Tempotimor (Dili)- Diretór Jerál Sekretáriu Estadu Formasaun Profesionál no Empregu (SEFOPE), Paulo Alves hatete, governu iha ona planeia ba tinan 2022 sei loke kursu lian-Korea iha Rejiaun Administrativu Espesiál Oekussi-Ambeno (RAEOA), atubele prepara joven sira ba servisu iha nasaun Korea Súl.

Tempotimor (Dili)-Diretora Ezekutivu Fundu Dezenvolvimentu Kapitál Umanu (FDCH), Leila Carceres dos Santos hatete, dadaun ne'e Timoroan hamutuk rihun-ida-tolunulu-resin-sia (1.039) mak hala'o hela sira nia estudu iha rai liur

“Ita-nia maluk bolseiru sira ne'ebé dadaun ativu hela iha sira-nia estudu iha rai liur ne'e hamutuk por volta de mil trinta e nove, hanesan iha Indonézia Portugál e Brazil”, informa Leila Carceres iha sala Auditória Liceu, sesta (02/07).

Maibé asisténsia governu nia ba bolseiru Timoroan iha rai liur dadaun ne'e sei mantein asegura nafatin sira-nia kustu moris ninian.

“Governu nia asisténsia ba sira liu husi fundus dezenvolvimentu kapitál humanu mak ita mantein asegura nafatin sira-nia pagamentu ba kustu de vida, tanba pandemia Covid-19 entaun sira maioria mak tuir aula online”, esplika nia.

Entretantu Totál graduandu bolseiru ne’ebé fila ona mai Timor, seidauk update ho dadus 2021 nia, maibé investementu hahú iha tinan 2011 totál hamutuk rihun-4-resin no númeru boot liu mak funsionária públiku sira. (*)