Tempotimor (Dili) - Diretor exekutivu Forum Organizasaun Naun Governamentál Timor-Leste (FONGTIL), Daniel do Carmo rekomenda ba governu liu-liu Ministéiru Saúde (MS) atu aselera ona vasina Covid-19 ba populasaun sira iha fronteira.

Tempotimor (Covalima)-Polísia Nasional Timor-Leste (PNTL) Eskuadra Postu Administrativu Zumalai husu komandante munisipiu atu aumenta tan personil ida ba eskudra PNTL Zumalai, tanba menus membru nune'e difikulta ba kontrola movimentu sidadaun sira-nian.

Tempotimor (Dili) - Xefe kasa Sivil Prezidente Repúblika, Francisco de Vasconcelhos, hateten rezultadu reuniaun Konsellu Superiór Defeza no Seguransa (KSDS) no Konsellu Estadu (KE) ba extensaun Estadu Emerjénsia (EE) aumenta tan medida partisipasaun F-FDTL iha fronteira.

Francisco de Vasconcelhos hateten, KSDS no KE aseita no rekomenda ba Prezidente Repúblika, Francisco Guterres Lu Olo atu deklara extensaun EE ba XI relasiona ho prevensaun pandemia Covid-19 iha Timor-Leste.

Xefe kasa Sivil akresenta, diferente EE XI ho sira uluk liubá, iha aumentu FALINTIL-FDTL hodi partisipa asegura iha fronteira terrestre entre Timor-Leste ho Indonézia.

"Medida nafatin hanesan ho uluk, só iha tán ida maka hosi forsa defeza para apoiu ba iha servisu ne'ebé iha fronteira," dehan Vasconcelhos iha Palásiu Prezidensiál, Bairru-Pité, Dili, Kuarta (25/02).

Tuir observasaun Timoroan hakat liu ba mai entre Timor Leste ho Indonezia liu husi dala ilegal sei buras nafatin.

Nia hatutan, medida seluk hafoin Parlamentu Nasional (PN) aprova tiha depois mak governu sei deskuti hodi halo dekretu governu kona-bá medida importante sira hodi aplika iha territóriu nasionál inklui Munisipiu Covalima no Bobonaro no RAEOA.

Vasconcelhos hateten, lais liu ohin PR sei haruka rezultadu reuniaun KSDS-KE ka pedidu Governu nian kona-bá extensaun EE ba PN hodi deskuti no aprova antes PR dekreta.(*)

Tempotimor (Dili)- Bazeia ba programa governu nian ne’ebé implementa liuhusi Ministériu Saúde (MS) hamutuk ho Organizasaun Mundiál Saúde (OMS) ne’ebé atu hahú halo implementasaun vasinasaun ai-moruk Astrazeneka hodi kombate surtu Covid-19 iha Timor-Leste (TL), nune’e Komandu Polísia Nasionál Timor-Leste (PNTL) sei oferese uluk membru hamutuk na’in atu-ida (100) hodi bele simu uluk vasinasaun ai-moruk Astrazeneka.

Tempotimor (Covalima)- Maske governu Timor-Leste liuhusi Ministériu Saúde no Sentru Integradu Jestaun Krize (CIGC, sigla portugés) halo esforsu hodi trava transmisaun lokál Covid-19, iha Timor Leste, maibé deskonfia katak, hahú iha ona Covid-19 konsege invade ona iha komundade sira nia le'et iha Munisípiu Covalima ne'ebe besik liu fronteira ho Indonezia.

Tuir informasaun ne’ebé fo sai husi SS-SIJK katak, ohin Ekipa husi Ministériu Saúde (MS) rejista tan kazu foun haat, iha Covalima, ne’ebé deskonfia mosu ona transmisaun lokál, iha suku no aldeia sira ne’ebé lokaliza iha Postu-Administrativu Fatumea Munisípiu Covalima.

"Kazu konfirmadu foun 4, sira hotu husi Aldeia Klauhalek, Suku Belulik Leten, Postu Administrativu Fatumean, Munisipiu Kovalima," dehan iha komunikadu ne'e fo sai husi SIJK, Tersa (23/2).

Liu tan Komunikadu ne'e infoma Ekipa vijiánsia epidemiolójika ho ekipa laboratóriu, nafatin buka tuir kontaktu sira hodi halo análize ba sira nia amostra.

"Kazu sira iha leten hatudu transmisaun lokal husi possivelmente kazu ‘’importadu klandestinamente’’ husi populasaun ne’ebé tama sai fronteira," relata iha Komunikadu refere.

Liga ho situasaun ne’e, antes ne'e, iha semana kotuk, Doutór Rui Maria de Araújo mós alerta ona katak, bainhira iha ona transmisaun lokál ka komunitária iha munisípiu Covalima, Bobonaro no RAEOA, mak sei aplika Serka Sanitária ida ne'ebé rigór, nune’e komunidade hotu labele sai husi uma. Únika pesoál servisu liña frente mak sei bele sirkula, hodi kombate virus refere.

Relasiona ho kazu foun ne'e, mak hodi lori kazu komulativu konfirmadu atinje ona ba 107, tanba deskondia MS rejista tan kazu foun haat husi komunidade lokál, nune’e sira ne’ebé sei hein rezultadu hamutuk 168, no pasiente sira ne’ebé dadaun ne’e baixa iha izolamentu hamutuk 25.(*)

Tempotimor (Bobonaro)-Relasiona ho atividade masál ne’ebé Ministériu Saúde (MS) aplika ba Munisípiu Bobonaru durante Serka Sanitária, maka ekipa servisu konsege rekolla ona amostra hamutuk 1.292 iha Munisípiu Bobonaru, ne’ebé iha rezultadu katak abitante 1.001 negativu ba Covid-19.

Tempotimor (Dili)- Molok implementa vasina Astrazeneca's kontra Covid-19 iha rai laran, Ministériu Saúde (MS) sei dizimina informasaun ou introdus ninia benefisiu ba komunidade hotu.

Tempotimor (Dili)- Autoridade seguransa kontinua esforsu 24 oras hodi asegura fronteira terestre atu kontrola ema ne'ebé tama no sai ho dalan ilegál, maibe komunidade mak laiha konsiensia atu evita moras Covid-19 ninia hada'et iha rai laran.

Tempotimor (Dili)- Tuir Kordenadora Jerál Komisaun Covid-19, Odete da Silva Viegas katak, teste masal ne’ebé ekipa vijilansia hala’o iha munisípiu Bobonaru ho Kovalima bainhira koileta ona sampel to'o 1.700, depois halo teste hetan hotu negativu mak foin bele loke hikas Lockdwon.

Tempotimor (Covalima)-Mezmu Munisípiu Covalima no Bobonaro iha hela Serka Sanitária, maibé Eskola Sekundária Jerál Suai, kontinua prosesu aprendisajem, tanba seidauk simu kartu ruma husi Ministériu Edukasaun Munisípiu Covalima (MEMC) hodi hapara temporáriu ba atividade eskolár.