Login to your account

Username *
Password *
Remember Me

Tempotimor (Dili)-Primeiru Ministru (PM), Taur Matan Ruak, ofisialmente deside hodi haruka Karta ba Prezidente Repúblika, Francisco Guterres ‘Lú Olo’, atu ezonera Sekretáriu Estadu ba Asuntu Antigus Kombatentes Libertasaun Nasionál (SEAKLN), Gil da Costa “Oan Soru” husi Governu Konstitusional daualu.

Tempotimor (Díli)-Observadór Polítika husi Universidade Nasionál Timor Lorosa'e (UNTL), Camilo Ximenes de Almeida hatete, Primeiru Ministru (PM), Taur Matan Ruak, mak dehan líder lolos, tanba envolve Vise Prezidente Partidu CNRT, Gil da Costa Monteiro ‘Oan Soru’, ne'ebé sei metin iha estrutura Governu daualu.

Tempotimor (Dili)-Partidu CNRT ne’ebé lidera husi Kay Rala Xanana Gusmão, halo polítika kari rai rahun ba povu nia matan, tanba tauk foti desizaun hodi haruka karta ba Primeiru Ministru, Taur Matan Ruak (TMR), atu hasai Gil da Costa Monteiro ‘Oan Soru’, husi kargu Sekretáriu Estadu ba Asuntu Kombatente Libertasaun Nasionál (SEAKLN) iha Governu daualu.

Tempotimor (Dili)-Deputadu Bankada Congresso Nacionál de Reconstrução de Timor (CNRT) iha Parlamentu Nasionál (PN), Domingos de Carvalho hatete, kona-ba Vise Prezidente Partidu, CNRT Gil Monteiro ‘Oan Soru’ ne'ebé okupa hela kargu Sekretáriu Estadu ba Asuntu Antigu Kombatente Libertasaun Nasionál no Veteranu, iha Governu daualu ida ne'e depende ba Primeiru Ministru (PM), Taur Matan Ruak, atu hasai desizaun ikus kona-ba ezonerasaun.

“Ne'ebé kompeténsia Primeiru Ministru, atu hakarak hasai yeah hasai, tanba Oan Soru mós foin dadauk sai membru estrutura partidu CNRT iha nivél nasionál ninian, hanesan primeiru vise prezidente tuir kedas Maun Boot Xanana, ne'ebé kompeténsia iha Primeiru Ministru”, dehan nia ba www.tempotimor.com iha Plenária Parlamentu Nasionál, tersa (22/02).

Maibé CNRT hakarak dehan de'i katak Sekretáriu Estadu ba Asuntu Antigu Kombatente Libertasaun Nasionál no Veteranu, Gil da Costa Monteiro “Oan Soru”, sei iha Governu ida ne'e nia laran tanba foin dadauk mak nia retoma ninia pozisaun hodi taka Primeiru Vise Prezidente partidu CNRT, Saudozu Mahuno Bulerek Karatyanao ne'ebe mak fila hikas ona mundu seluk.

“Entaun nia iha ne'ebá atu substitui de'it ida ne'e maibé desizaun ida ikus atu hasai ka la hasai ne'e kompeténsia Governu nian”, dehan nia.

Tanba ne'e, se karik primeiru ministru hakarak Kompaneru Gil Oan Soru mantein bele mantein nafatin, maibé nu’udar bankada CNRT sei mantein sai opozisaun ba Governu.

“Mais ami iha Parlamentu, iha Governu, ami ne'e opozisaun, ami la submete ba desizaun ruma ke Governu ninian ne'e, kuandu ami haree ba loos ami apoiu, e kuandu ida laloos nian ne'e ami krítika”, dehan nia.

Kona-ba koligasaun Aliansa Mudansa ba Progressu (AMP) ne'ebé uluk forma husi partidu CNRT, PLP ho KHUNTO hodi forma Governu, ida ne'e CNRT retira ona tanba ho orsamentu ne'ebé sumba iha PN.

Ho ida ne'e, CNRT agora dadauk sai hanesan opozisaun iha parlamentu maibé opozisaun ida ho konstrutivu atu hadi'a la'ós atu destroi la'e. (*)

Tempotimor (Díli-Sekretáriu Estadu Assuntus Kombatente Libertasaun Nasionál (SEAKLN), Gil da Costa Monteiro "Oan Soru" hatete, Orsmanetu Jerál Estadu (OJE) ba tinan 2022, sei tau prioridade hodi hadi'a Jardin Erois sira iha Timor laran tomak.

Tempotimor (Díli)-Atu realiza polítika koa osan benefisiáriu sira husi pensaun sobrevivénsia, pensaun subsisténsia no pensaun espesiál ba reforma, mak Oan Soru husu benefisiáriu sira atu koopera ho ekipa operadór ne'ebé sei to'o iha postu sira.

Tempotimor (Dili)-Sekretariu Estadu Asuntu Kombatentes Gil da Costa "Oan Soru" hatete, nia parte iha planu no programa ba valorizasaun veteranus, maibé nia lakohi promete tanba lakohi sai governante bosok-teen bainhira la konsege realiza.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter