Tempotimor (Dili)-Prezidente Repúblika (PR), José Ramos Horta hatete, nia parte lakohi komenta desizuan Tribunál Distrital Dili (TDD) ne'ebé aplika medida kuasaun Termu Identidade no Rejidénsia (TIR) ba arguidu na'in-sia (9) ne'ebé deskonfia envolve kazu Ilísitu ba droga iha Timor-Leste.

Tempotimor (Dili) - Timor-Leste daudaun ne'e sai fatin tránzitu ba droga, nune'e iha balun konsege kaptura no prosesu la’o hela hanesan kazu kontentor sia matéria bázika produsaun droga.

Prokuradór Jerál Repúblika, José Ximenes hateten, Timor-Leste frajil tebes iha lei atu kontrola ba matéria báziku droga nian, kazu kontentor sira ne'ebé prende husi ekipa konjuntu PNTL, Alfándega no Ministériu Públiku iha 2018 sai referénsia ba implementasaun Lei Droga ne'ebé PN produs iha 2017.

Nia esplika, bainhira arguidu sira halo julgamentu, tribunál absolve ka fó livre ba arguidu sira tanba Lei Droga la subliña matéria bázika atu produs ba droga.

"Ita iha frajilidade legál, pontu-de-vista haree lei númeru 2/2017 sasán sira ne'e des-atualiza iha aneksu A to’o C, tanba ne'e duni mak momentu ne'ebá ha’u husu ba Parlamentu Nasionál para anualmente atualiza matéria báziku sira ne'e," dehan José, bainhira partisipa iha distribuisaun matéria báziku droga, iha Kuartél Jerál PNTL, Kaikoli, Kinta (10/9).

José akresenta, bainhira Lei númeru 2/2017 mak la atualiza Timor-Leste la’ós de’it sai fatin tránzitu ba iha droga, maibé mós sai fatin ba tránzitu matéria báziku droga nian no bele mós materiál báziku ba iha kímiku seluk hanesan bomba. (*)

Tempotimor (Dili)- Prokurador Jeral Repúblika José Ximenes hatete, Timor-Leste frazil iha rekursu umanu tanba laiha integridade iha sistema kontrolu nune'e fasil ba drogra tama no sai.

Tempotimor (Dili) – Prokuradór Jerál da Repúblika, José Ximenes hatete Timor-Leste nia aeroportu no fronteira fasil liu sai fatin trafiku droga.