Tempotimor (Dili)-Prezidente Interinu Konsellu Imprensa, Expedito Dias Ximenes hatete, jornalista sira konsege haturu imparsialidade no neutralidade iha kobertura iha ámbitu eleisaun prezidensiál primeira volta.

Tempotimor (Dili)-Diretór Ezekyutivu Asosiasaun HAK, Sisto dos Santos, kritika mídia sira husi Partidu Polítiku sira atu labele sai oportunista hodi utiliza benefisiu no husik povu moris nafatin iha risku.

Tempotimor (Dili)-Kandidatu Prezidente Repúblika (PR) període 2022-2027, José Ramos Horta, gaba-an hasai líder Grupu Arte Marsiál (GAM) balun ne'ebé mak kondenadu husi Tribunál hodi tama kadeia iha prizaun Gleno, bainhira nia sei asume kna’ar Prezidente Repúblika iha tinan 2007-2012.

Tempotimor (Díli)-Governu Liuhusi Ministériu Assuntu Parlamentár no Komunikasaun Sosiál (MAPKomS) fó apresiasaun ba servísu jornalista sira-nian durante kampaña eleitoral ba eleisaun prezidensiál Primeira volta.

Tempotimor (Díli)-Ministru Administrasaun Estatál (MAE), Miguel Perreira de Carvalho hatete, Governu liuhusi Sekretariadu Tékniku Administrasaun Eleitorál (STAE) gasta ona osan ho montante millaun $4.5 ba eleisaun prezidensiál primeira volta.

“Orsamentu Jerál Estadu (OJE) 2022 nian ne'ebé Parlamentu Nasionál (PN) aprova, hodi realiza eleisaun prezidensiál ne'e, iha millaun $9 fó ba STAE, osan millaun $9 Ministériu das Finansas transfere ona ba STAE metade husi orsamentu ne'e ita uza ona ba eleisaun primeira volta no metade husi osan millaun $9 ne'e sei uza ba segunda volta”, dehan Ministru Miguel Perreira ba jornalista sira iha hafoin hasoru malu ho PM Taur, nia rezidénsia Faról, segunda (28/03).

Durante eleisaun prezidensiál ba primeira volta Governu utiliza ona metade OJE ne'ebé Parlamentu Nasionál aprova no dadaun halo hela preparasaun ba segunda volta kontinua utiliza metade ne’ebé transferese ona husi Ministériu Finansas.

Hafoin eleisaun prezidensiál remata, MAE aprezenta rezultadu ba Primeiru Ministru, Taur Matan Ruak hodi halo avaliasaun ba rezultadu eleisaun.

“Ohin, ha'u mai hasoru sua eselénsia Primeiru Ministru, Taur Matan Ruak hodi ko'alia oituan kona-ba preparasaun eleisaun prezidensiál segunda volta nian mais halo mós avaliasaun oituan kona-ba realizasaun eleisaun prezidensiál primeira volta”, esplika nia.

Tanba iha eleisaun Prezidensiál tinan 2022 ne'e taxa partisipasaun sa'e kompara ho Eleisaun Prezidensiál tinan 2017, husi pursentu 71, sa'e ba pursentu 77, ema lubun ida mak seidauk vota nafatin, entaun Governu nafatin halo esforsu nafatin hodi garante ema barak liután mak partisipa, esforsu ne'ebé mak temi bebeik mak aumenta sentru votasaun iha territóriu tomak nomós kriasaun de sentru estasaun votasaun Paralelu.

Tuir observasaun ne'ebé www.tempotimor.com nota iha terrenu durante eleisaun prezidensiál sidadaun kauze liu rihun-8-resin mak la konsege vota iha Sentru Votasaun Paralelu, tanba menus informasaun no rejistu tarde iha sentru votasaun Paralelu sira.

Nune'e komunidade barak iha Munisípiu Dili rasik mak la konsege vota tanba menus informasaun kona-ba prosesu oinsá atu rejistu iha sentru votasaun Paralelu. (*)