Login to your account

Username *
Password *
Remember Me

Tempotimor (Dili) - Xefe Estadu Maior Falintil no Forsa Defeza Timor-Leste (F-FDTL), Tanente Jeneral Lere Anan Timur hatete, nia parte lakohi haree joven sira konsentra iha izolamentu Vera Cruz, tanba laiha nesesidade atu konsentra hamutuk.

Tempotimor (Díli)-Xefe Estadu Maior Jenerál F-FDTL, Tenente Jenerál Lere Anan Timur hatete, ema ida labele kritika no dehan VIII governu ne’ebe lidera husi Primeiru Ministru Taur Matan Ruak nee inkonstitusional no inkapasidade.

Tempotimor (Dili) - Tenente Maijor-Jenerál F-FDTL, Lere Anan Timor hatete, rekrutamentu ba Falintil-Forsa Defeza Timor-Leste (F-FDTL) sei bele akontese iha fulan-abril tinan 2021 ho 300 efeitu kandidatura.

Tempotimor(Dili) - Tenente Maijór Jeneral F-FDTL, Lere Anan Timor, konsidera konfrontu entre Grupu Arte Marsiál (GAM) iha Kapitál Dili hanesan hahalok inmoral ne’ebé estraga futuru nasaun.

Tempotimor (Dili)- Prezidente Repúblika (PR), Francisco Guterres Lu-Olo, halo promosaun ba postu ofisiál no jenerál bazeia ba estatutu FALINTIL-Forsa Defeza Timor-Leste (F-FDTL) nian.

Tempotimor (Dili)-Deputada Bankada Congresso Nacionál de Reconstrução de Timorense (CNRT), Maria Fernanda Lay preokupa tebes ho instituisaun FALINTIL- Forsa Defeza Timor-Leste (F-FDTL) ne'ebe durante fulan 3 ona, deve ai-haan hodi sustenta ba sira-nia nesesidade kada loron.

Tempotimor (Dili) - Xefe Estadu FALINTIL-FDTL, Majór Jenerál Lere Anan Timur, hateten durante fulan 2 no 3 ona forsa laiha osan tanba ne'e mak membru forsa armada sira hahú deve ona nesesidade bázika.


Jenerál Lere dehan situasan hirak ne'e mosu halo hodi rezolve nesesidade ne'e mak deve mos di'ak, Timor hotu-hotu hamlaha forsa mós hamlaha ona.

"Agora deve hela fós, deve mina, tabaku mós deve, deve hotu," Lere informa ba jornalista sira iha Palasiu Prezidensiál, Bairu Pite, kuarta (10/2).

Lere informa, se ko'a osan ba interese estadu nia hanoin katak, ne'e kompetensia governu ninian la'ós nia kompeténsia

"Osan la'ós ha'u mak kaer la'ós instituisaun mak kaer, defeza kaer be hasai, la hasai ne'e problema sira nian", dehan Jenerál Lere.

Lere haktuir, buat foun mak halo relatóriu mas ida regulár ne'e Ministru Defeza mak hatene.

Lere fó ezemplu, problema hirak ne'e afeita liu-liu ba forsa sira iha fronteira ne'ebá, ke sira moris la'ós ho osan ransu, entaun sira dezaraska, ó-nia kabun mamuk buka para haan ida-ne'e mak sira halo.

"Mas ami-nia problema mak forsa tenki haan, forsa tenke iha roupa, forsa tenke iha transporte, operasionál no administrativa no forsa tenke iha kilat, forsa tenke iha infraestrutura," Lere hatutan.

Jenerál informa, medida ne'e hotu orsamentu, ne'ebé orsamantu 2021 seidauk sai, sira sei uza orsamentu 2020 ninian.

"Ema dehan deve ne'e la'ós ha'u Lere mak deve, deve ne'e mak F-FDTL mak deve, aban bainrua ó mai husu deve ne'e nusá, ida-ne'e sira konfia," Lere esplika.(*)

Tempotimor (Dili) - Relasiona ho issue balun katak Xefe Estadu Maiór FALINTIL-FDTL, Majór-Jenerál Lere Anan Timur atu kandidata ba Prezidente Repúblika iha tinan 2022 tanba oras ne'e foka ba prosesu dezenvolvimentu forsa armada nian.

Tempotimor (Dili) - Xefe estadu Maior Falintil Forsa Defeza Timor-Leste (F-FDTL), Maijor Jeneral, Lere Anan Timur husu ba Veteranus sira labele fo fatin ba ema sira ne'ebe uluk lakohi Timor-Leste ukun aan, servisu iha instituisaun sira trata asuntu veteranus nian.

Alerta, Ema Ne'ebé Aproveta Xanana Ne'e Kuidadu, Xanana Monu Ba Moras Ruma Sira Ne'ebé Haleu Ne'e Kuidadu

Tempotimor (Dili) - Xefe Estadu Maiór Jerál F-FDTL, Maijór Jenerál Lere Anan Timur bolu atensaun ba membru CNRT sira ne'ebé aproveta Kay Rala Xanana Gusmao nia naran hodi subar a'an husi Justica.

CPN- CNRT hasai ona desizaun atu dudu Kay Rala Xanana Gusmao maka sai arguidu hodi troka kandidatu suspeitu sira husi Ministeiru Publiku tuir keixa ne'ebe hatama husi Dr. Mari Alkatiri.

"Ema sira ne'ebé aproveta maun Xanana ne'e kuidadu, Maun Xanana monu ba moras ruma sira ne'ebé haleu tenki kuidadu," Lere hasai lia fuan ho ton Ameasa ne'e iha palasiu Prezidensial Dili, Kuarta (27/1)

Liu tan Lere hato'o ba publiku katak, "Agora ema aproveita maun Xanana, ami hatene, ema sira ne'ebé mak aproveita maun Xanana. Kuidadu, kuidadu."

Lere hateten, Maun Xanana di'ak nafatin hanesan ne'e, sira mós hakmatek, Xanana hetan diak sira basa liman , mas Xanana monu ba sala ruma, monu saida ruma, sira ne'ebé mak haleu tenki kuidadu.

"Ne'e ami la'ós F-FDTL maibe ami FALINTIL, mak ami sei husu responsavel ba ema sira ne'ebé besik nia tanba saida mak ami-nia komandante hetan moras ida hanesan ne'e, ami sei husu sira", Lere dehan.

Liu Tan eis komadnate gerilia Rejiaun I Lospalos, Lere esplika, "ohin loron sira, CPN-CNRT mak dehan Xanana mak ba ne'e, eipah maun Mari hateten nune'e ha'u la keisa maun Xanana, maun Xanana, ha'u keisa mak butamak sira ne'e, mais nusa mak maun Xanana mak ba".

"Ne'e politiku sira mak hatene, mas ami solidariu nafatin ho ami-nia maun Xanana, ami la so'e, ami la so'e", Lere informa.

Molok ne'e Virgílio Smith informa liu husi konferénsia Imprensa iha sede CNRT, Bairro dos Grinhos iha sabadu katak bankada Parlamentár CNRT, implementa pulítika husi partidu CNRT, liu husi programa sira ne'ebé hasai iha kongresu no implementa desizaun husi órgaun másimu partidu nian mak Komisaun Pulítika Nasionál

"CNP hasai desizaun katak Prezidente CPN Kay Rala Xanana Gusmão mak tenki ba hatan nu'udar arguidu iha tribunál", dehan Virgílio.(*)

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter