Login to your account

Username *
Password *
Remember Me

Tempotimor (Dili)-Espoza Primeiru Ministru (PM) Taur Matan Ruak, Isabel da Costa Ferreira hakotu onas iis, iha loron domingu (18/06), maizoumenus tuku 8 liu minutu balun kalan, iha ninia rezidénsia Metiaut-Dili.

Tempotimor (Díli)-Eis Primeira Dama no Fundadora Centro Quesadhip Ruak (CQR), Isabel da Costa Ferreira, hato'o omenajen ikus ba Martinho da Costa Soares, ne'ebé mak hakotu ona nia peregrinasaun iha Mundu, kuarta (23/02).

Tempotimor (Díli)-Prezidente Fundasaun Centro Quesadhip Ruak (CQR), Isabel Ferreira, koko aplika liafuan dehan “liman karuk fó apoiu umanitáriu ba orfonatu Dominikana iha Bidau, maibé liman los labele hatene”.

Tempotimor (Dili)-Koordenadór Grupu Juventude Munisípiu Likisá (GJML), Elvis Alves dos Santos promete, sei esforsu no servisu maka’as hodi halo aproximasaun ho komunidade no juventude sira oinsá mak bele fó apoiu másimu ba Isabel da Costa Ferreira ne’ebé kandidata-án ba Prezidente Repúblika (PR).

 Tempotimor (Dili)-Koordenadór Grupu Juventude Munisípiu Aileu (GJMA) lakohi sai instrumentu partidu politiku (ParPol) iha tempu kampaña no eleisaun. Tanba ne’e husu espoza Primeiru Ministru (PM), Isabel da Costa Ferreira atu Kandidata-an ba Prezidente Repúblika (PR) iha períodu 2022-2027.

Tempotimor (Dili)-Grupu Juventude Munisípiu Lautein (GJML) hakarak Espoza Primeiru Ministru (PM), Isabel da Costa Ferreira kandidata-an ba Prezidente Republika (PR).

Tempotimor (Dili)-Grupo Juventude Rejiaun Administartiva Espesiál Oekussi Ambeno (GJ-RAEOA) deklara prontu apoiu Espoza Primeiru Ministru (PM), Isabel da Costa Ferreira, atu kandidata-an ba Prezidente Repúblika (PR).

Tempotimor (Dili)-Movimentu Juventude Miliennial (MJM) hakarak espoza Primeiru Ministru (PM), Isabel da Costa Ferreira atu kandidata-an ba Prezidente Repúblika (PR) iha periodu tinan 2022-2027.

Tempotimor (Díli)-Centro Quesadhip Ruak (CQR) halo vizita filafali ba família Georgino de Jesus ne'ebé durante ne'e sofre moras Hidrosefalos, hodi fó apoiu nesesidade báziku, segunda (16/08).

Tempotimor (Díli)- Fundasaun Sentru Quesadhip Ruak ho Embaixada Korea iha Timor-Leste, relaiza semináriu ho tema, Papel Sidadaun iha Dezenvovimentu ba Moris Di'ak.

Tuir Fundadora no Diretora Sentru Quesadhip Ruak, Isabell da Costa Ferreira, katak joven timor-oan mak futuru nasaun nian, hodi bele halo dezenvolvimentu ba moris di'ak, iha família no nasaun Timor-Leste.

"Buat ida ne'ebé joven presiza apriende husi Korea mak dezenvolvimento no mentalidade ema nian, hodi investe maka'as iha edukasaun, tanbá edukasaun mak save ba dezenvolvimentu iha nasaun ida" dehan fundadora, Isabel da Costa, iha kampus UNDIL, sesta (2/10).

Nia hatutan, timor-oan sira presiza iha vontade, ba moris di'ak no vontade atu kontribui ba nasaun TL, la'os husi polítika sira, maibé tenke sidadaun rasik.

"Atu moris di'ak, tenke mai husi sidadaun ida-idak, tanbá ita haree ba dezenvolvimentu Korea nian, la'os polítika sira mak halo dezenvolvimentu, maibé kuaze sidadaun sira, mak hakarak kontribui dezenvolvimentu ba sira nia pais"dehan diretora.

Nia hatutan, hanesan ativista direitus umanus no mos joven timor-oan ne'ebé partisipa mos, durante luta ba ukun rasik-aan, observa hafoin ita independénsia problema ba joven, agora mak seida'uk uza oportunidade ho di'ak.

Tamba oportunidade ba joven sira ohin loron, la'os ona krítika no halo demostrasaun, maibé aproveita oportunidade hodi dezenvolve buat ruma, iha sira nia-aan, ba sira nia família no kontribui ba nasaun nee.

"Ha'u haree ba ida ne'e, seidauk iha mudansa, hanesan Primeira Dama kontinua preokupa ho asuntu ida ne'e, tanbá ne'e mak programa ne'e, fundasaun halo iha área edukasaun, hanesan mos papel sidadaun ba dezenvolvimentu moris di'ak" dehan Diretora.

Atu fó hanoin ba sidadadaun hotu, liu-liu ba iha joven sira katak, joven nia papel importante no la'os koalia de'it, maibé konsagra ona iha KRDTL artigo 6 alinea C ne'ebé ko'alia kona-bá objetivu Estadu nian, fó ba sidadaun hotu, atu buka hatene problema Estadu nasionál ne'ebe estadu no nasaun enfrenta.

Iha fatin hanesan Embaixadór Korea, Lee Chin-Bum, nu'udar oradór ba iha seminar ne'e hateten, joven mak sai papel dezenvolvimento iha nasaun ida, tanbá ne'e, husu ba joven timor-oan sira katak, presiza iha vontade atu kontribui ba nasaun.

"Iha Korea dezenvolvimentu maka'as ne'e, la'os polítiku sira mak dezenvolve maibé joven sira ne'ebé ami haruka ba servisu iha rai liur ne'e mak haruka osan mai, hodi kontribui ba dezenvolvimentu" dehan Lee.

Nia hatutan joven timor-oan sira presiza hadi'a mentalidade ba parte edukasaun nian, liu-liu disiplina tempu tamba dalabarak nia observa katak, Timor-Leste la iha disiplina ba tempu.

Nia fiar katak, Timor-Leste mos, sei iha dezenvolvimentu maka'as ba tinan 10 ne'ebé mai, tanbá situasaun Timor ho Korea, kuaze atu hanesan maibé ohin loron Korea dezenvolvimentu maka'as tanbá joven sira kontribui no investe maka'as iha setór edukasaun.

Nune'e nia husu ba joven timor-oan sira, tenke hadi'a mentalidade no investe, iha área edukasaun no liu-liu disiplina iha tempu, hodi kontribui ba nasaun TL nia dezenvolvimentu.

Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter