Tempotimor (Dili)-Prezidente Grupu Mulheres Parlamentares Timor-Leste (GMPTL), Lídia Norberta dos Santos Martins, konsidera kazu soe bebé ne’ebé dala barak mosu iha Timor-Leste, tanba sosiedade agora menus morál.

Tempotimor (Dili)-Prezidente Grupu Mulheres Parlamentares Timor-Leste (GMPTL), Lídia Norberta dos Santos Martins, prefere sidadaun ne’ebé kandidatu ba Prezidente Repúblika (PR) tenke sai hanesan simbolu unidade nasionál, tanba define ona iha konstituisaun.

Tempotimor (Dili)-Prezidente Grupu Feto Parlamentares Timor-Leste (GMPTL), Deputada Lídia Norberta dos Santos Martins, lamenta desizaun tribunál ne'ebé hatuun de'it medida koasaun Termu Indetidade Rezidénsia (TIR) ba autór ho insiál DSP ne'ebe oho nia feen iha Batugade, Postu Administrativu Balibo, Munisípiu Bobonaro.

Tempotimor (Dili) – Prezidente Grupu Mulher Parlamentu Timor-Leste (GMPTL), Lidia Norberta katak, jerasaun foun hahú lakon nia valór morál ba igreja Katolika iha Timor Leste, maske iha tempu okupasaun, papél igreja importante tebes.

"Igreja Katólika iha papél importante. Maibé, ohin loron mós igreja Katólika, ita ko'alia buat ida liberdade, to'o ikus ita halakon tiha ita-nia valór no rikusoin, ita-nia patrimóniu ida ne'ebé durante ne'e kuandu luta ba libertasaun, igreja hamutuk ho ita. Ida nee ita tau sees tiha. Ita lahatene katak eroi sira di'ak ohin loron ne'e, igreja mak produz," hatete Prezidente GMPTL, Lidia Norberta bainhira partisipa Kongresu Feto Timor-Leste ba dala lima, iha Sentru Konvensaun Dili, Kinta (24/10/19).

Nia afirma, igreja kontinua harii nia papél, para inan-aman no parte kompetente tau atensaun no forma jerasaun foun sira.

"Igreja Katólika kontinua hola nia pozisaun. Inan-aman, edukasaun no sosiedade bele tau matan ba jerasaun foun sira. Bainhira sira hotu hola pozisaun, mak to'o ikus sei hetan sidadaun ne'ebé di'ak ba rai ida ne'e," nia afirma.

Reprezentante feto iha Parlamentu Nasional (PN) ne'e mós dehan, atu hetan sosiedade di'ak ba nasaun Timor-Leste, tenke iha edukasaun husi parte entidades hotu-hotu, hodi la'o iha dalan ne'ebé loos.