Tempotimor (Dili)- Ministra Finansa (MF) Interina Sara Lobo Brites relata, kona ba ezekusaun orsamentu ba prevensaun moras Corona Virus 2019 (Covid-19) ho inundasaun ho total Milaun US$250 ne'e governu sei presiza haruka fali tan proposta dekretu Lei ida ba Prezidente Republika hodi promulga nune'e hodi bele ezekuta.

Tempotimor (Dili)-Maske regra estadu emerjensia "bandu" atu sidadaun halibur malu, maibé ida ne'e la vale ba lider no membru koligasaun foun Aliansa Maioria Parlametar (AMP).

Iha Domingu, AMP realiza enkontru alargada ida ne'ebé lidera husi Prezidente CNRT Kay Rala Xanana Gusmão.

Ministra Finansas (MF) interina Sara Lobo Brites ne'ebé marka prezensa iha enkontru refere nu'udar konvidadu hatete, enkontru ne'e aplika regras estadu emerjensia nian.

"Iha enkontru ne'e aplika hela regra sira hanesan fase liman, uza maskara, inklui distansia sosiál, depois ha'u ba hanesan konvidadu la'ós ha'u mak realiza," dehan Ministra Sara iha Palásiu Governu, Segunda (06/04/2020).

Iha fatin hanesan Ministru Defeza no Seguransa (MDS) Filomeno da Paixão de Jesus dehan, enkontru ne'ebé lidera husi Xanana la'ós buat aat.

"Avó Nana fó ideia kona-ba krize corona virus nian, liu-liu ami ne'ebé iha governu entaun mai hato'o ideia sira ne'e ba Primeiru Ministru (PM) Taur Matan Ruak, oinsa labele importa covid-19 mai ita nia rai," dehan nia.

Nia dehan, iha enkontru refere kontinua mantein regras estadu emerjensia.

"Iha ne'ebá mantein distánsia sosiál no seluk tan, entaun la'ós buat aat ida ne'ebé ita rona, tanba maun boot hakarak fó nia kontribuisaun ha'u hanoin pozitivu," nia dehan.

Tempotimor (Dili)-Hafoin de enkontru oras hitu liu ho Prezidente CNRT Kay Rala Xanana Gusmao iha ninia Rezidensia iha loron Domingo (5/4), iha Segunda Dadersan 09:00 OTL Ministra Finansas (MF) interina Sara Lobo Brites. hakat ba Palasiu do Governu hodi hasoru malu ho Primeiru Ministru VIII Governu Konstitusional, taur Matan Ruak. Hafoin enkontru ne'ebe nia durasaun mais ou menus minutu tolu, ba jornalista sira iha Palásiu Governu Sara dehan, hasoru malu ho Primeiru Ministru (PM) Taur Matan Ruak la'ós lori karta rezignasaun, maibé atu hala'o servisu, tanba simu mós orientasaun husi Prezidente CNRT Xanana Gusmão katak tenke servisu maka'as hodi atende situasaun krize agora.

Tempotimor (Dili)-Ministra Finansa interina Sala Lobo Brites hatete, planu governu nia atu fó subsidiu ba sidadaun hotu-hotu dependen ba gravidade Covid-19.

Tempotimor (Dili)-Relasiona ho implementasaun estadu emerjensia ba prevensaun Corona Virus Deasses 2019 (Covid-19), governu Timor-Leste foti desizaun hodi adia pagamentu impostu to'o fulan tolu.

Tempotimor (Dili)-Deputadu sira iha Parlamentu Nasionál (PN) konkorda atu koa sira-nia salariu hodi atende situasaun emerjensia ne'ebé povu hasoru hela, maibé presiza iha lei atu implementa hanoin di'ak ida ne'e.

Tempotimor (Dili)-Governu iha planu atu apoiu setor privadu sira hodi bele kontinua selu sira-nia funsionariu ne'ebé la hala'o serbisu durante tempu estadu emerjensia. Maibé, planu ida ne'e so bele realiza bainhira Parlamentu Nasionál aseita.

Tempotimor (Dili)-Governu ne'ebé lidera husi Primeiru Ministru Taur Matan Ruak husu tan orsamentu millaun $100 ba Parlamentu Nasionál atu halo preparasaun hasoru Corona Virus Deasses 2019 (Covid-19) no rezolve problema inundasaun.

Tempotimor (Dili) - Governu aprezenta pedidu diskusaun ba alterasaun Lei Orsamentu Jestaun Finanseiru (LOJF) hodi sosa ekipamentu médiku ba prevensaun moras Coronavirus Disease 2019 (Covid-19) husi nasaun Xina. 

tempotimor.com (Dili)- VIII Guvernu Konstitusional ezekuta Orsementu Jeral Estadu (OJE) tinan fiskal 2019 hamutuk 84% husi total osan billaun $1.8.

Page 1 of 2

.