Login to your account

Username *
Password *
Remember Me

Tempotimor (Dili)-Ministru Obras Públika (MOP) Salvador Pires hatete, governu sei fasilita eletrisidade no bee-moos gratuita ba sidadaun sira iha teritoriu nasionál durante periodu estadu emerjensia.

Tempotimor (Dili) - Governu liuhusi reuniaun Konsellu Ministru aprova rezolusaun hodi muda Eletrisidade de Timor-Leste (EDTL) ba Empreza Públiku.

Tempotimor (Dili) - Governu liuhusi Konsellu Ministru deside hodi fahe projetu fornesimentu kombustivel ba Sentru Eletriku Hera Lote 1 ba empreza MATO ho kompañia Esperansa Timor Oan (ETO). 

Tempotimor (Dili)-Ministériu Obras Públiku (MOP) laiha kbiit finanseiru sufisiente atu selu kompletu kompaña ne'ebé fornese mina ba Sentral Elektrika sira.

Tempotimor (Dili) - Prezidente Kompañia SACOM, Abílio Araújo hatete, durante kompañia ne'e oferese mina hodi fasilita funsionamentu eletrisidade iha territóriu Timor laran tomak, maibé governu seidauk selu to'o agora.

Tempotimor (Dili)- Ministériu Obras Públika (MOP) prevé Orsamentu Jerál Estadu (OJE) tinan fiskál 2020 ho montante tokon $127 ba eletrisidade no kuaze tokon $25 selu deve.

Tempotimor (Dili)-Hahú husi fulan Maiu to’o Setembru tinan ida ne’e, Eletrisidade Timor Leste (EDTL) deteta uma-kain hamutuk 500 iha kapital Dili mak dada ahi illegal.

Tempotimor (Dili) – Impase Polítika iha rai-laran, a finál da'et hotu ba problema eletrisidade mate-lakan, ne'ebé rezulta halo populasaun barak ninia sasán eletrisidade sira, aat no kema saugate de'it.

"Ita iha tinan rua liubá, laiha osan atu halo manutensaun no atu hola ekipamentus. Armajen mamuk. Nia impaktu mak ahi mate-lakan," dehan Diretora Jerál Eletrisidade, Arlinda M.R.F.F. Miranda ba tempotimor.com no Jornál Independente iha ninia knaar fatin, Kaikoli, Dili, Kuarta (27/11/19).

Nia relata, kuandu eletrisidade mate ona mak foin ba halo atendementu. Kuandu lakan hela, husik hela de'it. Tanba laiha ekipamentus rezerva atu halo atendementu ho di'ak.

Arlinda afirma, kauza seluk ne'ebé halo ahi mate-lakan mak sasán ne'ebé avaria no distribuisaun uza sistema manual.

“Entaun, bainhira avaria iha parte ruma, parte téknika sira sei ba buka tuir mak foin halo atendementu,” nia esplika.

Sasán Aat

Alende ne'e, ba tempotimor.com populasaun iha Becora, J. Rigoberto (52) kestiona kona-ba ninia sasán eletrisidade hanesan jeladeira ka kulkas no kipas angin nomos sasán sira seluk, ne'ebé estraga, rezultadu husi ahi mate-lakan.

“Ahi mate-lakan hela de'it hanesan ne'e, halo ami populasaun nia sasán sira estraga hotu. Ha'u mós lahatene, sei ha'u lori sasán hirak ne'e ba reklama iha EDTL, kariik bele iha hanesan kompesasaun ka lae?” José hatete.   

Nia esplika, iha parte seluk, kondisaun ahi mate-lakan hela de'it hanesan ne'e, halo komunidade sira sente la hakmatek.

“Kalan-kalan ita tenke hadeer. Tanba, bainhira ahi mate-lakan hela de'it, provoka na’ok-teen sira bele tama uma na’ok ita-nia sasán balun,” nia hatete.

Tempotimor (Dili) – Relasiona ho eletrisidade ne'ebé kontinua mate lakan ne'ebé rezulta komunidade nia sasán balun avaria, Deputadu Sabino Soares ‘Guntur’ husu ministru rezigna-an bainhira laiha kapasidade atu jere.

"Kualker se de'it mak povu fó fiar hodi ba tuur iha ne'ebá, hodi jere povu nia osan, tenke konxiénsia no responsabilidade. Maibé, bainhira sente laiha kapasidade di'ak-liu rezigna-an. Rezigna-an, duké husi tinan ba tinan, periodu ba periodu mak ema tau kestaun ba ahi mate lakan. Ne'e signifika katak ita laiha kapasidade," afirma deputadu Guntur iha Parlamentu Nasionál (PN), Segunda (11/11/19).

Nia dehan, povu fó konfiansa hodi ba rezolve preokupasaun povu nian. Maibé, aumenta problema. Di'ak-liu rezigna-an.

"Se mak lakohi servisu ba povu no estadu, di'ak-liu rezigna-an. Ema matenek barak. Duké ba iha ne'ebá para komplika hotu servisu ne'e, di'ak-liu lalika obriga an," dehan Guntur.

Nia afirma, ba membru Governu ne'ebé tutela mak laiha kapasidade rezigna-an. Tanba ema ruma kuandu ba tuur iha kargu ruma, liuhosi partidu. Tanba ne'e, laiha direitu atu permenente iha fatin ida.

Iha parte seluk, deputadu Favião de Oliveira husi bankada FRETILIN katak dalan di'ak-liu mak jestaun husi EDTL nian hodi haree ba liña eletrisidade iha Kapitál Dili.

"Jestaun ladún di'ak no kontrolu ladún di'ak, tanba ohin loron ligasaun ilegál barak iha Timor laran tomak. Liuliu iha Kapitál Dili. Ida ne'e mós bele fó impaktu ba eletrisidade ne'ebé fornese ba komunidade sira," dehan Favião.

Nia dehan, komunidade barak kestiona tanba kada loron hola pulsa, maibé eletrisidade kontinua mate lakan.

"Ha'u hanoin tinan 10 ona, Governu investe liña eletrisidade. Loloos ne'e, laiha eletrisidade mak mate. Tenkeser lakan 24 oras. Ezeptu iha manutensaun ba parte ruma," nia dehan.

Tempotimor (Baukau): Riin eletrisidade ne’ebé harii entre aldeia Parlamentu ho Kaisidu, Suku Tirilolo, postu Baukau, Munisipiu Baukau besik fulan rua on a monu no fiu eletrisidade ‘latan iha rai’ autoridade lokal informa on a ba parte kompetente maibé to’o ohin loron parte Eletrisidade Timor Leste (EDTL) Baukau seidauk hadia.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter