Login to your account

Username *
Password *
Remember Me

Tempotimor (Dili)-Prezidente Tribunál Rekursu (TR), Deolindo dos Santos informa, prosesu ezekusaun Orsamentu Jerál Estadu tinan 2020, iha fundu infraestrutura ba konstrusaun edifísiu foun Tribunál Distritál Dili (TDD) atinje ona pursentu 25 (25%).

Tempotimor (Dili)-Prezidente Repúbliku (PR), Francisco Guterres ‘Lú Olo’, fó konfiansa ba Prezidente Tribunal Rekursu (TR), Deolindo dos Santo, hodi kontinua haforsa sistema justisa iha Timor-Leste. Tanba ne’e, Prezidente Repúblika iha loron kinta (29/04), fó pose ba Juiz Deolindo dos Santos, hodi lidera Tribunal Rekursu ba mandantu tinan haat.

Xefe Estadu iha konfiansa boot iha Juíz Deolindo nomós iha koletivu Juíz sira iha Tribunal Rekursu, ne’ebé iha esperiensia ho méritu.

“Orgaun Estadu nian ne’e, povu enjerál sei akompaña beibeik kna’ar husi Prezidente Tribunal Rekursu nomós husi koletivu Juíz sira tomak ne’ebé halo parte ba, oinsá imi hotu hala’o imi-nia kna’ar loroloron atu haforsa justisa iha ita-nia País", dehan PR Lú Olo iha Palasíu Prezidensiál Bairopite, kinta (29/04).

PR Lú Olo hein katak iha mandatu tinan haat ne’e sei bele kontinua misaun ho dalan ne’ebé di’ak, tanba ho koñesimentu hatudu ona durante mandatu dahuluk nian.

"Parabéns no votu ho laran ksolok atu hetan susesu boot liután durante Deolindo dos Santos ninia mandatu ida tan, ba hala’o justisa lais liu no hakbesik liután ba sidadaun sira", afirma. (*)

Tempotimor (Dili)-Prezidente Repúblika (PR), Francisco Guterres ‘Lú Olo’, nomea hikas Deolindo do Santos atu kontinua asume kargu hanesan Prezidente Tribunal Rekursu (PTR) ba mandatu tinan haat.

Prezidente Repúblika nomea hikas Deolindo do Santos ne'e, liu husi Dekretu Prezidente Repúblika númeru 23/2021, 28 Abríl.

"Prezidente Repúblika nomea Prezidente Supremu Tribunal de Justisa, entre husi juiz sira, tuir artigu 86 alinea j, atigu 124 númeru 3, husi Konstituisaun Repúblika, konforme artigu 128, ho inerensia, Prezidente Konsellu Superior Majistratura Judisiál", informa gabinete PR ba www tempotimor.com, kuarta (28/04).

Bazeia ba artigu 164, númeru 2 husi Konstituisaun no artigu 110, númeru 1 husi Lei númeru 8/2002, 20 setembru, altera ho Lei númeru 11/2004, 29 dezembru (Estatutu Majistradus Judisiais), ne’ebé estabelese Tribunal Rekursu, enkuantu sai Instánsia Máxima organizasaun judisiária, eziste iha Timor-Leste, ezerse kompeténsia nu'udár Supremu Tribunal de Justisa, to’o ninian funsionamentu.

Tuir artigu 110, númeru 4 husi Estatutu Majistradu Judisial, kompete ba Prezidente Repúblika nomea Prezidente Tribunal Rekursu.

Estatutu Majistradu Judisial hatete, Konsellu Superior Majistratura Judisial prezididu husi Prezidente Tribunal Rekursu.

Tanba ne’e, Prezidente Repúblika, tuir artigu 86 alinea j, artigu 124, númeru 3 no artigu 164, númeru 2 husi Konstituisaun Repúblika, no artigu 29, númeru 1, artigu 110, númeru 1 no 4 husi Lei númeru 8/2002, 20 setembru, altera husi Lei númeru 11/2004, 29 dezembru, dekreta hodi nomea Deolindo dos Santos nu’udar Prezidente Tribunal Rekursu. Dekretu ne’e prodús efeitu hahú husi 29 Abríl 2021.

Nune'e, Serimónia tomada de posse ba Prezidente Tribunal Rekursu sei hala’o iha loron kinta (29/04) tuku 10:30 otl, iha Palásiu Prezidensiál Nicolau Lobato. (*)

Tempotimor (Dili)- Relasiona ho Lei Komisaun Anti Korupsaun (KAK) ne'ebé nakfila ba Lei Médida Prevensaun no Kombate Kotupsaun (LMPKK) ne'ebé atu aplika iha tinan oin, maka juis sira sei hetan formasaun hodi kompriende kle'an lei refere molok implementa.

Tempotimor (Dili)-Kazu krime no kazu sivíl ne'ebé kontinua aas no pendente barak liu iha Tribunál Distritál Dili (TDD) no Tribunál Distritál Baucau no Suai, maka Prezidente Tribunál Rekursu (PTR), Deolindo dos Santos, promete sei reduz kazu pendente barak molok tama tinan 2021.

Tempotimor (Dili) - Veteranu Tera Bulak prontu atu debate kontra Prezidente Tribunál Rekursu, Deolindo do Santos, iha kualkér tempu relasiona ho planu harii edifísiu Konsellu Kombatente Libertasaun Nasionál (CCLN).

Tempitimor (Dili) - Prezidente Tribunál Rekursu, Deolindo dos Santos hatete, situasaun polítika hamosu 'krize' orsamentu ba Tribunál, maski nune'e, servisu hotu-hotu ba la'o normál nafatin. 

Tempitimor (Dili) - Prezidente Tribunál Rekursu, Deolindo dos Santos, hili nonook lakohi komenta relasiona ba asuntu legalidade ba formasaun AMP agora wainhira AMP 2018 sei nafatin relasaun ba lei partidu polítika ne'ebé daudaun ne'e sai polemika iha sosiedade nia le’et.

Tempotimor (Dili) - Prezidente Tribunál Rekursu, Deolindo dos Santos hateten, Governu hatún ona desizaun hodi kansela prosesu konstrusaun ba edifísiu Supremu Tribunál Justisa (STJ) no kontinua ho konstrusaun Tribunál Distritál Dili (TDD).
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter