Login to your account

Username *
Password *
Remember Me

Tempotimor (Dili)-Autoridade Rejiaun Administrativa Espesiál Oé-cusse Ambeno, (RAEOA) no Zona Espesiál Ekonómia Sosiál no Merkadu (ZEESM Timor-Leste) hamutuk ho ekipa monitoriza melloramentu estrada no Estabelesimentu Konstrusaun Ponte foun Oe-Baha-Bitopa.

Tempotimor (Dili)-Ministru Obras Públika (MOP), Abel Pires da Silva, promete iha mandatu tinan ida ho balun sei tau prioridade ba rekuperasaun kalamidade ba estrada no ponte ne'ebé sei sai problema.

Tempotimor (Baukau)-Administradór Postu Administrativu Laga, Munisípiu Baukau, Domingos Loiola José Pereira sei esforsu hodi resolve infraestrutura baziku durante mandate tinan haat.

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo, sei hakerek karta hodi aprezenta ba Ministru Obras Públika (MOP), Salvador Eugénio Soares dos Reis Pires, atu responde preokupasaun deputadu sira iha Parlamentu Nasionál (PN) kona-ba kestaun eletrisidare no estrada.

Tempotimor (Baukau)-Xefe Suku Soba, Francisca Monica de Fatima hatete, kondisaun estrada husi Postu Administrativu Laga ba Suku Soba, Aldeia Asanunu no Fatiliri ne’ebé aat obriga hapara implementasaun Programa Uma Kbi'it La'ek (UKL) iha Aldeia Asanunu.

Tempotimor (Díli)-Ministru Obras Públika (MOP), Salvador Pires hatete, sira sei halo estudu foun ne'ebé rigorozu ba estrada foun husi Díli ba Sarlala, Munisípiu Aileu hodi determina nia kualidade iha tipu konstrusaun tanba tinan barak ona maibé seidauk finaliza.

Tempotimor (Díli)-Ministru Obras Públikas (MOP), Salvador Pires hatete, estrada husi diresaun Mertuto ba Hatulia la tama iha lista planu konstrusaun ba tinan 2021 nian.

Tempotimor (Dili)-Ministru Obras Públika (MOP), Salvador Eugénio Soares dos Reis Pires, hahú orienta Institutu Jestaun Ekipamentu, Institutu Publiku (IGE,ip), atu loke estrada-foun husi Aldeia Vaupu, to'o Aldeia Palistela, suku Fatuboro, Postu Administrativu Maubara, Munisípiu Likisá.

Tempotimor (Díli)-Prezidente Autoridade Munisípiu (PAM) Baukau, Olivio Freitas "Boulessa" hatete, planu asaun anual ba Orsamentu Jerál Estadu (OJE) tinan 2022 mak sei tau prioridade halo estrada ba Suku sira iha Munisípiu Baukau.

Tempotimor (Díli)-Primeiru Ministru (PM), Taur Matan Ruak, orienta Ministru Obras Públikas (MOP), Salvador Eugénio Soares dos Reis Pires no Prezidente Institutu Jestaun Ekipamentus (IJE), Hermenegilda da Costa Laurentina, atu loke estrada koneksaun husi suku Metiaut ba to’o Kamea.

“Estrada ida-ne’e uluk SEFOPE mak loke maibé falta kilómetru 1 liu, ha’u-nia hanoin ne’e imi loke liga tiha (halo koneksaun estrada husi Metiaut to’o Kemea iha foho leten)”, dehan PM Taur bainhira hala’o vizita ba estrada refere iha suku Metiaut, Postu Administrativu Cristu Rei, tuir informasaun ne'ebe www.tempotimor.com asesu husi pajina MOP, kuarta (23/07).

Iha oportunidade ne’e, fó apresiasaun ba servisu MOP no IJE liliu ekipa tékniku sira ne’ebé halo servisu maka’as hodi halo mudansa iha mandatu Governu nian, hodi loke estrada ba área rurál sira.

“Ha’u apresia imi-nia servisu, ha’u la’ós dehan ha’u foin Primeiru Ministru ba Governu ida-ne’e mak apresia imi-nia servisu, ha’u uluk sei Prezidente ha’u haree tanba ne’e mak ha’u mai ne’e haree iha diferénsia ida e kontinua nafatin hanesan ne’e”,  dehan nia.

Nune'e Ministru Obras Públikas (MOP), Salvador Eugénio Soares dos Reis Pires, informa vizita tereñu ne’e hodi loke estrada foun iha área Metiaut nian liga ho Kamea.

“Ohin Sr. Primeiru Ministru konvida ha’u ho Prezidente IJE mai haree hela dalan ligasaun Metiaut ba Kemea ne’ebé uluk Governu anteriór loke balun ona, no iha posibilidade halo abertura foun atubele halo koneksaun ba estrada ne’ebé ejiste ona iha Kamea, nune’e ligasaun Kamea ho Metiaut bele iha dalan korta (dalan liuhusi foho leten husi Metiaut to’o Kamea nian). Ida-ne’e mak ohin ita lori ho Sra. Prezidente ho nia ekipa no mós Diresaun Nasionál Estrada, Sr. Diretór ho nia ekipa, xefe departamentu no tékniku sira atu haree posibilidade, orsida sira sei koordena ho na’i-liurai atu identifika pontu de abertura ne’e husi ne’ebé”,  informa nia

Entrentantu Prezidente IJE, Hermenegilda da Costa Laurentina hatete, ekipa IJE sei ba fali iha tereñu hodi foti dadus antes mobiliza ekipamentu pezadu ba tereñu hodi halo servisu.

“Ohin  Primeiru Ministru no Ministru Obras Públikas ami mai hamutuk haree estrada diresaun Metiaut ba Kamea, no ha’u hanoin ohin ekipa husi obras públikas nian, inklui parte IJE ho nia ekipa haree tiha ona no ami mós rona orientasaun husi S. Exa, Sr. Primeiru Ministru no Sr. Ministru iha posibilidade tempu badak ekipa husi IJE ho enjinéiru sira sei foti dadus depois de foti dadus mak ita foin hatene, relata filafali relatóriu survey para ita bele hatene katak servisu refere presiza tempu hira, presiza mákina tipu saida-saida, ami sei prepara sira-nia osan hán, no seluk tan, bainhira ekipa sira preparadu ona administrativu kompletu ona ami bele mai ona halo servisu”, deklara nia. (*)

 

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter