Tempotimor (Dili)-Xéfe Suku Liúrai, Postu Turiskai, Munisípiu Manufahi, Gaspar de Araujo, kritika Parlamentu Nasionál Aprova implementasaun Progama Uma Kbi’it La’ek (UKL) diskriminasaun mosu iha terenu, tanba iha suku balun konstrui sia no suku balun sanolu.

Tempotimor (Baukau)‐Besi kanal C (kuda-kuda uma nian) ne'ebé kompañia fornesedór oferese ba Uma Kbi'it La'ek tolu iha Suku Afaloikai, Postu Adminisitrativu Baguia Munísipiu Baukau, laiha kualidade, tanba mihis demais.

Tempotimor (Dili)-Xéfe Suku Manumera, Postu Turiskai, Munisípiu Manufahi, Isabel de Jesus, preokupa ho ema Kbi'it La'ek no Oan Ki'ak ne'ebe laaAsesu ba Uma Kbi'it La'ek (UKL), ne’ebé oferese husi Governu.

“Agradese tebes ba VIII Governu ne'ebe kria Programa Implementasaun Uma Kbi'it La'ek (UKL) ba Komunidade Kbi'it La'ek sira maibé prekupasaun mak oinsá ho oanki'ak sira ne'ebé inan aman laiha ona no Komunidade Kbi'it La'ek ne'ebé nia uma at ona sira iha direitu ka la’e ba UKL”, hatete Isabel de Jesus hafoin Partisipa iha diálogu Komunitáriu ho MAPkoms iha Postu Administrativu Turiskai, sesta (25/03).

Tanba iha suku laran komunidade balun konsidera hanesan kbi’it la’ek no oanki’ak seidauk bele sai benefisiáiu ba Programa ULN, ne’ebé implementa husi Programa Nasionál Dezenvolvimentu Suku (PNDS).

Ba kestaun ne'e, Diretora Programa Nasionál Dezenvolvimentu Suku (PNDS), Claudinha Soares Pinto hatete, Komunidade Kbi'it La'ek iha territótiu Timor laran ho númeru ne'ebé as tebes, foin hahú prepara uma ne'ebé dignu no seguru ba komunidade sira.

“Ita iha rekezitu ne'ebé hatur ona iha manual ko’alia kona-ba sustentabilldade ba programa no sustentabilidade ba atividade ne'e rasik katak ema ne'ebé merese duni mak bele hetan uma husi programa UKL”, dehan Claudinha Soares Pinto iha kna'ar fatin, Kolmera-Dili, tersa (29/03).

Tanba ne'e, Suku sira la'o tuir matadalan ne'ebé iha ona enkuantu Sekretariadu Tékniku Programa Nasional Dezenvolvimentu Suku (PNDS) fasilita prosesu sira no entrega hotu ba suku no komunidade sira mak implementa.

“Rekezitu husi manuál ne'e mak primeiru sosializasaun nível Munisípiu atu fahe informasaun ba suku kona-ba kuantidade UKL sei hetan husi kada suku no aldeia ida mak autoridade lokál sira aprezenta lista benefisiáriu sira”, esplika nia.

Iha feze daruak nian, komunidade kbi'it la'ek sira tenke iha oan mínimu na'in-ida ka beioan ne'ebé hela ho sira se laiha entaun sira labele hetan sustentabilidade uma ne'e sei laiha tanba se sira rua laiha ona.

Ba faze datolu nia mak oan ki'ik tenke ho idade sanulu-resin-hitu ba leten tanba iha responsabilidade no sai xefe família, maibé oan ki’ak sira ho idade 16 mai kraik mak sei la hetan no hein oportunidade tuir mai.

Lista benefisiáriu ne'ebé hetan Uma Kbi'it La'ek (UKL) nian prepara husi suku no komunidade rasik enkuantu ekipa tékniku husi PNDS fasilita de'it prosesu sira ne'e, atu garante ba sustentabilidade programa no sustentabilidade husi atividadare refere.

Enkuantu tinan 2021 implementasaun programa UKL hamutuk uma 1.254 la responde hotu, no tinan 2022 ne'e, mai ho kuantidade uma 4.000, no ninia implementasaun ba Timor laran tomak. (*)

Tempotimor (Dili)-Diretora Programa Nasionál Dezenvolvimentu Suku (PNDS), Claudinha Soares Pinto hatete, Munisípiu Manufahi dadaun Programa Uma Kbi’it La’ek (UKL) iha ona faze implementasaun ba progressu fiziku maibé Munisípiu sira seluk sei iha faze verifikasaun ba kandidatu benefisiáriu no ajustamentu ba Planu Implementasaun Orsamentu (POI).

“Dadaun ne'e, Munisípiu Manufahi, Postu Administrativu Alas mak halo ona implementasaun ba progresu fiziku ne'e hanesan faze implementasaun nian enkuantu maiória Munisípiu ida mak ne'e la’o ona, enkuantu Munisípiu seluk sei iha faze verifikasaun ba kandidatu benifisiáriu sira. Balun konklui ona ba verifikasaun no balun hahú dezenvolve ona Planu Implementasaun Orsamentu (POI) ba atividade refere”, dehan Claudinha Soares Pinto iha kna'ar fatin, Kolmera, Dili, tersa (29/03).

Lansamentu ba programa Implementasaun progresu fiziku hala'o iha Munisípiu Manufahi, Postu Administrativu Alas iha fulan-fevereiru liuba ne'ebé ninian implementasaun la'o hela iha terenu enkuantu atinje ona pursentu sanulu-resin-lima (15%).

Hanesan iha tinan 2021, implementasaun ba UKL iha área rurá ho medida 37 M2 kuartu 2 ho orsamentu 15 mil dollar, enkuantu medida 46 M2 ho kuartu 3 no medida ba kuartu 4×3 nia orsamentu 17 mil dollar. Iha ne’e diferente ho área urbana medida UKL ho medida 37 M2 kuartu 2 ho orsamentu 14 mil dollar, enkuantu medida 46 M2 ho kuartu 3 no medida ba kuartu 4×3 nia orsamentu 16 mil dollar.

“Tinan kotuk implementasaun orsamentu hanesan ba área rurál no urbana, enkuantu tinan ne'e, diferente ba implementasaun orsamentu iha área rurál boot liu kompara ho área urbana. Tinan ida ne'e, implementasaun UKL iha faze preparasaun ba dezeñu Bill Off Quantity (BOQ) uma rihun-4 ho orasamentu 71 milhões”, esplika nia. (*)

Tempotimor (Baukau)‐Maske komunidade, Jacinta da Costa idade-60 resin hela iha uma ne'ebé kondisaun la estavel, maibé labele hetan verifikasaun ba Uma Kbi'it La'ek (UKL) iha Aldeia Ana-Ulo, Suku Bahu, Postu Adminisitrativu Baukau Vila Munísipiu Baukau, tanba limita husi mata dalan Programa Nasionál Dezenvolvimentu Suku (PNDS) nian.

Tempotimor (Baukau)-Ékipa verifikasaun ba Uma Kbi'it La'ek (UKL) no Autóridade suku hateke komunidade Jacinta da Costa ho idade-60 resin la hetan, nune’e kontinua hela iha uma ho kondisaun aat.

Tempotimor (Dili)-Governu liuhusi Ministériu Administrasaun Estatal (MAE) servisu hmutuk ho Programa Nasionál Dezenvolvimento Suku (PNDS) aloka orsamento ho montante millaun $540, hodi konstrui Uma Kbi’i La’ek (UKL) hamutuk 45 iha suku 4, Manlala, Leo-haat, Fatuk Makerek no Manufahi, iha Postu Administrativu Soibada, Munisípiu Manatuto.

Tempotimor (Dili)-Dirétora Programa Nasionál Dezenvolvimentu Suku (PNDS), Claudinha Soares Pinto hatete, Parlamentu Nasionál (PN) preve osan ho montante millaun $7I ba PNDS atu utiliza hodi konstrui Uma Kbi'it La'ek (UKL) iha tinan 2022 ba territóriu Timor laran tomak.

Tempotimor (Dili)-Reuniaun Konsellu Ministru (KM) iha kuarta (16/02) deside hodi autoriza Ministru Prezidénsia Konsellu Ministru (MPKM), Fidelis Leite Magalhães, atu asina akordu kona-ba Millennium Challenge Compact (MCC) no Program Implementation Agreement (PIA).

Tempotimor (Baukau)-Governu sei implementa Uma Kbi’it Laek (UKL) hamutuk 553 ne’ebé ho total orsamentu tokon US$ 9,779,520 iha Munisípiu Baukau.