Tempotimor (Dili)- Iha loron Kinta (29/07/21) maizoumenus tuku 5:00 madrugada ahi han uma komunidade iha eis merkadu komoro, aldeia 03, suku fatuhada, postu Dom Aleixo Munisípiu Dili kuaze 100.

Tempotimor (Dili) - Konsellu Ministru (KM) aprova projetu dekretu lei ne'ebe aprezenta husi Sekretáriu Estadu Meiu-Ambiente (SEA), Demetrio Amaral de Carvalho, atu regula impaktu negativu husi plástiku ba ambiente.

Tempotimor (Dili)-Sekretariu Estadu Ambiente (SEA) sei implementa projetu nagoya protokolu ho montante orsamentu rihun $3,250 hodi proteze rikusoin jenetiku no dezenvolve alterasaun klimatiku.

Tempotimor (Dili)-Sekretáriu Estadu Ambiente (SEA) emite tan lisensa ambiental ba kompaña 24 ne'ebé hala'o atividade, inklui Timor Plaza ne'ebé eziste kleur ona, iha Timor Leste.

Lisensa ambiental ne’e SEA atribui ba kompaña sira atu sira bele hala’o sira-nia atividade ho responsabilidade nune’e bele minimiza impaktu husi sira-nia atividade ba ambiente.

Sekretariu Estadu Ambiente Deometrio do Amaral de Carvalho hatete, lisensa ambiental ne’ebé atribui ba kompaña sira nu’udar karta kondusaun ida atu sira utuliza durante hala’o sira-nia atividade iha Timor Leste.

Demitrio informa, iha kategoria rua husi lisensa ambiental ne’ebé SEA fó ba kompaña sira. Kategoria B ba kompaña 2 no kategoria C ba kompaña 22.

"Ohin ne'e atividade regular Ida ne'ebé husi superiór Sekretáriu Estadu Ambiente nian ba proponente sira ne'e lisensa hamutuk 24. Iha lisensa ambiental ne'e iha rua mak kategória B no iha lisensa 22 mak kategória C," informa Sekretariu Estadu Deométrio do Amaral de Carvalho, hafoin serimonia serimónia emite lisensa ambiental iha gabinete SEA, Mandarin, Sesta (18/10/2019).

Nia esplika, lisensa ambiental ne’e emprezariu sira bele utuliza hodi hala’o sira-nia atividade lorloron ho responsabilidade.

"Ba sira ne'ebé hetan ona lisensa ambiental atu bele dezenvolve negósiu, inklui halo dezenvolvimentu ho responsabilidade atu nune'e minimiza impaktu sira ba ambiente susesu iha atividade hotu-hotu," dehan Demitrio.

Iha fatin hanesan, Koordinadór Project Management Unity Ministériu Obras Públika (MOP) António da Costa Cruz hatete, projetu ne'ebé finansia husi fundu empréstimu tenke la'o tuir kritéria ADB nian, inklui governu Timor Leste.

"Iha ami-nia serbisu, Ministériu Obras Públika zere projetu sira ne'ebé mak finansiadu husi fundu empréstimu. Entaun fundamental ba serbisu ne'e la'os de'it ADB nian rekezitu maibé governu Timor Leste mós. Tanba ne'e MOP serbisu hamutuk ho SEA hodi taka solusaun,” dehan nia.

Ho nune’e, Antonio agradese ba SEA ne'ebé emite ona lisensa ba projetu husi diresaun Baukau to'o Viqueque.