Tempotimor (Dili)-Prizioneiru sira ne’ebé durante kumpri hela sentensa iha prizaun Suai na’in-19 infetadu ona Covid-19, maibé prizaun Grelo iha Postu Administrativu Gleno, Munisípiu Ermera sei livre husi moras globál refree.

Husi númeru prizioneiru sira iha prizaun Suai, munisípiu Covalima hamutuk 101 ne’ebé detetadu pozitivu Covid-19 iha na’in-19, hafoin rezultadu teste swab fó sai iha loron hirak liubá.

“Iha Suai (Covalima), ita iha dadur 101. Prizioneiru hamutuk na'in-29 mak pozitivu covid-19. Guarda prizionál Suai iha na'in-40. Na'in 8 mak pozitivu, sira tama hotu ona ba izolamentu iha sidade Covalima”, infroma Ministru Justisa (MJ), Manuel Cárceres da Costa iha rezidénsia Primeiru Ministru, Taur Matan Ruak, Farol, segunda (17/05).

Maibé, totál prizioneiru hamutuk 117, ho Guarda Prizionál Timor-Leste (GPTL) hamutuk 35 iha prizaun Gleno, Postu Administrativu Gleno, Munisípiu Ermera, la rejista kazu ruma, seidauk halo teste swab.

“Gleno, grasas a deus, to'o agora seidauk deteta infetadu ruma, maibé iha dalan atu mai ko’alia ho señor primeiru ministru, no kontatu ona ba Vise Ministru Saúde (MS) husu atu aban (18/05) sei halo teste Swab ba prineiral sira sai prizaun e fila ba sira-nia família”, afirma nia. (*)

Tempotimor (Dili)- Ministru Justisa (MJ), Manuel Cárceres hateten, atu fó-sai mafia sira iha instituisaun estadu nian ne'e segredu justisa, nune'e kazu 6 mak iha ona Ministériu Públiku (MP).

Tempotimor (Dili)- Provizóriamente prosesu ezekusaun Orsamentu Jerál Estadu (OJE) ba tinan 2020 husi Ministériu Justisa (MJ) atinje ona pursentu 97 (97%).

Tempotimor (Dili)- Ministériu Justisa (MJ) ho Ministériu Saúde (MS) hala’o akordu ida hodi haforsa kooperasaun entre parte rua hodi halo atendimentu saúde prizioneiru sira nian iha prizaun Bekora, Gleno no Suai.

Tempotimor (Dili) - Forum Organizasun Noun Govermental Timor-Leste (FONGTIL) fo orientasaun ba membru sira iha munisípiu 12 inklui Rejiaun Administrativa Oekusi-Ambenu (RAEOA), atu mobiliza massa kontra Ministru Justisa, Manuel Cárceres, relasiona alterasuan kriminalizasaun Lei Difamasaun.