Tempotimor (Dili) - Prezidente Repúblika (PR), Francisco Guterres Lú Olo, presta omenajem ikus ba saudozu Renan Selak molok ba haloot iha fatin ne'ebé Estadu prepara ona.

"Ohin ha'u mai ho família, xefe kaza sivíl no Prezidénsia Repúblika nia-naran, mai to'o iha familia saudozu nian, hodi hato'o ami-nia sentidu kondolénsias ba família sira hotu, iha momentu ida ne'ebé ita hotu lakon ita-nia maun, ita-nia alin, ita-nia aman Renan Selak," dehan nia, iha rezidénsia matebian nian, iha Fomentu, Sesta (11/9).

PR husu ba familia ne'ebé sei moris atu hanoin ba kotuk no hateke ba oin hodi halo saida mak saudozu hakarak.

"Ba família no oan sira hotu atu hanoin ba kotuk depois hateke ba oin saida nia hakarak hamutuk ho ami durante tinan barak nia laran," katak PR Lú Olo.

Entretantu, kona-ba nia kaben no oan sira ne'ebé hela, hanesan veteranu ida, iha lei proteje sira hodi fó saida mak iha no nia família sira tuir de'it saida mak lei hatete, maibé Estadu rasik sei la haluhan sira ne'ebé mate ona no família.

Iha saudozu nia rezidénsia, Prezidente Repúblika (PR), Francisco Guterres Lú Olo, nu'udar mós veteranu tinan 24 konta uitoan oinsá viajen saudozu nian iha gerilla nia laran.

"Renan Selak ho ami halo viajem ida ne'ebé kee naruk teb-tebes, iha sakrifísiu no terus oioin, hodi bele ba mai no ohin loron nia husik hela ita hotu," katak PR.

PR mós dehan, durante viajem hamutuk, saudozu Renan Selak la'o ho dignidade no korajen aas tebes, atu bele luta hodi defende povu no rai ida ne'e ba ukun rasik aan.

"Renan Selak ho ami  hakat liu maluk barak nia isin ne'ebé monu iha sorin-sorin no oin-kotuk. Hakat liu susar sira ne'e hotu no hametin liután ninia determinasaun ho korajem boot teb-tebes atu la'o to'o iha rohan hodi Timor ukun rasik aan, maibé ohin nia laiha ona ita-nia leet" konta PR.

Iha fatin hanesan, maun husi saudozu Renan Selak, João Miranda "Aluk Descartes" hateten, matebian nia mate isin sei lori ba Igreja Don Bosco hodi halo misa.

"Halo misa hotu lori ba Parlamentu Nasionál (PN), depois de iha PN sei lori ba Lospalos para halo ritual tradisaun lisan, depoia mak sei foti desizaun iha oan sira-nia oin, kuandu sira konsensu ona mak deside mai haloot iha Metinaru ka oinsa," dehan Aluk Descartes.

Entetantu, saudozu Renan Selak, mate ho tinan 64 iha Ospitál Nasionál Guido Valadares (ONGV) no husik hela fen ho ninis oan na'in neen, feto na'in tolu no mane na'in tolu. (*)  

TempoTimor (Díli)- Xefe Estadu Maiór Falintil Forsa Defeza Timor-Leste (F-FDTL), Majór Jenerál Lere Anan Timur (LAT) husu Governu, atu valoriza saudozu Faustino dos Santos “Renan-Selak” nia mate, tanba durante funu, saudozu fó nia kontribuisaun máximu, ba luta ukun-rasik aan Timor-Leste nian.

TempoTimor (Dili) - Governu liuhusi Ministériu Asuntu Kombatente Libertasaun Nasionál (MAKLN) sente lakon ho peregrinasaun ikus husi saudozu Faustino dos Santos “Renan Selak”, ne'ebé hakotu iis, iha Kinta (10/9).

TempoTimor (Díli) - Funu na'in Forsa Armada Libertasaun Nasionál Timor-Leste (Falintil), Faustino dos Santos “Renan Selak”, iha Kinta (10/9), tuku 11:45, hakotu iha Ospitál Nasionál Guido Valadares (HNGV), iha Bidau-Dili.

Tempotimor (Dili) - Konsselu Kombatente Libertasaun Nasionál hamulak ba rai lulik no matebian sira atu fó hanoin no tulun atu lider sira hakotu lalais impase polítika.

Tempotimor (Dili) - Konsselu Kombatente Libertasaun Nasionál husu ba Povu hotu atu tuur hakmatek no kontinua tau fiar ba institusaun seguransa atu mantein estabilidade relasiona impase polítika ne'ebé akontese.

Tempotimor (Dili) - Konsellu Kombatente Libertasaun Nasionál halo apelu ba lider nasionál sira tuur hamutuk hakotu impase polítika ne'ebé akontese.

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks