Login to your account

Username *
Password *
Remember Me

Tempotimor (Dili)-Governu Konstitusionál daualu liuhusi Ministériu Finansas realiza ona transferénsia orsamentu subvensaun públiku ho montante millaun $15 ba konta bankária “Conferência Episcopal Timorense” (CET). Tranferénsia ne’e Governu realiza hafoin akordu subvensaun públiku refere hetan ona “visto prévio” husi “Câmara de Contas”.

Tempotimor (Dili)-Amu Pároku São Vicente Ferrer Laklo, Padre (Pe.) Abilio da Costa, akompaña husi Konsellu Parokiál, Konsellu Ekonómiku, no Sekretáriu Jerál Akólitu Dioseze Baukau, hamutuk ho Komisaun Organizadora ba Kongressu Akólitu konvida Prezidente Repúblika (PR), José Ramos Horta atu partisipa kongressu Akólitu Vokasionál ne'ebé sei realiza durante loron tolu iha Parokia Laklo.

Tempotimor (Dili)-Parlamentu Nasionál (PN) deside aprova votu pezár ikus ba Bispu Dioseze Baukau, Dom Basilío do Nascimento ne'ebé mak hakotu iis iha loron 30 fulan-outubru tinan 2021.

Tempotimor (Díli)-Bispu Dioseze Baukau, Dom Basílio do Nascimento hakotu iis iha Hospital Nasionál Guidu Valadares (HNGV), maibé seidauk hetan vijita husi lideransa nasaun nian iha Mortuáriu HNGV nian.

 

Tempotimor (Díli)-Diretór Hospital Nasionál Guidu Valadares (HNGV), Marcelino Corea hatete, Bispo Dioseze Baukau Dom Basilio do Nascimento hakotu iis tanba moras fuan ka (atakasaun Cardiovascolar).

Tempotimor (Díli)-Bispu Dioseze Baukau Dom Basílio do Nascimentu hakotu iis iha Hospital Nasionál Guidu Valadares, sábadu (30/10).

Tempotimor (Dili)-Padre Martinho Germano da Silva Gusmão hatete, nia parte prontu hodi deside kandidata-an ba Prezidente Repúblika (PR) periodu tinan 2022-2027, tanba hetan ona karta suspensaun husi Bispu Dioseze Baukau Dom Basilio do Nacimento, iha loron 30 fulan-agustu tinan 2021.

Tempotimor (Dili) – Ambiente selebrasaun Misa Jubileu no tinan 30 Amu Papa João Paulo II vizita Timor-Leste (TL) iha Tasitolu, Kuarta (30/10/19) dadeer ladún hetan partisipasaun husi sarani Katólika sira. Tanba, sarani barak fila ona ba nia knua no munisípiu hodi selebra loron finadu.

Observasaun tempotimor.com hatudu, ambiente ba selebrasaun misa ne'e la hanesan ho misa hirak ne'ebé baibain hala'o iha uma adat, Tasitolu ne'e.

Alende ne'e, ladook husi fatin selebra misa, komunidade barak mak kontinua hala'o hela sira-nia  atividade hanesan bain-bain. Merkadu no terminal iha tasitolu loke nafatin no movimentu transporte nomos ema hanesan baibain.

Iha parte seluk, komunidade sira balun ne'ebé halibur besik dalan tama ba uma adat Tasitolu, la'ós ho objetivu atu partisipa missa. Maibé, sira hein hela transporte públiku atu hala'o viazen ba idak-idak nian munisípiu, hodi selebra loron finadu.

Bispu Dioseze Bobonaro, Dom Norberto Amarál iha nia homilia bainhira selebra misa ne'e, ho lian komik hatete joven sira nia partisipasaun ladún iha fatin ne'e (Tasitolu), maske sira mak loloos ‘masin’ ba rai ida ne'e.

"Joven no labarik sira iha ne'ebé hotu ona. La hetan," dehan Amu Bispu ne'e ho hamnasa.

Maioria sarani sira ne'ebé mak partisipa misa mak grupus igreja nian hanesan eskuteiru, akolitus, amu lulik, madre no frater sira. Iha mos estudante balun, ne'ebé delega husi kada eskola iha Dili laran, atu bele partisipa iha misa refere.

Alende ne'e, iha mós partisipasaun husi membru Governu no deputadu sira, inklui Presidente Repúblika ho ninia espoza, Presidente Parlamentu Nasionál ho nia espoza no Xefi Estadu Maior F-FDTL.

Tempotimor (Dili) – Konfirmadu, sarani Katóliku husi munisípiu hotu-hotu, inklui RAEOA sei partisipa misa Jubileu Extraordináriu da Missão 30 Anos do Vizita São João Paulo II, iha Tasi Tolu, Dili.

Reprezentante Komisaun Organizadora, Amu Martinho Gusmão remata hasoru malu ho Prezidente Repúblika, iha Palásiu Prezidensiál Bairru-pite, Tersa (29/10/19) informa, partisipante misa mak joventude no sarani husi munisípiu hotu-hotu, inklui RAEOA.

“Iha mós reprezentante husi Indonézia hanesan Vigariu Jerál husi Kalimantan, Arsedioseze Pontianak no Amu Bispu Atambua no Bispu Darwin nu'udar reprezentante igreja Katóliku Austrália nomós konvidadus importante sira seluk," informa Padre Martinho

Padre Martinho ne'ebé akompaña husi Sekretáriu Jerál Komisaun Organizadora relata prosesu preparasaun selebrasaun no halo konfirmasaun ba partisipasaun Presidente Repúblika iha misa refere.

 

Tempotimor (Dili) –  Koordenador Gabinete Apoiu Sosiedade Sivíl (GASS), Filipe da Costa afirma, GASS sei hapara ajuda ba konstrusaun igreja foun iha 2020.

“Ba tinan 2020, sei la iha fundus ba projetu foun igreja nian. Tanba projetu konstrusaun igreja nian dadaun ne'e, sidauk remata. Entaun, nafatin kontinua konstrusaun to'o tinan oin,” Filipe informa iha Palásiu Governu, Segunda (14/10/19).

Tuir Filipe, fundus ne'ebé  atu halo konstrusaun igreja foun Governu transfer tiha ona ba Konferensia Episkopal. Ne'ebé, nia dehan tan, ba tinan 2020, GASS so tau dei't osan uitoan ba konstrusaun igreja hirak ne'ebé mak seidauk remata.

"Relasiona ho fundus ba konstrusaun igreja, ezekuta iha parte rua. GASS fó ona uluk %40 ba implementa. Depois entrega tiha relatóriu, hafoin fó tan %60 atu ezekuta tan ba oin. Maibé, ate agora husi projetu igrjea hirak ne'e, sira sidauk entrega relatoriu ba %40 nian," tenik Filipe.

Nia subliña, iha tinan 2019 GASS hetan orsamentu hamutuk besik millaun $6 no iha orsamentu ne'e aloka ba organizasaun sosiedade sivíl ho montante $300 mill resin, organizasaun rezistensia millaun $1.5 no Sentru Nasional Chega millaun $1.5 no restu ne'e ba organizasaun relijiozu sira.

"Tuir envelope fiskál ba tinan 2020 GASS nian ho montante millaun $7. Fundus ne'e atu halo kontinuasaun ba konstrusaun igreja ne'ebé seidauk remata nomos balun fó apoiu ba servisu organizasaun sosiedade sivíl nian," Filipe dehan.

Page 1 of 2
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter