Tempotimor (Dili)-Primeiru Ministru (PM), Taur Matan Ruak aviza ba membru governu sira atu ezekuta Orsamentu Jerál Estadu (OJE) 2023 ho didi'ak.

Tempotimor (Dili)-Bankada Kmanek Haburas Unidade Nasional Timor Oan (KHUNTO) iha Parlamentu Nasionál (PN) kondena maka’as aktu membru Governu husi Ministériu balun ne'ebé utiliza patrimóniu Estadu nian nadodon ba hala'o vizita iha Suku.

Tempotimor (Dili)-Primeiru Ministru (PM), Taur Matan Ruak hatete, nia parte sei la subar ezonerasaun membru Governu ba públiku bainhira to’o tempu sei públika, tanba seidauk iha data (loron) ne'ebé fiksu.

Tempotimor (Díli)-Membru Governu sira, loron 30 fulan-novembru 2021, preokupa hahán hodi abandona Primeiru Ministru (PM), Taur Matan Ruak, iha ámbitu Semináriu kona-ba Rezultadu Avaliasaun Ex-Post ba Projetus Infraestrutura hala’o iha Minsitériu Finansas (MF).

Tanba ne’e, Primeiru Ministru (PM), Taur Matan Ruak, hirus bainhira Membru Governu preokupa hemu kafé husik Taur Matan Ruak tur mesak iha salaun Ministériu Finansas (MF).

"Apezar de ohin iha reuniaun ida prepara ba orsamentu jerál Estadu (OJE) aban, mais ha'u la gosta enkuantu ha'u to'o mai iha ne'e tanba ita-boot sira ba hán fali enkuantu ha'u tur mesa-mesak iha ne'e”, espresa Taur ho hirus iha salaun Ministériu Finansas, Ai-Tarak Laran, tersa (30/11).

Alende ne'e Primeiru Ministru husu ba Organizadora atu iha futuru labele akontese tan, tanba problema ne’ebé presiza haree di’ak.      

"Para prósima ha'u hakarak husu Organizador sira tenke muita atensaun ba ida ne'e”, afirma nia. (*)