Tempotimor (Dili)-Tribunál Rekursu (TR) fó sai rezultadu sorteiu ne’ebé mak Kandidatu Prezidente Repúblika, José Ramos Horta iha númeru dahuluk no Francisco Guterres ‘Lú Olo’ iha númeru daruak ba buletin votu eleisaun segundu volta nian.

Tempotimor (Dili)-Kandidatu Prezidente Repúblika (PR) períodu 2022-2027, José Ramos Horta ho Francisco Guterres ‘Lú Olo’, aban, kuarta (30/03), sei 'hadau malu' númeru sorteiu ba bulletin votu iha eleisuan segunda volta, ne'ebe realiza iha loron 19 fulan abril tinan 2022, husi Tribunál Rekursu (TR).

“Atu aproveita iha momentu ida ne'e mós fó hatene ba ita-boot sira, lei hatete katak depois de fiksa anunsiu ba kandidatu rua ne'e e mesmu dia tenke se halo sorteu, tanba ne'e mak fó hatene ba ita-boot sira katak, sorteiu rua ne'e ita halo aban lokraik”, informa Prezidente Tribunál Rekursu (TR), Deolindo dos Santos, hafoin anunsiu rezultadu eleisaun primeira segundu iha edifísiu Tribunál Rekursu, Kaikoli, tersa (29/03).

Kona-ba kandidatu na'in-rua ne'ebé sei avansa ba eleisaun iha segunda volta, Tribunál Rekursu sei publika sira-nia iha kandidatu fiksu iha portál ofisiál Tribunál Rekursu nian.

Bainhira publika ona sira-nia kandidatu fiksu iha portal TR mak hafoin Tribunál halo sorteu ba kandidatu nain-rua ne'e atubele hetan atribuisaun buletin votu. (*)

Tempotimor (Dili)-Eis Kandidatu Prezidente Repúblika (PR) períodu 2022-2027, Lere Anan Timur deklara, iha eleisaun segunda volta ne’ebé avansa ho kandidatu na’in-rua hanesan José Ramos Horta ho Francisco Guterres ‘Lú Olo’, sei hili kandidatu ida ne'ebé tuir nia prinsípiu promove diálogu, unidade nasional no rekonsiliasaun ba dezenvolvimentu nasionál.

Tempotimor (Dili)-Tribunál Rekursu (TR) iha loron tersa (29/03) deklara Kandidatu Prezidente Repúblika (PR), José Ramos Horta ho Kandidatu Francisco Guteres ‘Lú Olo’, hakat ba Eleisaun Prezidensiál Segunda Volta, ne’ebé sei realiza iha loron 19 fulan-abril 2022.

Tempotimor (Dili)-Konselleiru Másimu Partidu KHUNTO, José dos Santos ‘Naimori Bukar’ hatete, ba Partidu Libertasaun Popular (PLP), Fretilin no Partidu Kmanek Haburas Unidade Timor Oan (KHUNTO) laiha dalan atu fahe malu, tanba hametin ona ho plataforma entendementu iha tinan 2020, atubele hamutuk nafatin to’o 2023.

Tempotimor (Dili)-Primeiru Ministru (PM), Jenerál Taur Matan Ruak, atual Prezidente Partidu Libertasaun Popular (PLP), séi husu lisensa anuál ba hamrik iha palku Kampaña hodi apoiu kandidatura Prezidente Repúblika períodu 2022-2027, Francisco Guterres ‘Lú Olo’, iha segunda volta eleisaun Prezidensial.

Tempotimor (Dili)-Kandidatu Prezidente Repúblika husi Partidu Frente Revolusionáriu no Independente Timor-Leste (FRETILIN), Francisco Guterres ‘Lú Olo’, agradese ba eleitór ida-idak no apoiante sira husi Grupu no Partidu Polítika ne’ebé fó votu konfiasaun iha eleisaun Prezidensiál primeira volta, iha loron 19 marsu.

Tempotimor (Dili)-Tenente Jenrál Reformadu, Lere Anan Timur (LAT) no Prezidente Partidu Libertasaun Popular (PLP), Taur Matan Ruak, atual Primeiru Ministru, sei hamutuk ho Partidu FRETILIN fó apoiu ba Kandidatu Prezidente Repúblika, Francisco Guterre ‘Lú Olo’, hodi kompete ho Prezidente Partidu CNRT, Kay Rala Xanana Gusmão, ne’ebé fó apoiu ba Kandidatu José Ramos Horta, iha eleisaun prezidensiál segunda volta.

Tempotimor (Dili)-Primeiru Ministru (PM), Taur Matan Ruak ho Prezidente Repúblika (PR), Francisco Guterres 'Lú Olo', hahú ko'alia kona-ba preparasaun ba eleisaun Prezidensiais segundu Volta ne'ebé sei akontese iha 19 abril.

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ‘sente’ insin-kolen la konsege lori Kandidatu José Ramos Horta hakatak liu bareira votu pursentu 50+1 husi totál votu validu iha primeira volta ba Prezidente Repúblika (PR) períodu 2022-2027.

“Klaru ita-nia hanoin karik bele primeiru volta, mais rezultadu hatudu tiha ona katak ita tenke ba segundu volta. Isin-kolen loos, mais kolen ida ne'e ita sei la sente wainhira ita hotu hanoin kona-ba objetivu ne'ebé mak partidu hasai”, dehan Xanana liuhusi konferensia imprensa iha Sede Nasionál Kandidatu José Ramos Horta, Hudi Laran, tersa (22/03).

Maibé sente orgullu ho estrutura tomak partidu CNRT nian, husi nasionál to'o munisípiu, inklui RAEOA, iha postu administrativu no suku, aldeia ne'ebé mak konsege hala'o servisu maka’as iha eleisaun primeiru ronda.

"Ita husu boot mós karik iha Abril nia laran, loron udan, tanba ohin temi tiha ona maluk sira ne'ebé lakonsege vota, 227 mil, estasaun votu dok oituan husi aldeia sira, estrada la di'ak, udan tán, ho ida ne'e mak reduz tiha ita nia kbi'it la'o ba oin”, hatete nia.

Tanba ne'e, husu boot atu iha fulan-abril ne'e labele iha udan fó posibilidade ba kandidatu José Ramos Horta, tanba ne'e importante tebes nasaun, atu hatur fali konstituisaun iha nia fatin, no konsolida Estadu Diretu Demokrátiku.

“Klaru isin kolen, hanesan ohin temi tiha ona, maibé kolen ne'e ita sei la sente tanba objetivu ba ita konstituisionál ne'e boot liu ita-nia isin rasik, ita-nia kolen ita la kolen rasik”, afirma Xanana.

Ba eleisaun segundu volta ne'ebe mosu hanesan oportunidade ba povu tomak, atu hili ho konsiénsia, entre opsaun rua ne'ebé mak sempre temi.

“Ou estraga nafatin ita-nia estadu diretu demokratiku lori ba ditadura ou ita hadi'a tiha krize ida ne'e hodi hatur fali konstituisaun no hametin Estadu diretu demokratiku”, dehan nia.

Tanba ne’e, husu ba entidade hothotu atu iha segundu volta mai buat hotu la'o ho di'ak iha estabilidade nia laran.

“Loos duni kazu ne'ebé akontese iha kedas hahú kampaña, ita husu ba hothotu bele hamenus tiha posibilidade ne'ebé baku malu oho malu, hamenus tiha posibilidade ataka sentru votu, tanba povu nia votu ne'e la'ós buat ida ba sosa, la’e, povu nia votu ne'e importante tebes”, afirma Xanana.

Husi rezultadu finál Provizóriu ne’ebé fó sai husi Orgaun eleitorál hanesan Sekretáriadu Tékniku Administrasaun Eleitorál (STAE) iha loron segunda (21/03) hatudu Kandidatu Prezidente Repúblika (PR), José Ramos Horta, ho Kandidatu Francisco Guterres ‘Lú Olo, sei vanasa ba eleisaun segunda volta iha loron 19 abril 2022.

Tanba ne’e, Kandidatu Prezidente Repúblika (PR), José Ramos Horta, konsege manán kandidatu na’in-15 sira seluk ho votu 301481 ho pursentu 46,58 (46,58%) husi totál votu validu ne’ebé apuradu husi STAE hamutuk 647172 kompara ho Kandidatu Francisco Guterres ‘Lú Olo, ne’ebé hetan votu 143408 ho pursentu 22,16%, iha pozisaun segundu.

Haree ba rezultadu apuramentu ne’ebé fó sai ho votu validu hamutuk 647172 ho pursentu 100 konklui ona rezultadu finál ho kandidatu na’in-16 laiha ida mak hetan votu metade husi totál votu validu iha eleisaun.

Tanba konstituisaun Repúblika Demokrátika Timor-Leste, Artigu 76, ne’ebé ko’alia kona-ba Eleisaun ba Prezidente Repúblika, iha alinea dahuluk hatete, Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.

Iha alinea daruak hatete, Eleisaun Prezidente-Repúblika nian banati tuir sistema manán ho votu barak liuhusi votu hothotu ne’ebé válidu, la sura votu ne’ebé la válidu.

Nune’e mós iha alinea datoluk hatete, wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.  No ikus liu alinea dahaat katak, iha eleisaun darua, kandidatu na’in-rua ne’ebé hetan liu votu no la hasai sira-nia kandidatura mak bele tuir. (*)