Login to your account

Username *
Password *
Remember Me

Tempotimor (Dili)-Governu liuhusi Konsellu MInistru (KM) estraordiáriu konsege aprova ona tetu agregadu husi Orsamentu Jerál Estadu (OJE) 2022 ho montante hamutuk billaun US$ 1.675.

Tempotimor (Dili)-Konseleiru Másimu Partidu Kmanek Haburas Unidade Nasionál Timor Oan (KHUNTO), Jose dos Santos "Naimori Bucar", hakarak Partidu Frente Revolusionáriu Timor-Leste no Independente (FRETILIN), Partidu Libertasaun no Popular (PLP), no Kmanek Haburas Unidade Nasionál Timor Oan (KHUNTO) mantein liña koordenasaun durante iha diskusaun no aprovasaun ba Proposta Orsamentu Jerál Estadu (OJE) 2022.

Tempotimor(Dili)-Ministru Asuntu Parlamentar no Komunikasaun Sosiál (MAPKomS), Francisco Martins Jerónimo, husu ba deputadu sira iha Parlamentu Nasionál (PN) atu diskute asuntu sira ne’ebé presiza iha debate Orsamentu jerál (OJE) 2022.

Tempotimor (Díli)-Prezidente Interinu Autoridade Munisípiu Dili, António Moniz Calau hatete, tetu Fiskál ba tinan 2022 Munisípiu Dili hamutuk miliaun US$7,2 la sufisiente mak husu adisionál milliaun US$13.5 ba Komité Revizaun Orsamentu Polítiku (KROP) kona-ba tetu Fiskál  Orsamentu Jerál Estadu (OJE) 2022.

Tempotimor (Dili)-Vise Xefe Bankada Congresso Nacionál de Reconstrução de Timor (CNRT) iha Parlamentu Nasional (PN), Patrocino Fernandes dos Reis, krítika Governu ne’ebé durante ne'e konserta liuba asuntu Covid-19 liuhusi Sentru Intergradu Jestaun ba Krize (SIJK) hodi hamohu Orsamentu Jerál Estadu (OJE) 2020-2021.

"Entaun ita atu hatete dehan saida, orsamentu boot ne'ebé prevé iha OJE tinan rua nian, konsentra de'it ba  atu selu grupu oan ida ne’ebé Ministériu hothotu konsentra servisu ba asuntu covid-19. Ne’ebé ita kuandu ba SIJK, ita haree iha ne'eba, ne'e ema ne'e atus ba atus liu dok edifísiu Ministériu sira ne'e hotu, orbjetivu saida, para bele hamohu netik fundu Covid ne'e”, dehan nia iha PN, sesta (17/09).

Iha tinan 2021 ne'e, ezekusaun OJE mínimu tanba membru Governu sira-nia tarefa úniku, mak atu ezekuta orsamentu Covid-19. Maibé ida ne’e de'it mós la rezolve problema tanba iha fatin barak liu la selu osan liña frente ba pesoál Polísia, médiku, jornalista.

Desde tinan 2019 to'o 2021, bankada CNRT haree Governu mak laiha duni kapasidade atu ezekuta orsamentu.

Tanba realidade Orsamentu Jerál Estadu 2021 ho montante billaunUS$2.1 no agora iha fulan-setembru besik tama ona ba fulan-outubru maibé sira-nia kapasidade ezekusaun foin atinje pursentu 49.

Tuir rejimentu Parlamentu Nasionál nian katak, loron 15 fulan-outubru, Governu tenke submete fali ona Orsamentu Jerál Estadu mai iha Parlamentu Nasionál, atubele tuir nia prosesu sira.

Bankada CNRT nu’udar opozisaun lamentável tebes  ho Orsamentu Jerál Estadu tinan (2020-2021) hamutuk kuaze Billaun US$3.5 no membru Governu ne’ebé mak ho diskursu furak-furak, kapas no mehi mesak furak, atu hadi'a povu nia moris, maibé realidade laiha.

Tanba ne'e, CNRT  triste tanba to'o ohin loron, vítima afeta dezastre naturál iha loron 4 fulan-abril mós agora dadauk lubuk ida iha Manleu sei hela iha lona okos.

Ho asidente ne’ebé akontese iha loron 4 fulan-abril, la prevé iha OJE 2021 ne’ebé ho nia montante billaun US$1.9, rajaun ida ne'e mak Governu lori fali orsamentu retifikativu mai iha PN katak atu tau konsiderasaun ba ida ne'e.

"Retifikativu ne'e halo iha abril, e ohin setembru, ita hothotu sei haree povu hothotu sai testamuña, membru Governu sira halai iha Dili laran, ho eskoltu sira hanesan urjente ida be rai atu naben nian, maibé kapasidade atu rezolve problema povu nian mak ida ne'e”, hatete nia. (*)

Tempotimir (Dili)-Parlamentu Nasionál (PN) liuhusi Komisaun E trata asuntu infraestrutura, sei aprezenta problema Mota Loes ba Governu iha  audensia públika ba proposta Orsamentu Jerál Estadu (OJE) tinan fiskál 2022.

Tempotimor (Díli)-Komité Revizaun Orsamentu Polítiku (KROP) ne’ebé lidera husi  Primeiru Ministru, Taur Matan Ruak, aprova ona Tetu Fiskál ba Orsamentu Jerál Estadu (OJE) tinan 2022 ho montante hamutuk billaun US$1,675, kinta (16/09).

Tempotimor (Dili)-Parlamentu Nasionál (PN) dadauk seidauk hanoin atu foti desizaun koletivu ida hodi prevé orsamentu atu sosa karreta foun ba deputadu iha tinan 2022.

Tempotimor (Dili)-Prezidente Komisun C Trata asuntu finansa Públika, deputada Maria Angelica Rangel hatete, bazeia ba Tetu Orsamentu Jerál Estadu (OJE) 2022 ne'ebé Governu liuhusi Ministériu Finansa (MF) fo ba Parlamentu Nasionál (PN) hamutuk millaun US$ 14.2.

Tempotimor (Dili)-Ministériu Ensinu Superior Siénsia no Kultura (MESSK) dadaun ne’e, nia progresu ezekusaun ba Orsamentu Jerál Estadu (OJE) tinan 2021 foin atinje pursentu 56,6 (56,6%), tanba difikulta husi pandemia globál Covid-19.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter