Tempotimor (Dili)- Bee Timor-Leste, Empreza Públika (BTL,EP) selebra kontratu ho kompaña Ilie Chao unipesoal, Lda ho Sulibere Oan Kiak, ba projetu konstrusaun fornesimentu Sistema Bee-Moos iha Munisípiu Baukau no Lautein.

“Ohin loron ita asina kontratu ho kompaña rua hanesan Ilie Chao Unipesoál, Lda ho Sulubere Oan Kiak, atu halo fornesimentu sistema Bee-Moos ba ita-nia komunidade sira iha Postu Administrativu Laga no Postu Administrativu Luro”, dehan Prezidente Konsellu Administrativu Komisaun Ezekutivu, Carlos Peloi dos Reis, iha salaun sentrál BTL, Kaikoli, kuarta (27/04).

Ba orsamentu ne'ebé aloka ona ba projetu fornesimentu Bee-moos iha laga, Valór kontratu hamutuk $212,763.01, durasaun kontratu fulan-6 (hahú 22 abril to'o 22 outubro 2022) Benefisiáriu uma ka’in-294 ho populasaun 1.764.

“Kapasidade tanki sei fahe ba Zona 2 fornese bee ba Suku 2 mak hanesan Suku Soba no Suku Tekinomata, projetu ne'e sei benefisia mós Edifísiu Posto Administrativu Laga, Igreja, Klinika, Polísia, Sede Suku’, esplika nian.

Ba projetu ne’e, Kompaña sulibere mak sei responsabiliza hodi konstrusaun bee-moos, komunidade sira iha Postu Administrativu Laga, Munisípiu Baukau.

Nune’e mós ba orsamentu ba Kompana Ilie Chao unipesoal, Lda, valór kontratu hamutuk $453,385.77, konstrusaun sistema fornesimentu Bee-moos iha Postu Administrativu Luro, Munisípiu Lautein, ho duransaun fulan-neen (hahú 12 maiu to'o 12 novembru 2022) benefisiáriu uma ka’in-242, ho populasaun 1.902.

Projetu ne’e, iha torneira públiku 21 unit (kada uma-ka’in 5 hetan torneira Publiku, iha populasaun Feto 204, mane 809, projetu ne'e sei benefisia mós Eskola, Igreja, Sentru Saúde, Polísia no Merkadu.

Jerente Kompaña Ilie Chao unipesoal, Lda, Alestina Castanheira Fernandes hatete, kompaña nia sei hatudu kualidade servisu ba Bee Timor-Leste.

“Ami kompaña sei servisu tuir kontratu ne'ebé ohin asina ona, tuir durasaun ne'e iha kontratu ne'e rasik, kompaña sei servisu ho di'ak atu kanaliza bee ba komunidade sira”, dehan nia

Tanba fornesimentu sistema bee-moos sei distribui ba komunidade sira, atubele asesu bee-moos hodi benefisia nesesidade loroloron nia.

Iha asina kontratu ne'e, partisipa husi Autoridade Postu Administrativu Laga, Munisípiu Baukau no Autoridade Postu Administrativu Luro, Munisípiu Lautein. (*)

Tempotimor (Dili)-Governu liuhusi reuniaun Konsellu Ministru (KM) deside aprova projetu Rezolusaun Governu nian ba nomeasaun João Amaral, nu’udár Prezidente Konsellu Fiskál BEE Timor-Leste., empreza públika (BTL, EP), no Regina de Jesus no Acácio Pinto sai vogál Konsellu Fiskál.

Tempotimor (Dili)-Akontesimentu udan-boot iha Aldeia Bemoris, Suku Fuiloru, Postu Administrativu Lospalos, Munisípiu Lautein, loron kinta (14/04) konsege hamosu dezastre, tanba hamonu uma ida ba mota laran.

Tempotimor (Dili)-Ekipa husi Bee Timor-Leste, Empreza Públika (BTL.ep) kinta (14/04), hala'o sosializasaun ba komunidade Suku Kamea, Postu Administrativu Kristu Rei, Munisípiu Dili, atubele kumpre dekretu lei númeru 1/2004 inklui diploma rua kona-ba utilizasaun bee-moos nian ne'ebé estabelese husi Governu.

Tempotimor (Dili)-Ministru Obras Públikas (MOP), Abel Pires da Silva, agradese no apresia servisu funsionáriu, ekipa tékniku, jestór no dirijente Bee Timor-Leste Empreza Públika (BTL.EP) ne’ebé servisu maka’as hodi normaliza rede distribuisaun bee-moos iha kapitál Dili ne’ebé afeita husi kalamidade 4 abril 2021.

Tempotimor (Dili)-Ministru Obras Públikas (MOP), Salvador dos Reis Pires, asina ona kontratu ho kompaña sira hodi halo reabilitasaun estrada iha Munisípiu lima.

Tempotimor (Dili)-Prezidente Bee Timor-Leste, Empreza Publiku (BTL,EP), Carlos Peloi dos Reis, iha loron kinta (17/02), asina kontratu ho kompaña Fuente de Existo JV no Acelda Unit Unipesoal Lda, ba projetu fornesementu ba Bee-moos iha Suku Mehara, Postu Administrativu Tutuala, Munisípiu Lautein.

Tempotimor (Likisá)-Komunidade sira iha Munisípiu Likisá halerik bee-moos ba Prezidente Repúblika (PR), Francisco Guterres 'Lú Olo'.

Tempotimor (Dili)-Deputadu Bankada Frente Revolusionariu Timor-Leste no Independente (FRETILIN), Dario Madeira lafiar alokasaun Orsamentu hamutuk rihun US$40 bele rezolve problema bee-moos ba suku 150.

Tempotimor (Manufahi)-Administradór Munisípiu Manufahi, Arante Izac Sarmento deklara, populasaun iha munisípiu Manufahi maioria asesu ona bee-moos.