Tempotimor (Díli)-Konsellu Ministru (KM) deside aprova ona projetu rezolusaun Governu hodi mantein aplika Serka Sanitária (SS) iha Munisípiu Baukau, Bobonaro, Covalima no Díli haat.

Tempotimor (Dili)-Primeiru Ministru (PM), Taur Matan Ruak, rekoñese Estadu Emerjénsia (EE) ne'ebé aplika ona kuaze fulan-14 hamate ekonomia povu ai-leba sira.

Tempotimor (Dili)-Keuniaun Konsellu Ministru (KM) aprova ona rezolusaun governu hodi extende tan serka sanitária ba Munisípiu lima.

Tempotimor (Dili)-Ekipa Servisu Covalima Vitória ho Domin (EKSES Covid-20) organiza estudante hamutuk ema na’in-79 atu fila ba Munisípiu Covalima, tanba laiha ona ai-han atu konsumu.

Tempotimor (Dili)-Prezidente Partidu CNRT, Kay Rala Xanana Gusmão, durante ne’e halibur komunidade sira iha área Tasitolu hodi kontra regra governu kona-ba konfinamentu obrigatóriu (KO).

Hakerek nain
Naran : Asala Vicente
Estudante livre teoria : UNTL/FCS/PP
No.Kont : +670-77254381
Email : This email address is being protected from spambots. You need JavaScript enabled to view it.
Facebook : Asala Vicente

Timor-Leste kontinua estende serka sanitaria/komfinsamentu obrigatoriu iha Dili no Munisipiu balun, tanba ita ladauk hatene bainhira mak virus/moras refere termina hodi bandu atividade hanesan, eskola, misa, festa no atividade buka osan, maluk negosiate sira labele halo negosiu ho daik, inkliu labele halibur ema barak.

Iha parte seluk Governu no Sentru Integradu Gestaun Crizi ( SIGC ) halibur ema barak ba teste swab, foti Guia de marcha iha areadores SIGC CCD la iha distansia social, presija hadia nia mekanismu hanesan, prepara fatin teste swab kada Munisipiu nia iha Dili ho nune’e Munisipiu ida-idak teste swab ba tuir nia sentru iha Dili hodi kumpri distansiamentu social/hamenus halibur ema barak.

Ita presija reforsa makas liu tan sosisializsaun ba prevensaun virus Covid-19, tanba ita Timor mos iha transmisaun lokal no regista mate ona, husu Governu ho Sentru Integradu Gestaun Crizi ( SIGC ) tenke matein ninia posisaun firme tuir regras protocolo OMS nian nebe’e iha, Governu no SIGC labele foti desizaun ida la ho fiar an no la refleta ba kondisaun no situsaun, tenke firme hodi deside hodi hametin liu tan ita nia initegridade soberania nia ba mundu.

Governu presija tulun nessesidade bazika ba maluk kbit laek/vuneral sira, Cesta bazika ho 200 dollar la sufisiente moris iha Dili, la iha movimentu hodi buka osan li-liu kondutor transporte publiku no inan aman sira piineira rai henek no hili fatuk mota Comoro.

Maluk sira nebe’e moris iha Dili laos hela permanente mai buka moris servisu buruh, kondutor, eskola diak liu ita fila ba ida-idak nia Munisipi, bele han netik aifarina, batar no aihan sira seluk iha foho, tanba iha Dili buat hotu osan deit, fila ba foho ita bele halo tos kuda netik aihan hodi auguenta, tanba virus refere ita la hatene bainhira mak hotu, Governu presija tulun mos transporte hodi tula maluk fila ba Munisipiu.

Husu atu hapara atividade aula online/virtual, tanba lina internet lao lentu no estudante barak mak la iha kuinesementu virtual/zoom inklui la iha teleponi android, horbainhira mak iha ona formasaun aula online/zoom, ho nune’e prosesu aprendizazem la lao efektivu, estudante balun la dun iha vontade aprende online, balun sei hela iha Dili mos kost, hela mesak iha nia uma nebe’e inan aman prepara hodi hela ba estudu, husu maluk estudante hotu fila ba ida-idak nia Munisipiu Governu prepara transporte nafatin ba estudante sira. (*)

Tempotimor (Dili)-Sekretáriu Estadu Kooperativa (SEKoop), Elizário Ferreira hatete, implementasaun Konfinamentu Obrigatóriu impede planu SEKoop atu hari’i koperativa hodi kompleta iha Postu Administrativu hamtuk 65 iha Timor-Leste (TL) laran tomak.

Tempotimor(Dili)- Ministru Asuntu Parlamentar no Komunikasaun Sosial(MAPKomS), Francisco Martins Jerónimo hatete, iha lei Serka Sanitária (SS) la bandu ema atu desloka husi Dili ba Munisípiu, importante hetan teste swab no hetan autorizasaun husi sentru integradu jestaun ba Krize (SIJK).

"Iha lei SS/EE la bandu ema atu desloka husi Dili ba Munisípiu sira, naran katak tuir teste swab e hetan autorizasaun husi SIJK, se ida ne'e la akontese labele, se nia husu ona autorizasaun iha posibilidade atu ba Munisípiu ha’u hanoin laiha bandu”, dehan Francisco Martins Jerónimo iha plenária PN, segunda (17/05).

Entretantu husi Munisípiu sira ne'ebé la afeta ba covid-19 atu mai Dili la tuir teste swab mós bele, importante hetan autorizasaun, maibé bainhira sai fali husi Dili ba Munisípiu tenke tuir teste swab tanba Dili mak nu'udar sentru ba moras Covid-19.

"Agora husi Munisípiu sira atu mai Dili ne'ebé mak la'ós afetadu mós la presiza, swab, importante iha autorizasaun tama Dili, maibé kuandu atu sai fali tenke swab, tanba Dili mak sentru ba moras covid-19, ida ne'e mak regra ne'ebé dadaun la'o hela”, Informa nia.

Nune'e mós la bandu ema atu lori sasán mai fa’an iha Dili, iha ema balun foti ida ne'e hanesan kazu balun ne'ebé akontese fali tanba ema la komprende halo implementasaun iha nivel terenu ne’ebé lei rasik la bandu ba ida ne'e.

Tanba ne’e sirkulasaun ema ba mai atu fa’an sasán husi Munisípiu mai Dili la bandu, importante iha autorizasaun tama mai iha Dili, maibé bainhira sai fali husi Dili tenke tete swab. (*)

Tempotimor (Dili)- Governu liuhusi Konsellu Ministru (KM) iha loron kinta (29/04), deside aplika serka sanitária ba Munisípiu sia iha territóriu tomak.

Munisípiu sira ne’ebé mak tama ba serka sanitária hanesan Ainaro, Baukau, Díli, Ermera, Kovalima, Vikeke, Lautein, Likisá no Manufahi.

Ministru Prezidente Konsellu Ministru (MPKM), Fidélis Mangalhães hatete, rezolusaun ne’ebé Konsellu Ministru aprova hodi hodi renova serka sanitária ba Munisípiu neen.

“Aprova mós projetu Rezolusaun Governu nian ba renovasaun ba impozisaun serka sanitária iha munisípiu Ainaru, Baukau, Dili, Ermera, Kovalima no Vikeke, ba loron 14 tan, to’o tuku 23:59 husi loron 16 fulan-maiu tinan 2021”, esplika Fidélis ina Palásiu Governu, kinta (29/04).

Iha ne’e governu mós deside aplika serka sanitária ba Munisípiu tolu durante loron 14. “Aprova mós impozisaun serka sanitária iha munisípiu Lautém, Likisá, Manufahi, entre tuku 00:00 iha loron 30 fulan-abril tinan 2021 no tuku 23:59 loron 16 fulan-maiu tinan 2021”, deklara nia.

Nune’e, bandu sirkulasaun ema nian entre munisípiu ne’e ho sirkunskrisaun administrativa sira-seluk, exetu iha kazu sira ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku, ka razaun seluk ne’ebé presiza atu hala’o ba interese públiku nian. (*)

Tempotimor(Dili)- Akademista Universidade Nasionál Timor Lorosa'e (UNTL), Júlio Aparicio hatete, Governu nia esforsu ba kombate covid-19 ne'e di'ak, maibé presiza kria kondisaun di'ak ba sidadaun hotu iha situasaun serka sanitária (SS).

Tanba, Serka Sanitaria ne'ebé fulan kotuk Timor-Leste implementa ne'e halo povu terus, liuliu povu ai-leba sira ne'ebé buka moris iha Dili inklui estudante sira.

“Maneira hotu-hotu ne'ebé governu halo ne'e di'ak ona, maibé sira presiza kria sistema ida ne'ebé bele fo garante ba ema hotu no labele halakon povu nia konfiansa ba kombate pandemia covid-19”, dehan Júlio iha kna’ar fatin kampus Lama UNTL, kaikoli, kinta,(29/04).

Tamba durante ne’e, governu seidauk hatudu evidensia ne'ebé forte kona-ba ezistensia covid-19 iha TL.

"Ita Timor realidade, ema mear, isin manas, inus metin ne'e la'ós buat foun ida, tan ne'e governu tenke hatudu kronolojia klaru kona-ba ema moras covid-19, selae povu sei hatoman-an ho informasaun katak covid-19 ne'e bosok”, afirma Júlio.

Governu presiza seriedade intermu buka maneira ida ne'ebé di'ak liu no labele fó impaktu ba ekonomia povu, liliu estudante.(*)