Login to your account

Username *
Password *
Remember Me

<iframe width="560" height="315" src="/" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe><iframe width="560" height="315" src="/" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Tempotimor (Same)- Eis Prezidente Repúblika (PR), Dr. José Ramos Horta, Inaugura igreja Evanjélika Presbiteriana Imanuel Same ne'ebé konstroi ho oferta husi sarani no governu Timor Leste. Maske povu Timor Leste maioria obta relijiaun Katolika maibe iha toleransia wain hodi husi relijiaun seluk mos hetan fatin.

Iha serimónia solene ne'e, Horta dehan, liuhusi toleránsia relijiaun mak Timor-Leste sai modelu di'ak ba mundu.

"Inagura povu nia fatin, Maromak nian, ne'ebé sarani sira kontribui, maibé estadu mós kontribui, tanba ne'e atu dehan katak, Timor-Leste sai ezemplu di'ak ba mundu, tanba ita bele halo sala buat barak, maibé buat ida ne'ebé ita halo mak ne'e, toleránsia, rekonsiliasaun, taka kanek, fó liman ba malu para povu bele moris hakmatek no sai ezemplu inspirasaun ba mundu," dehan Horta hafoin inagura igreja Evanjélika Presbiteriana Imanuel Same, Sábadu (30/10).

Horta mós felisita ba lideransa no sarani sira iha Igreja Evanjélika Presbiteriana Timor-Leste (IEPTL) tanba husi igreja foun ne'e bele hametin liután sarani sira-nia fiar ba Nai Maromak.

"Igreja ida ne'e fó mahon di'ak liután ba sarani sira, tan ne'e ha'u felista moderadór IEPTL, Pastór sira, inklui mós igreja doben Katólika no ita-nia maun-alin musulmanu sira," katak Horta.

 

Iha fatin hanesan, Koordenadór ba Igreja Evanjélika Presbiteriana Timor-Leste, Pastór Carlos Marçal mós agrdese, tanba uma Maromak nian ne'ebé sarani sira uza hodi kultu ba Nai Maromak.

"Ohin loron espesiál ida ba sarani sira husi igreja IEPTL liu-liu same, tanba iha loron ida ne'e bele inagura no konsagra uma kreda ida, sai hanesan Maromak nia uma, ba sarani sira iha ne'e hodi kultu ba Nai Maromak," dehan moderadór IEPTL ne'e.

Nia mós dehan, sente onradu tebes, tanba iha serimónia inagurasaun ba igreja Presbiteriana Imanuel same ne'e hetan prezensa husi lider nasionál, Dr. Jose  mos Ramos Horta no lider sira seluk.

Konstrusaun ba uma kreda ne'e hahú kedas iha 2016, ho fundus husi governu, no kontribuisaun sarani sira-nian ne'ebé hamutuk dolar rihun $10.955.50 sentavus, no konstrusaun ba projeitu ne'e kompañia Arquiris mak lidera.

Entretantu plaka ba igreja IEPTL ne'e asina huai eis komandante ein xefe das FALINTIL, Kayrala Xanana Gusmão no Moderadór IEPTL Carlos Marçal.

Partisipa iha serimónia inagurasaun ba igreja ne'e, Eis PR Dr. Jose Ramos Horta, moderadór IEPTL, Carlos Marçal, Administradór munisípiu Manufahi, Arantes Izac, Amo Pároku Nossa Senhora de Asunção Manufahi, komandante PNTL Munisípiu Manufahi Joni Viana, Prezidente Igreja Evanjélika Asembleia de Deus, Francisco Reis, Deputadu PN Arão Noé de Jesus da Costa Amaral, Pastór sira husi igreja IEPTL no konvidadu sira seluk.(*)

Tempotimor (Díli)- Eis Prezidente Repúblika José Manuel Ramos Horta halo hela espozisaun permanente ba Prémiu Nobel da Pás iha edifisiu ka uma eis titular iha Faról.

Tempotimor (Dili)- Eis-Ministru Negósiu Estranjeiru no Kooperasaun (MNEK), José Ramos Horta hala’o despedida ho embaixadór na’in tolu mak hanesan, embaixadór Estudus Unidus Amérika, Korreia do Súl no Brazíl ne'ebé remata ona sira nia misaun iha Timor-Leste (TL).

Tempotimor (Dili)-Laureadu Nobel da Pas José Ramos Horta husu ba foin-sa’e sira atu estuda maka’as hodi sai lideransa di’ak iha futuru no labele hatoman an ho sosa de’it diploma.

Tempotimor (Manatuto)-Eis Prezidente Repúblika José Ramos Horta hein katak Primeiru Ministru Taur Matan Ruak sei rezigna an iha tinan oin, 2021, hodi bele halo mudansa ba governu Konstitusional daualua.

Tempotimor (Manatuto)-Laureadu Nobel da Pas no eis Prezidente Repúblika José Ramos Horta hatete, maske durante ne’e lider sira kritika malu iha públiku nia oin, maibé sira la odiu malu, tan ne’e husu ba povu atu labele hakfodak.

Tempotimor (Manatuto)-Reprezentante husi jerasaun foun iha Munisipiu Manatuto sujere ba lider istoriku sira atu lalika inklina ba Partidu Politiku, tanba bazeia ba realidade impase politika ne’e la konsege rezolve tan de’it diferensia politika entre lider hirak ne’e.

Tempotimor (Alas)-Laureadu Nobel da Pas José Ramos Horta deklara sei hakerek karta ida ba Amu Papa Francisco hodi fó orden ba igreja Katolika iha mundu tomak atu hapara sira-nia atividade karitativa.

Horta hato’o kestaun ne’e relasiona ho deklarasaun deputadu balun iha Parlamentu Nasionál ne’ebé kestiona asaun karitativa Xanana Gusmão no konsidera asaun refere hatun povu nia dignidade.

"Ha'u rona ema matenek-nain balun iha parlamentu nasionál dehan asaun karidade hatun dignidade povu, ha’u rona no hanoin kedan atu hakerek karta ba Amu Papa atu fó orden ba igreja hotu iha mundu para karidade, tanba karidade kontra fali ema-nia dignidade," dehan Horta ba konunidade sira iha suku Dotik, Postu Administrativu Alas, Munisípiu Manufahi, Sesta (25/09).

Aleinde hakerek karta ba Amu Papa, Horta dehan, nia mós hanoin atu hakerek karta ba Sekretariu Jeral Organizasaun Nasaun Unidas (ONU) António Guterres atu fó orden ba ajensia hotu iha mundu no Timor liu-liu PNUD, UNICEF, WFP hodi hapara fahe hahan.

"Ha'u sei hatete señora .....(Primeiru ministru nia Kaben) para ona karidade ne’ebé hala’o ona tinan barak, la di’ak ba povu nia dignidade," dehan nia.

Kona-ba deputadu ida ne’ebé mak koalia, eis Ministru Negosiu Estranjeiru ne’e dehan, nia la hatene see mak koalia tanba nia akompaña de'it iha media.

"Ha'u la hatene deputadu see mak ko'alia, maibé rona no haree iha media, ha'u kuaze fiar, tanba parlamentu mesak ema matenek de'it mak iha ne'ebá, entaun sira ko'alia ita tenke rona," dehan nia.

Tuir nia, iha situasaun pandemia covid-19, sorte Xanana kontinua hodi hala’o asaun karidade atu apoiu ferik-katuas no vulneravel sira.

 

Tempotimor (Tutuluru)- Eis-Primeiru Ministru (2007-2015), Kay Rala Xanana Gusmão, ba komunidade sira iha Aldeia, Tutuluru, Postu Same Vila Munisípiu Manufahi informa katak, sira na'in rua avo Ramos Horta ‘penanguran’ (dezempregu).

Lider karismatiku ne'e dehan, “hau ho Eis-Prezidente Republika José Ramos Horta agora dezempregu, tanba ne’e la'o tun sa'e de'it laiha servisu.”

"Ami rua Avo Ramos ‘penanguran’ hanesan imi, ne'ebé ita hanesan de'it", dehan Xanana ho hamnasa hafoin halo asaun karitativa iha suku Tutuluru Postu Same Vila Munisípiu Manufahi, kuarta (23/09).

Xanana reitera, tan laiha servisu, nune'e Soe netik tempu ituan la'o haleu timor atu halo asaun karitativa ba povu kbit laek sira, difisiente no kampaña regras prevensaun ba komunidade hotu-hotu.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter