Login to your account

Username *
Password *
Remember Me

Tempotimor (Dili)-Família matebian FdR husu ba profesionál saúde sira atubele hadi'a atendimentu ba pasiénte sira ne'ebé moras ka hetan dezastre ruma ba ospitál.

Relasiona ho akontesimentu ne'ebé matebian FdR hakotu ona iis, iha sala izolamnetu Vera Cruz.

Tanba ne’e, família matebian, Grigorio da Silva informa, mákina ne'ebé uza hodi koko ba matebian ne'e diferente, tanba primeiru dehan laiha buat ida, ho nia konsieésia ne'ebé menus tebtebes haruka sira fila ba uma.

Maibé, ikus mai deteta primeru ulun la nakfera, hafoin nia ulun nafera halo sira la kontente, atendentu ne'e, la'ós atu haruka matebian fila.

"Ita atu salva ema hotu la bele mate, maibé pelumenus jestaun hadi'a, tratamentu hadi'a, para ita bele salva, tanba  sira hatete ba ha'u karik loron primeiru mak deteta kedan, ita bele salva”, dehan nia ba Jornalista sira iha Vera Cruz Kaikoli, segunda (03/05).

Maske nune’e, família simu matebian mate ho covid-19, tanba komprende katak ema ho isin di'ak, imunidade forti covid-19 la kona maibé matebian ho kondisaun monu imunidade tun no Covid-19 bele kona.

“Nia la 100% mate ho covid-19 nia asidente, nia ulun nakfera maibé sira haruka ami fila ne'e mak ami triste”, dehan nia.

Diretór Klinika Hospital Nasional Guido Valadares (HNGV), Flavio Brandão hatete, sira trauma iha observasaun halo duni faze  preventur iha balun mak afeita direta nia rán ne'e la'o neneik taun nia prosesu ne'e la'o neneik pois sente ulun moras no muta.

“Iha observasaun iha tempu balun pasiénte mai iha faze segundu nia mai ho katedral ne'e iha ulun la kontunadu, taun iha primeiru ne'e la bele hatudu buat ida”, dehan nia.

Bainhira pasiénte tama iha ospital sempre atende. “Ida ne'e mak nia (profesionál saúde) paper, nia halo nafatin maibé rezultadu ita tenke teste nafatin”. (*)

Tempotimor (Dili)-Sentru Integradu Jestaun Krize (SIJK) rejistu kazu pozitivu covid-19 foun hamutuk na'in-48, na’in-ida ho idade 12.

Tempotimor (Dili)-Adminitradór Munisípiu Lautein, Domingos Sávio hatete, dadaun ne'e númeru kazu pozitivu Covid-19 iha Lautein hamutuk na’in-13, maibé situasaun kontroladu.

Ho númeru kazu pozitivu ne’ebé iha mak Governu liuhusi konsellu Ministru fó sai serka sanitária ba Munisípiu sia inklui mós Lautein iha loron kinta (29/04) ba loron 14.

Maske nune’e, situasaun iha Munisípiu Lautein ho kazu ne’ebé tama iha kategória esporadiku durante ne’e.

"Situasaun la’o normal, tanba ami ne'e la’ós área afeitadu maske iha ne'e pozitivu sa’e ba 13 pesoál maibé ita kontroladu hela tanba sira ne'ebé mai husi Dili mak lori mai ita tau iha kuarentena sira ne'e mak ita deteta sai pozitivu, ita lahetan sira (covid-19) iha komunidade nia leet”, dehan Domingos ba www.tempotimor.com liuhusi telemóvel, sábadu (01/05).

Antes ne'e, Adminitradór Lautein rasik propoint atu Munisípiu Lautein seidauk nesesita atu aplika Serka Sanitária (SS) maibé governu deside ona.

Maibé, Munisípiu Lautein seidauk hetan ajudu umanitária ruma hanesan hahán no prosesu distribusaun sesta bázika mak semana kotuk hahú implenta hikas tuir protokolu saúde.

Ba prosesu vasina ne'ebé inplementa ba front line iha Munisípiu Lautein rasik remata ona mesmu iha komunidade barak mak hakarak vasina.

"La’o di’ak, so que front line de’it. Iha ne'e ita-nia komunidade mós hakarak vasina maibé tanba ai-moruk (vasina) mak limitadu ne'ebé seidauk vasina komunidade sira”, dehan nia. (*)

Tempotimor (Dili)-Front Mahasiswa Timor-Leste (FMTL) konsidera prezensa covid-19 iha Timor-Leste sai kurtina ba politiku sira atu asegura poder.

Portavoz FMTL, Efifania da Silva, deklara Governu liuhusi SEPFOPE tenke hatun rezolusaun ida kona-ba, selu traballadór sira ne'ebé mak empregador sira hapara iha situasaun Covid19.

"Kuandu Governu no Parlamentu laiha seriedade atu deskute kona-ba mekanizmu adekuadu ba prevensaun Covid19 nian, hodi normalize fali atividade ekonomika povu nian no loke dalan entre Munisípiu, mak FMTL sei reafirma an hodi kontinua ezije to'o hetan solusaun emidiata", dehan Efifania da Silva ba Jornalista sira iha Kampus Faspol UNTL, Kaikoli, sábadu (01/05)

Haree ba situasuan ne'e, FMTL mós kontinua apela ba traballadór sira ne'ebé patraun hapara la ho kondisaun, atubele informa ba ekipa advokasia FMTL nian hodi hamutuk ho Konfederasaun Sindikatu Front Traballadór Maubere hodi ezije direitu sira ne’ebé viola.(*)

Tempotimor (Dili)-Primeiru Ministru (PM), Taur Matan Ruak, deklara hapara movimentu transporte públiku sai hanesan atu ida kombate surtu covid-19 iha Timor-Leste.

Tempotimor (Dili) - Sentru Integradu Jestaun ba Krize (SIJK) iha loron tersa (27/04) rejistu tan kazu foun covid-19 hamutuk na'in-76 no totál pasiénte baixa iha Izolamentu hamutuk 1014.

Bazea ba dadus jeral ba Timor-Leste toamak kazu konfirmadu kumulativu iha loron 28 fulan Abril tinan 2021 (sura husi 21/3 2020) hatumutuk 2124.

"Kazu detetadu foun ohin hamutuk na'in-76, husi munisípiu Dili 75, RAEOA 1, mane 48, feto 28, kazu rekuperadu na'in-45, na'in-8 asintomátiku na'in-68 (89,4%)", dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa ne’ebé www.tempotimor.com asesu, kuarta (28/04)

Husi totál kazu detetadu foun 59 (77,6%) mak deteta tanba halo teste ho razaun atu halo viajen ba munisípiu hafoin deteta pozetivu

"Totál kazu ativu iha loron 27 fulan-abril tinan 2021 na'in-1014 no husi horisehik Mai ohin hamutuk hotu Laboratórium Nasionál Saúde halo 736 testes PCR iha Dili ho detattels hanesan, Vijilánsia sentinela 5, Rastreiu ba kontaktu (Contact tracing) 38, Rastreiu Aleatoriu (Random Screening) 161., Viajen sai husi serka sanitária Munisípiu Dili 508, Viajen internasionál 24, follow up iha kuarentena 0", afirma Rui. (*)

Tempotimor (Dili)-Koordenadora Jerál Covid-19 Ministériu Saúde, Odete da Silva Viegas hatete, front line barak durante ne'e rejeita simu vasina AstraZeneca.

Vasina iha Munisípiu Dili termina iha loron kuarta (28/04), maske ajenda lolos semana rua, maibé halo to’o iha semanas tolu, tanba front line barak la koopera no presiza esforsu boot ida husi entidade hotuhotu atubele kolabora no kontribui iha prosesu ne’e.

“Ami mós rekuñese katak iha sosializasaun seidauk máximu maibé front line barak mós rejeita atu simu vasina ne'e rasik, iha razaun ida sira tauk, ida sira hakarak hein. Hein karik ema ne'ebé vasina hetan uluk ona buat ruma, karik seguru entaun sira hakarak vasina mais la seguru entaun sira mós lakohi atu vasina”, dehan Odete iha Parlamentu Nasional (PN) Dili, kuarta (28/04).

Tuir observasaun mós nota katak iha ema barak intersante hakarak simu vasina mesmu la’ós front line entaun iha duni vasina balun ne'ebé halo ba pesoál sira hanesan traballadór iha restaurante no funsionáriu banku sira.

Prosesu vasinasaun iha Munisípiu sira inklui Rejiaun Admistrativa Espesial Oecusse-Ambeno (RAEOA) to’o loron 28 fulan-abril antinje ona kuaze liu pursentu 100 no iha Dili rasik termina ona.

Dadus, to’o loron 28 fulan-abril vasinasaun atinje ona 27. 605 dozes husi rihun 24 dozes, númeru ne'e bele utrapasa tanba vael ou vakum ne'e ida bele fó ba 12 pesoál mak hetan vasina.

"Husi 24 mill ne'e to’o ohin (28/04) loron ita hetan pur-volta 27 mill maibé konta lolos ita atinje to’o 28.800 mill dozes ne'ebé sei fó ba ita-nia populasaun”, dehan Odete.

Tuir planu vasina daruak nian sei to’o tan iha Timor-Leste entre fulan-maiu ka inusiu juñu. Husi 20 pursentu ne'ebé atu hetan, iha 70 mill dozes ne'ebé sei to’o no 20 pursentu sei kompleta iha dezembru tinan 2021 inklui 172 mill dozes. (*)

Tempotimor (Dili)-Sentru Integradu Jestaun Krize (SIJK) iha loron 27 fulan-abril tinan 2021, rejista ona pasiénte Covid-19 na’in-20 kategória Moderadu no nai’in-2 grave iha izolamentu Vera Cruz.

Tempotimor (Dili)-Ministériu Saúde (MS) deklara sei hamosu medida ne’ebé rigurozu bainhira Timor-Leste (TL) alerta ba Transmisaun Komunitáriu.

Tempotimor (Dili)-Sentru Integradu Jestaun ba Krize (SIJK) rejista kazu pozitivu Covid-19 foun hamutuk 52 no kazu ativu iha izolamentu 1050.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter