Login to your account

Username *
Password *
Remember Me

Tempotimor (Dili)-Bankada Frente Revolusionáriu Timor-Leste no Independente (FRETILIN) kestiona maka’as ba kondisaun estrada liga husi Postu Administrativu Laga ba Bagia, Munisípiu Baukau tanba kondisaun durante kontinua grave.

Tempotimor (Dili)-Ministra Negósiu Estranjeiru no Kooperasaun​(MNEK), Adaljiza Albertina Xavier Reis Magno hatete, desizaun atu muda pozisaun esterna Timor-Leste (TL) hasoru situasaun Mianmar, depende ba Prezidente Repúblika (PR), Francisco Guteres ‘Lú Olo’ no Primeiru Ministru (PM), Taur Matan Ruak.

Tanba, eleisaun ba rezolusaun Organizaun Nasaun Unida (ONU) kona-ba situasaun iha Mianmar, Ministériu Negósiu Estranjeiru Koperasaun, iha loron 18 fulan-junu 2021, desidve ota abstein  tanba kumpre konsisténsia polítika externa Estadu Timor-Leste desde 2010.

“Portantu horseik ha’u husu iha Konsellu Ministru, se estadu halo fali konservasaun politika ida, parlamentu bele mós fó sujestaun, maibé depende ba señor Prezidente Repúblika no señor Primeiru Ministru, mak sei deside, se iha mudansa ba politiku ne'e ka lae. Tanba politiku ne'e deside tinan 2010 to'o agora”, dehan Ministra Adalzija iha Parlamentu Nasionál (PN), kinta (24/06).

Bainhira estadu deside muda TL ninia visium mós tenke halo konsulta, tanba ida ne'e la'ós desizaun MNEK nian.

Maske nune’e, rezolusaun ne’e pasa ho votu maioria favorável hosi nasaun 119 no nasaun 36 deside abtensaun, inklui nasaun sudeste aziátiku hanesan Brunei Darusalam, Tailándia, Laos no Kambodia fó votu abstensaun hodi fó biban Mianmar rezolve problema rai-laran.

Enkuantu, dadauk MNEK mós hato'o ona ba Konselhu Ministru (KM) atu nune'e Primeiru Ministru ho Prezidente Repúblika inklui Parlamentu Nasionál hodi haree fali posizaun Timor-Leste ba Mianmar.

Estadu Timor-Leste nia posizaun balun nunka muda  hanesan One-China Policy, auto determinasaun Palestina, auto determinasaun Sahara Osidentál no reforma konsellu seguransa inklui Mianmar. (*)

Tempotimor (Dili)-Primeiru Ministru (PM), Taur Matan Ruak, agradese ba kontribuisaun jornalista ne'ebé ajuda kobre informasaun kona-ba kampaña vasina iha Timor-Leste (TL).

Tempotimor (Dili)-Primeiru Ministru (PM), Taur Matan Ruak hatete, nia parte kontente ho Prezidente partidu Congresso Nacional de Rekonstrução de Timor (CNRT), Kay Rala Xanana Gusmão, deside hodi simu ona vasina.

Tempotimor (Dili)-Bankada Frente Revolusionáriu Timor-Leste no Independente (FRETILIN) fó apoiu ba Governu liuhusi Ministériu Saúde (MS) atu kontinua mantein vasina AstraZeneca iha Timor-Leste.

Tempotimor (Dili)- Diretór HAK, Sisto dos Santos husu ba Primeiru Ministru (PM), Taur Matan Ruak, atu halo investigasaun ba ekipa ne'ebé vota abstensaun ba rezolusaun Organizasaun Nasaun Unida ba sosa kilat hodi embargo iha Mianmar.

Tanba Timor-Leste kontra rezolusaun Asembleia Jerál ONU nian ne’ebé alerta embargo ba kilat (embargo da arma)  ba nasaun sira iha Ázia no Pasífiku no kondena maka’as aktu autoritáriu militár iha fevereiru liubá.

“Ami husu ba Primeiru Ministru atu halo reviu no investigasaun ekipa ida ne'ebé mak halo abstensaun ne'e dada filafali mai halo julgamentu ba sira ne'e pazisaun FONGTIL nian formalmente”, deklara Sisto iha salaun FONGTIL, Kaikoli, segunda (22/06).

Nune'e Ministériu Negósius Estranjeiru no Kooperasaun ne’ebé onra hodi esklarese katak nia parte vota Abstein tanba ninia votu abstain ba rezolusaun refere laiha pozisaun komún ho nasaun membru ASEAN sira, ne’ebé iha papél fundamentál oinsá rezolve situasaun iha Míanmar.

“Pozisaun ne’e reflete ona iha deklarasaun Timor-Leste iha 12 marsu 2021, durante sesaun Konsellu Direitu Úmanu ba dala-46, iha ne’ebé Timor-Leste espresa ona ninia preokupasaun kona-ba situasaun direitu umanu iha Míanmar no husu atu liberta arbitráriu detidu, inklui mós prezu polítiku. Alende ne’e, espresa mós apoiu tranzisaun demokrátika Míanmar nomós apela ba parte hothotu atu mantein diálogu no rezolve diferénsia sira ho meius pasífiku”, Ministra Negósiu Estranjeiru no Kooperasaun, Adalzija Magno liuhusi Komunikadu imprensa, segunda (22/06).

Tanba hanesan país demokrátika ida, Timor-Leste la apoia deklarasaun Estadu Emerjénsia hosi Forsas Armadas Míanmar iha loron 1 fulan-fevereiru tinan 2021 no asaun sira tuir mai relasiona ho governu sivíl eleitu.

Tuir informasaun ne’ebé fó sai husi mídia internasionál sira katak, rezultadu votasaun ba ezbosu rezolusaun ba situasaun iha nasaun Mianmar hatudu Timor-Leste hamutuk ho nasaun 35 vota abstensaun.

Estadu Timor-Leste reprezenta hosi Ministériu Negósiu Estranjeiru no Kooperasaun (MNEK), iha loron sesta liubá, partisipa iha diskusaun no negosiasaun iha Asembleia Jerál Nasoins Unidas (ONU) iha Nova Iorke, hodi organiza votu ba ezbosu rezolusaun kona-bá situasaun iha Mianmar.

Iha reuniaun no negosiasaun ne’e realiza tanba nasaun sira iha Uniaun Europeia (UE), ASEAN no nasaun sira seluk aprezenta ezbosu rezolusaun atu halo votasaun.

Iha votasaun ba testu ezbosu rezolusaun iha nasaun hamutuk 119 mak vota afavor, nasaun ida (Belarus) vota kontra no nasaun 35 hamutuk ho Timor-Leste (36) vota abstensaun. (*)

Tempotimor (Dili)-Primeiru Ministru (PM), Taur Matan Ruak, hakarak Grupu Traballu Tékniku (GTT) atu buka solusaun ba dezastre natural ne’ebé mosu iha Timor-Leste, loron 4 fulan-abril tinan 2021.

“Sua-exelénsia Primeiru Ministru bolu ha'u mai atu relata hela traballu sira ne'ebé mak atu koordena, ne'ebé Primeiru Ministru enkoraja nafatin ami atu fó solusaun ba dezastre sira liuba ne'e, e enkoraja mós ita atu buka solusaun rasik liliu enjeñeiru sira atubele mós dezenvolve téknika sira ne'ebé mak ita rasik bele halo hodi bele ajuda atu aliva todan ne'ebé mak ita sofre dia 04 liuba”, dehan Koordenadór GTT, Benjamin H. Martins, hafoin hasoru malu ho PM Taur iha ninia rezidénsia Farol, segunda (21/06).

Maibé servisu tékniku ne'ebé oras ne'e halo fahe ba nível emerjénsia ninian liuhusi limpeza no prosesu remata no hein de'it prosesu pagamentu.

Iha mós projetu 8, ida halo tiha ona iha Embaixada Japaun nia oin, konklui ona pursentu atusida (100%) hein prosesu pagamentu.

Iha tanba projetu 4, kona-ba ponte sira iha Dili laran, ne'e Komisaun Administrasaun Konsellu Administrasaun husi Fundu Infraestrutura (KAFI) mós aprova ona, hein atu lori ba prosesu aprovizionamentu no iha ida ponte CPLP nia sorin, geometrikamente ultrapassa altura ne'ebé mak ba mai uza, kuaze metru 13, ne'ebé nia solusaun téknika ne'e sei iha prosesu estuda hela, maibé besik remata, atu lori ba Agência Dezenvolvimento Nasional (AND).

Enkuantu, kona-ba ponte Loes, tanba ninia kompleksidade boot, nune'e husi parte Project Management Unit (PMU) estadu sei dezeñu ba ponte.

Aleinde ne'e, sei halo identifikasaun tanba dadus husi estragu sira iha kapitál Dili, nomós iha munisípiu Manatutu, Likisá ho Bobonaru, inklui parte Kosta Sul.

“Sei identifika hela dadus ho fatin, rekolla dadus hodi halo dezeñu ba rekuperasaun infraestrutura sira ne'ebé mak aat. Dadus sira ne'e, iha relasaun liu ho tékniku, avalia halo nusá, estrada mak at ka, presiza troka hotu ka, ou hadi’a balu de'it, rekolla hela, depois husi dadus sira ne'e mak sei fó solusaun téknika tuir estragu sira”, dehan nia.

Entretantu, GTT enjeñeiru timoroan sira iha Obras Públika hahú dadauk atubele dezenvolve rasik kapasidade ne'ebé hodi fó solusaun imediata ba impaktu dezastre natural. (*)

 

Tempotimor (Dili)-Primeiru Ministru (PM), Taur Matan Ruak, orienta Bee Timor-Leste,empre públika (BTL.ep) atu fornese Bee-mood ba komunidade sira iha postu administrativu Ataúro, Munisípiu Dili.

Tempotimor (Dili)-Primeiru Ministru (PM), Taur Matan Ruak, kontinua husu sidadaun labele dúvida nafatin ba simu vasina prevensaun Covid-19, tanba vasina salva vida no la'os atu hamate ema.

Tempotimor (Dili)-Primeiru Ministru (PM), Taur Matan Ruak hatete, nia parte hakarak Eis Komandante Em-chefe FALINTIL, Kay Rala Xanana Gusmăo, moris to’o tinan 150, hodi bele hamutuk nafatin servi povu.

PM Taur fó sai mensajen hodi hato'o parabéns ba aniversáriu Kay Rala Xanana Gusmão ne’ebé sei halo tinan ba dala-75 (20/06/1946-20/06/2021).

“Ha'u husu avo para tinan naruk nafatin, to'o seratus (100). Ha'u, komu hakarak seratus lima puluh (150), ha'u mós hakarak avo Nana to'o seratus lima puluh (150)", dehan PM Taur Matan Ruak hodi hato'o nia felisitasaun ba aniversáriu Kay Rala Xanana nian, iha rezidénsia Farol, sesta (18/06).

Bainhira nia ho Xanana moris to'o tinan 150, husu mós ba povu tomak atu la'o tuir sira-nia ain fatin hodi kuidadu saúde atubele moris to’o tinan atuida-resin.

“Okey, ami na'in-rua to'o 150, imi prontu para atu tuir ami na’in-rua”, haktenik Taur.

Entretantu, Kay Rala Xanana Gusmăo, moris iha Laleia, iha loron 20 fulan-juñu tinan 1946, no iha domingu (20/06/2021), sei kompleta nia jornada moris ba dala-75. (*)

 

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter