Tempotimor (Dili)-Deputadu husi Bankada Partidu Demokrátiku (PD) Adriano do Nascimento husu ba govenu atu taka liña fronteira terestre no apoiu subsidiu ba Timor-oan sira ne'ebé hela iha rai li'ur.

Tempotimor (Dili)-Demisaun ne'ebé Primeiru Ministru Taur Matan Ruak halo hasoru membru governu husi partidu CNRT hamosu espekulasaun balun katak partidu hirak ne'ebé halibur an ho CNRT hodi forma Aliansa Maioria Parlamentar (AMP) foun halo reuniaun maratona ho durasaun oras ba oras iha rezidensia Prezidente CNRT, Kay Rala Xanana Gusmao nian iha Lecidere Dili hodi hamosu lia anin katak AMP foun sei halo mosaun sensura hasoru PM Taur maibe parte balun la aseita.

Tempotimor (Dili) - Prezidente Bankada Partidu Demokrátiku (PD), António da Conceição 'Kalohan', konsidera pedidu governu ba Parlamentu Nasionál atu alterasaun ba Lei Orsamentu Jestaun Finanseira hanesan obriga fali PN.

Tempotimor (Dili)-Deputadu bankada PD Antonio da Conceição Kalohan deklara, Parlamentu Nasionál mak xumba Orsamentu Jeral Estadu 2020, maibé fila mai deputadu sira mak kritika malu fali.

Tempotimor (Dili) - Deputadu Bankada Partidu Demokrátiku (PD), Antonio da Conceição 'Kalohan' hateten, deputadu sira iha Parlamentu Nasionál husu governu atu responde ezijensia povu nian ba nesesidade dezenvolvimentu laiha lójika.

Tempotimor (Dili) - Laiha tempu atu termina vida partidu koligasaun foun atu forma governu, nune'e aliansa foun sei perpara rekizitu husi Prezidente Repúblika, Francisco Guterres Lú Olo.

Tempotimor (Dili)-Maske Partidu Demokratiku (PD) prefere atu iha Governu Grande Inkluzaun ida, maibé iha posibilidade boot PD sei halo koligasaun ho Partidu CNRT hodi forma governu foun.

Tuir fonte www.tempotimor.com ne'ebé iha asesu ba diskusaun durante Konferensia Nasionál PD hatete, maioria konferesista sira hakarak atu PD halo koligasaun ho CNRT.

"Diskusaun la'o manas, maibé kuaze barak mak hakarak atu PD halo koligasaun ho CNRT," deklara fonte ne'e.

Tuir fonte seluk, Konferensia Nasionál PD ne'e setingan de'it tanba desizaun ba koligasaun ne'e iha ona.

"Konferensia ne'e hanesan setting ona. Buat (koligasaun) ne'e iha ne'ebá (CNRT) ona sa. Desizaun maioria mak ba iha ne'ebá (CNRT). Ami iha diferensia hanoin mais buat la'o hanesan ne'e ona ne'e," deklara fonte ne'e.

Maske nune'e, PD seidauk anunsia ba públiku desizaun ne'ebé sira foti tanba sei sumariza hanoin hirak ne'ebé hato'o durante konferensia nasionál ne'e.

Kanek iha Pasadu La Impede

Bainhira koligasaun PD ho CNRT akontese duni, bele dehan koligasaun entre partidu rua ne'e la'os buat foun.

Iha tinan 2007, PD ho CNRT halo koligasaun hodi forma governu Aliansa Maioria Parlamentar jilid I. Governasaun AMP ne'e konsege kaer ukun to'o tinan 2012.

Hafoin ida ne'e, iha tinan 2012, PD hamutuk nafatin ho CNRT hodi forma koligasaun AMP jilid II, maibé hafoin tinan tolu, iha tinan 2015, CNRT deside hodi husi PD no hamutuk fali ho FRETILIN hodi kontinua ukun to'o 2017.

Maske PD iha istoria moruk ida ne'e, maibé PD nafatin hakarak kria koligasaun ho CNRT.

Bainhira hataan pergunta jornalista www.tempotimor.com kona-ba kestaun ne'e, Prezidente PD Mariano Assanami Sabino hatete situasaun politika atual obriga PD atu sakrifika aan no la haree ba istoria pasadu tanba PD hakarak salva nasaun.

Asanami dehan, PD lakohi atu iha Eleisaun Antesipada ne'ebé sai nu'udar rekursu ikus tan ne'e PD sei halo koligasaun ho partidu ne'ebé de'it hodi bele salva nasaun.

"Lao ho CNRT dala-ruma sai hela dalan klaran mós iha, situasaun barak akontese, maibé lia-fuan xave mak ne'e, buat sira ne'e hotu lisaun par ami aprende par depois hamrik, mais ami la uza ida ne'e par satan ba salva nasaun."

"Governu salvasaun nasional tanba situasaun atual. PD prontu foti risku. PD brani foti risku i partidu see de'it mak durante ne'e la di'ak ho PD maibé mai ho proposta salva nasaun, PD prontu lao," deklara Asanami.

Tempotimor (Dili) - Partidu Demokrátiku (PD) bele de'it 'halo-aan' iha tempu agora, tanba iha partidu boot rua FRETILIN no CNRT ne'ebé hadau-malu atu halo koligasaun.

Maski nune'e, formalmente PD seidauk foti desizaun atu halo koligasaun ho CNRT ka FRETILIN.

Maibé PD rasik hakarak maka koligasaun ba Governu ne'ebé bele asegura kontinuidade hodi kompleta restu-du-mandadu tinan 5 nian ne'ebé povu fó fiar liu husi eleisaun antesipada liubá.

"Importante agora loke ona komunikasaun entre partidu no ami hatene ona intensaun partidu rua ne'e hotu oinsa mak atu fó solusaun ba problema," dehan Sekretáriu Jerál PD, Antonio da Conceição 'Kalohan' iha Sede PD, Tersa (18/2).

Bainhira halo komunikasaun ho CNRT, Prezidente Partidu CNRT,  Xanana Gusmão, fó garantia atu utrapasa situasaun atuál.

Kalohan esplika, Xanana nia-prontidaun hamriik iha oin gaña fila-fali konfiansa husi povu atu bele halo dezenvolvimentu ba rai ne'e.

Entertantu, enkontru ho FRETILIN, PD rasik konfesa katak FRETILIN iha mós intensaun atu forma Governu ne'ebé posivelmente ho PLP no PD.

Enkuantu PD rasik agora hahú negosisaun ho partidu sira, prontidaun ne'ebé sai mekanizmu uza iha PD, maibe afirma hanesan partidu ne'ebé hamrik atu interese povu no lakohi krize impase polítika ne'e kontinua la'o. (*)

Tempotimor (Dili) - Partidu FRETILIN mós iha  intensaun atu forma koligasaun no Partidu Demokrátiku (PD) no Partidu Libertasaun Populár (PLP) hodi forma IX Governu Kpnstitusional.

Tempotimor (Dili) - Partidu Demokrátiku (PD) sei hasoru ho Partidu FRETILIN no Partidu Congresso Nacional Reconstrução Timor-Leste (CNRT) hodi ko'alia kona-ba movimentasaun partidu polítiku ne'ebé hetan asentu parlamentár.