Login to your account

Username *
Password *
Remember Me

Tempotimor (Dili)-Kandidatu Prezidente Repúblika, José Ramos Horta deklara, format ba Kampaña eleitorál segunda volta eleisaun Prezidensiál ne’ebé sei hala’o iha loron 2 to’o 16 abril 2022, depende ba Partidu CNRT.

Tempotimor (Dili)-Eis Kandidatu Prezidente Repúblika (PR) Períodu 2022-2027, Hermes da Rosa Correia Barros, deside fo apoiu ba Kandidatura Prezidente Repúblika, José Ramos Horta, ne’ebé avansa ba segunda volta eleisaun prezidensiál hodi kompete ho Kandidatu Francisco Guterres ‘Lú Olo’.

Tempotimor (Dili)-Governu liuhusi Konsellu Ministru (KM) deside aprova pagamentu suplementár ba funsionáriu, ajente no kontratadu sira ho termu Imprensa Nasionál Timor-Leste, institu públiku (I.P) nian ne’ebé afetu ba impresaun buletin votu nian ba eleisaun Prezidensiál nian.

Tempotimor (Dili)-Komisaun Nasionál ba Eleisaun sira (CNE) hala’o hela apuramentu Nasionál ba votu iha eleisaun prezidensiál durante loron tolu nia laran hafoin haruka rezultadu ba Tribunál Rekursu.

Tempotimor (Díli)-Ministériu Administrasaun Estatál (MAE) kontinua taka sentru votasaun paralelu ba eleitór sira ne’ebé la rejista naran no obrigatóriu tenke filafali ba vota iha munisípiu orijen tuir kartaun leitorál.

Tempotimor (Dili)-Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, ‘sente’ insin-kolen la konsege lori Kandidatu José Ramos Horta hakatak liu bareira votu pursentu 50+1 husi totál votu validu iha primeira volta ba Prezidente Repúblika (PR) períodu 2022-2027.

“Klaru ita-nia hanoin karik bele primeiru volta, mais rezultadu hatudu tiha ona katak ita tenke ba segundu volta. Isin-kolen loos, mais kolen ida ne'e ita sei la sente wainhira ita hotu hanoin kona-ba objetivu ne'ebé mak partidu hasai”, dehan Xanana liuhusi konferensia imprensa iha Sede Nasionál Kandidatu José Ramos Horta, Hudi Laran, tersa (22/03).

Maibé sente orgullu ho estrutura tomak partidu CNRT nian, husi nasionál to'o munisípiu, inklui RAEOA, iha postu administrativu no suku, aldeia ne'ebé mak konsege hala'o servisu maka’as iha eleisaun primeiru ronda.

"Ita husu boot mós karik iha Abril nia laran, loron udan, tanba ohin temi tiha ona maluk sira ne'ebé lakonsege vota, 227 mil, estasaun votu dok oituan husi aldeia sira, estrada la di'ak, udan tán, ho ida ne'e mak reduz tiha ita nia kbi'it la'o ba oin”, hatete nia.

Tanba ne'e, husu boot atu iha fulan-abril ne'e labele iha udan fó posibilidade ba kandidatu José Ramos Horta, tanba ne'e importante tebes nasaun, atu hatur fali konstituisaun iha nia fatin, no konsolida Estadu Diretu Demokrátiku.

“Klaru isin kolen, hanesan ohin temi tiha ona, maibé kolen ne'e ita sei la sente tanba objetivu ba ita konstituisionál ne'e boot liu ita-nia isin rasik, ita-nia kolen ita la kolen rasik”, afirma Xanana.

Ba eleisaun segundu volta ne'ebe mosu hanesan oportunidade ba povu tomak, atu hili ho konsiénsia, entre opsaun rua ne'ebé mak sempre temi.

“Ou estraga nafatin ita-nia estadu diretu demokratiku lori ba ditadura ou ita hadi'a tiha krize ida ne'e hodi hatur fali konstituisaun no hametin Estadu diretu demokratiku”, dehan nia.

Tanba ne’e, husu ba entidade hothotu atu iha segundu volta mai buat hotu la'o ho di'ak iha estabilidade nia laran.

“Loos duni kazu ne'ebé akontese iha kedas hahú kampaña, ita husu ba hothotu bele hamenus tiha posibilidade ne'ebé baku malu oho malu, hamenus tiha posibilidade ataka sentru votu, tanba povu nia votu ne'e la'ós buat ida ba sosa, la’e, povu nia votu ne'e importante tebes”, afirma Xanana.

Husi rezultadu finál Provizóriu ne’ebé fó sai husi Orgaun eleitorál hanesan Sekretáriadu Tékniku Administrasaun Eleitorál (STAE) iha loron segunda (21/03) hatudu Kandidatu Prezidente Repúblika (PR), José Ramos Horta, ho Kandidatu Francisco Guterres ‘Lú Olo, sei vanasa ba eleisaun segunda volta iha loron 19 abril 2022.

Tanba ne’e, Kandidatu Prezidente Repúblika (PR), José Ramos Horta, konsege manán kandidatu na’in-15 sira seluk ho votu 301481 ho pursentu 46,58 (46,58%) husi totál votu validu ne’ebé apuradu husi STAE hamutuk 647172 kompara ho Kandidatu Francisco Guterres ‘Lú Olo, ne’ebé hetan votu 143408 ho pursentu 22,16%, iha pozisaun segundu.

Haree ba rezultadu apuramentu ne’ebé fó sai ho votu validu hamutuk 647172 ho pursentu 100 konklui ona rezultadu finál ho kandidatu na’in-16 laiha ida mak hetan votu metade husi totál votu validu iha eleisaun.

Tanba konstituisaun Repúblika Demokrátika Timor-Leste, Artigu 76, ne’ebé ko’alia kona-ba Eleisaun ba Prezidente Repúblika, iha alinea dahuluk hatete, Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.

Iha alinea daruak hatete, Eleisaun Prezidente-Repúblika nian banati tuir sistema manán ho votu barak liuhusi votu hothotu ne’ebé válidu, la sura votu ne’ebé la válidu.

Nune’e mós iha alinea datoluk hatete, wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.  No ikus liu alinea dahaat katak, iha eleisaun darua, kandidatu na’in-rua ne’ebé hetan liu votu no la hasai sira-nia kandidatura mak bele tuir. (*)

Tempotimor (Dili)-Kandidatu Prezidente Republika (PR), Virgílio da Silva Guterres ‘Lamukan’, ho númeru Sorteiu 12, agradese votu konfiansa ne'ebé eleitór sira fó ona, maske lakon iha eleisaun prezidensiál roda daruak.

Tempotimor (Dili)-Konsellu Nasional Joventude Timor-Leste (CNJTL) konsidera Servisu orgaun eleitorál husi Komisaun Nasionál ba Elisaun sira (CNE) ho Sekretariadu Tékniku Administrasaun Eleitorál (STAE), laiha edukasaun sivika ba sidadaun rezultadu votasaun akontese votu nulu barak.

Tempotimor (Díli)-Primeiru Ministru (PM), Taur Matan Ruak, hato'o boa Sorte ba kandidatu Prezidente Repúblika ba períodu 2022-2027 ne'ebé mak sei hakat tan ba segundu volta iha eleisaun prezidensiál.

Tempotimor (Dili)-Prezidente Partidu Demokrátiku (PD), Mariano ‘Assanami’ Sabino hatete, sira nia parte sei la fó apoiu ba kandidatura Prezidente Repúblika ne'ebé aprezenta programa dehan Mean baku fila no mutin baku fila, iha eleisaun prezidensiál seguda volta.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter