Login to your account

Username *
Password *
Remember Me

Tempotimor (Dili)-Koordenadora Jerál Komisaun Ezekutiva Saúde Surtu Covid-19, Odete Viegas hatete, sidadaun Xineza ida ne'ebé mate tanba Covid-19 dadaun ne’e sei rai hela iha konzeladór laran, iha Sala Izolamentu Vera Cruz, hodi hein prosesu atu sunu mate-isin.

 

Tempotimor (Dili)-Pasiénte Covid-19 hamutuk na’in-3 hakotu iis iha Izolamentu, iha loron 13 fulan-maiu tinan 2021.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, Matebia na’in-3, iha na’in-2 halothane iis iha uma no ida iha sala Izolamentu Vera Cruz.

“Ohin (13/05) iha kazu obitu na'in-3, ida iha fatin izolamentu ba kazu moderadu ho grave iha vera cruz, na'in-2 seluk izolamentu iha uma”, dehan nia liuhusi komunikandu imprensa, kinta (13/05).

Matebian na'in-2 ne'e, ida iha Likisá, ida iha Kaikoli Dili, detetadu pozitivu iha loron hirak liu bá, maibé rekuza atu baixa iha Vera Cruz, no obriga-an hela de'it ka fila ba uma, no hakotu ona is.

"Ohin ekipa saúde konjunta simu informasaun katak, ida iha Likisa iis-kotu iha uma, ida iha Kaicoli, Dili, iis-kotu, iha dalan ba HNGV", dehan nia.

Aliende ne’e, matebian ida hakotu iis iha sala izolamentu Vera Cruz maizumenus tuku 16:00 otl. (*)

Tempotimor (Dili)-Família pasiénte inan isin-rua ne’ebé nia bebé mate iha kabun promete sei lori prosesu tuir dalan legal, tanba la satisfas ho atendimentu pesoál saúde nian izolamentu Vera Cruz.

Insidente ne'ebé mosu iha loron kinta (06/05/2021), inan isin-rua nia bebé mate iha kabun laran, tanba ne’e Rosito de Sousa (nu'udar la'en husi pasiénte Covid-19) hakarak prosesu kazu atendimentu pessoál saúde ne'e prosesu ba oin.

“Ha'u informa ona ba parte hothotu katak atendimentu la di'ak ne'e ha'u sei lor ba tuir dalan legal, tanba saida mak pesoál saúde atende ita-nia família ladún di'ak?. Afinál governu fakar osan millaun ba millaun”, deklara Rositu Sousa iha sala izolamentu Vera Cruz, kinta (06/05).

Nia dehan, kuandu ema moras komplikasaun ruma mak tama iha izolamentu ne'e difísil tanba atendimentu ladún di'ak.

“Ema moras komplikasaun ruma mak mai iha ne'e susar duni tanba iha laran ne'e sira dehan nunka hemu aimoruk. Iha fatin ne'e mak ema dehan Corona ne'e polítika duni”, afirma nia

Tuir kronolojia ne'ebé aman husi matebian bebe, Rosito Sousa haktuir, nia kaben kanotak moras, sira ba klínika Kampun Baru, no iha ne'eba pessoál saúde sira transfere fali ba Hospitál Nasionál Guidu Valadares (HNGV), tanba sente kantoak moras maka'as.

Nune’e, hafoin to'o iha HNGV, pesoál saúde sira halo kedas teste swab ba bebe nia inan, no rezultadu mai hatudu pozitivu, maibé ho rezultadu ne’e parte saúde mós seidauk garante katak, bebe nia inan ne’e pozitivu.

Entaun, to'o tuku 2:00 otl madrugada, pesoál saúde halo tan teste swab, ikus mai rezultadu pozitivu, nune'e nia La’en kopera ho pessoál saúde sira hodi transfer kedas mai iha sala izolamentu Vera Cruz.

To'o iha izolamentu, doutor ida-idak mai koko kondisaun bebé nia inan, depois sira informa fali katak, bebe atu partus sei lori oras 12, no momentu ne'e aman Rosito Sousa sente bebé nia fuan lanormal ona, nune'e doutór sira koko fila-fali to’o labarik la iha tiha de'it (mate). (*)

 

Tempotimor (Dili)- Insidente ne’ebé mosu iha loron kinta (06/05/2021), inan isin-rua nia bebé mate iha kabun laran, mak Rosito de Sousa nu’udar la’en husi pasiénte-Covid-19 sente la satisfás hodi lori besi kanu ameasa pesoál saúde iha Vera Cruz.

 “Ha'u nervozu loos ha'u-nia ferik oan hakilar no ha'u rona katak bebé nia fuan la book an ona ha'u hiit besi kanu atu baku maibé ha'u hanoin fali tanba o (pesoál saúde) feto”, hatete Rosito Sousa iha Isolamentu Vera Cruz, kinta (06/05).

Tanba ne’e, familia matebia bebé la satisfasaun ba atendiemntu pesoál saúde iha Vera Cruz. “Atendiemntu la di'ak Bebé mate iha inan nia kabun. Ha'u lamenta ho pesoál saúde sira-nia atendimentu ne'e tanba ferik oan hakilar ba hakilar laiha ema ida mak atende”.

Ho isidente ne’e, família (Laen husi pasiénte Covid-19) ne’ebé husi uma ba fatin Izolamentu, tanba la simu no sente triste bainhira rona oan ne’ebé sei iha inan nia kabun hakotu iis.

Aliende ne'e komunidade ne'ebe hela besik iha ne'e hatete, antes ne'e problema boot iha sala izolamentu.

 “Ohin iha ne'e problema boot, tanba família la simu bebé mate iha inan nia kabun laran”, informa pessoál ida iha Vera Cruz ne'ebé lakohi públika nia naran iha www.tempotimor.com, kinta (06/05).

Pesoál ne'e hatutan hafoin família halo asaun, pessoál saúde kontaktu kedan ho Polísia Nasionál Timor Leste (PNTL) to’o kedan iha fatin hodi atua.

“Ohin iha ne'e polísia mai nakonu kedan iha fatin ne'e”, hatutan nia.

Pasiénte Covi-19 ne’ebé mai husi munisípiu Bobonaro no nia la’en husi Vikeke ne’ebé halo asaun hasoru pesoál sira sei nafatin iha sala izolamentu Vera Cruz.  (*)

Tempotimor (Dili) - Xefe Estadu Maior Falintil no Forsa Defeza Timor-Leste (F-FDTL), Tanente Jeneral Lere Anan Timur hatete, nia parte lakohi haree joven sira konsentra iha izolamentu Vera Cruz, tanba laiha nesesidade atu konsentra hamutuk.

Page 4 of 4
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter