Login to your account

Username *
Password *
Remember Me

Tempotimor (Dili)-Xefe Bankada Partidu Libertasaun (PLP), Deputadu Cornelio Gama ‘L-Sete’, hirus deklarasaun anti demokrátiku ne'ebé fó sai husi Bankada Congresso Nacional de Reconstrução de Timor (CNRT) iha Parlamentu Nasionál (PN).

“Ha'u atu ko'alia liafuan defamasaun husi CNRT ne'ebé ko'alia dehan L-Sete ameasa CNRT hatudu anti demokrátiku, liafuan ida momentu ha'u dehan hanesan ne'e, CNRT labele repete liafuan Governu Taur Matan Ruak defaktu, se dehan defaktu di'ak liuhusi Xanana to'o ami sira iha ai-laran ne'e defaktu hotu”, hatete L-7 iha plenária PN, tersa (24/05).

Tanba deputadu CNRT hasai liafuan defaktu no inkonstituisional hodi derije ba Jenerál Taur Matan Ruak tanba ne'e mak husu atu labele repete maibé la'ós ameasa deputadu CNRT.

Ho liafuan anti demikrasia, ne'e, la'os deputadu L7 mak anti demokratiku, maibe deputadu sira CNRT maka anti demokratika, tanba hasai liafuan defaktu hodi diriji ba governu.

Tanba uluk ba funu iha ai-laran ne'e la'ós ema matenek mak hela iha ai-laran, hahú husu Xanana no sira seluk la'ós matenek, la'ós S1, S2 ka S3 mak iha ne'eba.

Momentu ne'eba ema sira matenek mate mohu ona, tanba funu ida ne'e, agora sira ne'ebé mate restu ne'e, bolu fali defaktu hotu de'it ne'e liafuan la di’ak.

“Agora deputadu ida ne'e, dehan Jenerál Taur Matan Ruak de faktu, Primeiru Miniatru ka Xefe do Governu defaktu, ami moe duni, hanesan uluk nee ami dulas de'it, ida ne'e liafuan at, ne'e mak na’in ulun sira iha leten ne'eba, maun sira hirus malu tanba ita husi okos ne’e mak hanesan kilat musan ida karik hatana ba tiru bebeik”, hatete nia.

Maibé, agora dadauk veteranu sira ne'ebé iha tempu rezisténsia, fó ona hanoin ba malu, labele halo arbitrazen tanba sira mak eroi ba libertasaun nasaun maibé sira ne'ebé ko'alia uza matenek agora atu hatudu nasaun ne'e sei runga ranga.

“Hau husu prezidente, ha’u husu CNRT atu muda ita-nia hanoin ida ne'e, se la'e ita dehan ne'e ita defamasaun, ita tenke halo bom ano, ne'e lei iha Taur Matan Ruak biar nia beik, nia lahatene aitonka mais ami sira aitonka kaer nasaun bee funu remata entrega poder nasaun ne’e ba imi, agora imi bolu nafatin ami aitonka, ne'e mak ami la konkorda”, afirma nia.

Maibé Xefe Bankada CNRT, Duarte Nunes husu deskulpa ba deputadu L-Sete atu lalika hirus ho liafuan ida ne'e, tanba liafuan defaktu ne'ebé CNRT ko’alia ne'e la'ós sira-nia liafuan maibé ne'e husi bankada FRETILIN nian.

“Ne'ebé labele dun mai ami, ami mak bolu Governu defaktu, mestre barak mak iha sorin, iha ha’u-nia liman loos mak ne'e, ida mak ita-nia prezidente iha meza ne'eba ne'e, ne'ebé Governu defaktu ne'e liafuan loos ka laloos, ami aprende husi sira”, esplika Duarte.

Bainhira ko'alia kona-ba pozisaun CNRT bolu Governu defaktu, tanba Governu ida ne'ebé lidera husi Jenerál Taur Matan Ruak ne'e, momentu ne'eba hato'o ona karta demisaun ba Prezidente Repúblika, maibé lahatene tanba sá mak seidauk husik kargu PM, ida ne'e mak sai konfuzaun ba CNRT. (*)

Tempotimor (Dili)- Veteranu no atuál deputadu bankada Partidu Libertasaun Populár (PLP) iha Parlamentu Nasionál (PLP) Cornélio Gama "L7" husu ba lider polítiku foun sira atu respeita no labele soran fali lider antigun sira hanesan Kay Rala Xanana Gusmão, José Ramos Horta, Taur Matan Ruak, Lere Anan Timur, Francisco Gutere Lú Olo no Marí Alkatiri.

Tempotimor (Dili)- Deputadu na’in 21 husi partidu Congresso Nacional da Reconstrução Timorense (CNRT) desidi la marka prezensa durante hala'o diskusaun espesialidade ba proposta Orsamentu Jeral Estadu (OJE) 2021 iha Parlamentu Nasional (PN).

Tempotimor (Dili)- Veteranu no atuál Deputadu Partidu Libertasaun Popular (PLP) Cornélio Gama "L7" fó ultimatu ba bankada deputadu sira husi bankada opozisaun CNRT, atu labele repete tan liafuan governu Taur Matan Ruak “defaktu” iha plenária.

Tempotimor (Dili) – Vetaranu no atuál membru Parlamentu Nasionál, Cornélio Gama “L7” husu ba Juven sira atu labele mete hodi hatama kanuru tohar ba problema lider sira nian, maibé tempu atu juven sira estuda hodi luta ba dezenvolvimentu Timor-Leste.

Tempotimor (Dili)-Oras buraisa ka ho termu lian Indonezia nian baibain hanaran jam karet sai toman at ida ne’ebé Timor-oan barak halo. Bainhira promete hasoru-malu iha tuku 10.00, nia sei mosu lalais liu tuku 10.30 no bele dada kleur liu tan. 

Temopotimor (Dili)-Maske seidauk iha votasaun hodi subtitui Prezidente Komisaun B trata asuntu Negosiu Estranjeiru, Defeza no Seguransa, maibé Aderito Hugo ne’ebé durante ne’e lidera komisaun refere hola inisiativa hodi rezigna an.

Tempotimor (Dili) - Diskusaun Orsamentu Jerál Estadu (OJE) tinan fiskál 2020 loron daruak hahú ho konflitu. Deputadu bankada governu no opozisaun ataka malu tanba liafuan 'bosok-teen'.

Tempotimor (Dili) - Loron daruak plenária debate proposta Orsamentu Jerál Estadu (OJE) tinan fiskál 2020 hahú kedas ho konflitu entre deputadu bnnkada governu no opozisaun.
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter