Tempotimor (Dili)-Xefe Estadu Maior Falintil-Forsa Defeza Timor-Leste (F-FDTL), Tenente Jenerál Falur Rate Laek informa, dadauk ezekusaun Orsamentu Jerál Estadu (OJE) tinan 2022 husi F-FDTL nia iha trimester dahuluk, konsege atinje pursentu sanolu-resin-ida (11%).

“Loloos ne'e, ami implementa ona to'o pursentu 25, ami seidauk, horibainrua ha’u hatete ne'e foin mak pursentu 11oituan mais ne'e tékniku mak bele esplika buat ne'e, ha’u la'ós tékniku, ha'u politiku”, dehan Falur, hafoin halo enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairopite, kuarta (30/03).

Ba alokasaun Orsamentu Jerál Estadu 2022 ne'e, implementa no ezekuta tiha ona, maibé buat ne'ebé mak sira ko'alia ho Prezidente Repúblika nu’udar Komandante Supremu mak orsamentu ne'ebé hala'o ligasaun ho lei programasaun militar nian ne'e.

Antes ne'e, Parlamentu Nasionál (PN) aprova OJE hamutuk ho totál millaun $25,527,233 ba FALINTIL-Forsa Defeza Timor-Leste (F-FDTL) ho rezultadu votasaun a-favór 52, kontra 0 no abstensaun 12.

Husi valór orsamentu ne'e, saláriu vensimentu $10,756,000, bens servisu $14,771,233, kapitál menór, kapitál dezenvolvimentu no transferénsia públika laiha, no husi orsamentu ne’e sei finasia ba programa tolu, sub-programa lima no atividade 11.

Iha programa defeza nasionál prevee $22,930,372, programa boa-governasaun no jestaun instituisionál prevee $2,566,861 no programa igualidade jéneru no inkluzaun sosiál prevee $30,000.

Programa defeza nasionál ho nia sub-programa defeza militár nia atividade mak garante misaun operasionál F-FDTL, moderniza infraestrura no ekipamentu militár.

Haree ba Sub-programa rekursu umanu ba prestasaun servisu ho nia atividade jestaun rekursu umanu ba prestaun servisu.

Ba programa boa-governasaun no jestaun instituisionál ho nia sub-programa rua no atividade haat.

Entretantu, programa igualidade jéneru no inkluzasaun sosiál ho nia sub-programa implementasaun NAP-rezolusaun 1325 (2000) ONU kona-ba WPS ho nia atividade estabelese unidade jéneru, aspeitu integradu jéneru iha kuríkulu, promove lideransa no kapasidade feto iha F-FDTL, sensibilizasaun motiva feto iha militár no implementasaun abordajen integradu igualidade jéneru. (*)

Tempotimor (Díli)-Diretór Jerál Planeamentu e Orsamentu husi Ministériu Finansas, José Alexandria de Carvalho hatete, Governu dadaun ne’e diskute elaborasaun lei Grandes Opsaun nee’ebé sei aprezenta ba Parlamentu Nasionál hodi halo aprovasaun.

Tempotimor (Dili)-Kandidatu Prezidente Repúblika (PR) independente Períodu 2022-2027, Martinho Gusmano da Silva Gusmão, prontu defende diretu profesór sira ba moris di'ak bainhira hetan konfiansa eleitu ba Prezidente Repúblika (PR) iha loron 19 fulan-marsu 2022.

Tempotimor (Dili)-Komandante Jerál Polisía Nasionál Timor-Leste (PNTL), Komissário Faustino da Costa deklara, iha tinan 2022, instituisaun PNTL laiha orsamentu ba rekrutamentu kadetes foun.

Tempotimor (Dili)-Timor-Leste (TL) liuhusi Governu konstituisionál da-ualu implementa orsamentu pur programa hahú iha Orsamentu Jerál Estadu (OJE) 2022, ho programa 45 ne’ebé Governu sei implemeta iha tinan 2022.

Tempotimor (Dili)-Prezidente Repúblika (PR), Francisco Guterres ‘Lú Olo’, promulga ona Lei Enkuadramentu Orsamentál (LEO) no Jestaun Finanseira Públika (JFP) ne’ebé estruturante sei substitui Lei númeru 13/2009, 21 Outubru, Orsamentu no Jestaun Finanseira ne’ebé deskreve prosesu elaborasaun, promulgasaun, ezekusaun no auditória husi Orsamentu Jerál Estadu (OJE) e'ebé iha ona vijénsia liu dékada ida nia laran.

Tempotimor (Dili)-Diretór Ezekutivu Interinu Forum Organizasaun Noun Govermentál Timor-Leste (FONGTIL), Helio Dias da Silva, nota eleisaun Prezidensiál ne’ebé sei hala’o iha loron 19 fulan-marsu 2022, sei impede ezekusaun Orsamentu Jerál Estadu (OJE) ba tinan 2022.

Tempotimor (Díli)-Ministru Administrasaun Estatál (MAE), Miguel Perreira de Carvalho hatete, iha tinan 2022 Governu sei halo uma rihun-haat (4.000) ba populasaun vulnerável iha aldeia sira territóriu tomak.

Tempotimor (Díli)-Sekretáriu Estadu Arte no Kultura (SEAK), Teófilo Caldas hatete, SEAK propoin ona Orsamentu OJE 2022 hodi apoiu uma lulik sira iha Timor laran tomak.

Tempotimor (Dili)-Prezidente Autoridade Rejiaun Administrativa Espesiál Oekussi Ambeno (RAEOA), Arsenio Paixão Bano defende konta Jerál Estadu 2020 husi RAEOA la viola prinsípiu Orsamentu Jerál Estadu (OJE).