadór Timoroan hamutuk na'in-neennulu-resin-lima (65) dadaun prepara ona sei aranka ba korea súl, iha segunda (06/12).

Tempotimor (Dili)-Traballadór timoroan hamutuk na'in-60, ohin, loron kinta (21/10), sei aranka ba hala'o servisu iha nasaun Korea Súl.

Tempotimor (Dili) - Tuir planu traballadór Timoroan na'in-51 sei aranka ba nasaun Korea súl iha loron tersa, 30 fulan-marsu tinan 2021, maibé balun komfirmadu pozitivu Covid-19.

Diretór Ezekutivu Diresaun Nasionál Empregu Exterior (DNEE) husi Sekretáriu Estádu Formasaun Profisionál no Empregu (SEFOPE), Filomeno Soares hatete, númeru traballadór 51 mak atu aranka ba Korea, maibé iha balun tuir teste SWAB la liu, nune'e aban mak bele hatene klaru, hira mak atu ba.

"Atu fó hatene de'it katak ha’u foin simu informasaun kalan ne'e dehan katak, husi traballadór 51 teste PCR ne'e iha balun mk laliu, aban (30/03) ita rona lós”, dehan Diretór ne'e ba www.tempotimor.com, segunda (29/03).

Traballadór ne'ebé atu ba Korea ne'e, antes servisu ona iha ne'eba, kontratu hotu fila tiha ona mai Timor-Leste, maibé kompaña mak presiza fali, entaun sira tenke ba fali Korea do Sul.

"Totál traballadór ne'ebé aban ba Korea 51 pesoál, husi sira ne'e traballadór tuan hotu ne'ebé servisu tiha iha Korrea no agora sira-nia empregadór mak persiza nafatin sira hodi fila ba kontinua servisu”, informa nia.

Traballadór balun ne’ebé aranka ba Korea ho Aviaun Citilink hanesan pasajeiru bai-bain. (*)