Login to your account

Username *
Password *
Remember Me

Tempotimor (Dili)-Governu liuhusi Konsellu Ministru (KM) aprova ona projetu dekretu-lei ne’ebé aprezenta husi Ministru Petróleo no Rekursus Minerais, Francisco da Costa Monteiro, kona-ba Timor Gas & Petróleu, E.P (TIMOR GAP), Autoridade Nacional Petróleu (ANP), No Institutu Petróleu no Jeolójia (IPJ).

Ba alterasaun daruak kona-ba Dekretu-Lei nú. 31/2011, loron 27 fulan-jullu, TIMOR GAP-Timor Gas & Petróleu, E.P. Alterasaun ida-ne’e ho objetivu atu korrije impresaun no falla sia ne’ebé deteta ona, nune’e mós adapta estrutura governasaun TIMOR GAP, E.P nian, sai norma ne’ebé empreza internasionál no nasionál hosi setór enerjétiku halo-tuir, aleinde habelar ninia ámbitu atuasaun hodi hasoru dezafius tranzisaun enerjétika ho di’ak liu.

Tanba ne’e, buka mós atu simplifika no otimiza diploma ne’e, hodi revoga dispozisoins ne’ebé prevee ona iha lejizlasaun aplikavel seluk atu evita duplikasaun no konfuzaun.

Nune’e mós reorientasaun estratéjika ne’e ho objetivu atu foka TIMOR GAP, E.P. iha ninia misaun prioritária, hodi evita desperdísiu iha atividade komersiál sira ne’ebé ladún iha vantajen, enkuantu projetus estratéjiku ba futuru Timor-Leste nian seidauk hetan avansu ne’ebé ita hakarak.

Iha altesaun ne’e mós atu aumenta grau transparénsia no kontrole atuasaun TIMOR GAP, E.P. nian, hodi aliña ninia atividade ne’e ho prátikas internasionais ne’ebé di’ak liu no lejizlasaun nasionál, hodi kontribui ba kredibilidade setór ne’e, no ba manutensaun estatutu Timor-Leste nian iha Inisiativa ba Transparénsia iha Indústrias Extrativa.

Ba alterasaun datoluk kona-ba Dekretu-Lei n. 20/2028, loron 19 fulan-juñu, ne’ebé kria Autoridade Nacional Petróleu. Ho alterasaun ida-ne’e, Autoridade Nasionál Petróleu sei asume fila-fali kompeténsia no atribuisaun sira ne’ebé ho eskluzivu sentraliza iha matéria ida setór petróleu no gas no área sira ne’ebé iha relasaun, hodi nune’e bele foka iha setór ne’e no aloka ninia rekursus tomak ba ninia dezenvolvimentu atu nune’e bele kontribui ho forma efetiva, hanesan halo ona to’o daudaun ne’e, ba dezenvolvimentu ekonómiku nasaun ne’e nian, nune’e mós hodi permite investimentu Estadu nian iha setór ekonómiku no sosiál prioritáriu sira seluk.

Alterasaun ne’e mós atu kria fila-fali mós regras organizasaun estrutura ezekutiva ANP nian, hodi fó prioridade ba méritu no kompeténsias téknikas ninia ekipa nian, aleinde habelar ninia ámbitu hodi ninia atuasaun hodi abranje área foun sira ne’ebé mai-hosi tranzisaun enerjétika.

Ba kriasaun Autoridade Nasionál Minerais, Institutu Públiku ne’ebé ho ninia atribuisaun sira, atu atua hanesan instituisaun reguladora ba setór rekursus minerais ho kumprimentu ne’ebé rigorozu ba  dispozisoins ne’ebé prevee ona iha Kódigu Mineiru, iha kualkér lejizlasaun ka regulamentasaun ezistente ka futura ne’ebé regula setór rekursus minerais.

Nune’e Kompeténsia regulasaun Autoridade Nasionál Minerais nian limita ona ba setór ne’ebé reguladu, no restrinje ba fiksasaun norma téknika operasionál sira, rekizitu sira ne’ebé h natureza administrativa ka regula inkumprimentu hosi rua ne’e, ho dependénsia no obediénsia ne’ebé rigoroza ba lei sira ne’ebé vigora, inklui, liuliu, ba efeitu hosi Artigu 157.º n. 2 Kódigu Mineiru.

Estinsaun Kompañia Mineira Timor-Leste, S.A. no kriasaun Murak Rai Timor, E.P.. Hodi konsidera indísius rikeza minerál, no aumentu signifikativu iha númeru privadus interesadus hodi investe iha setór rekursus minerais, sai imperativu fó ba Estadu mekanizmu nesesáriu sira hodi atua, ho forma efisiente, klara no transparente iha setór xave ekonomia nasionál ida-ne’e.

Haree ba prioridade no interese estratéjiku nasionál sira, tuir hatuur ona iha Programa Governu Konstitusionál IX rekomenda revizaun profunda ida ba forma partisipasaun Estadu nian iha Atividades Mineiras, hanesan liuhosi estinsaun Kompañia Mineira Timor-Leste, S.A, no kriasaun Emprea Públika ida ne’ebé bele atua iha setór ne’e ho forma plena no efikás, ho tutela no supervizaun efetiva hosi Governu.

Alterasaun dahuluk kona-ba Dekretu-Lei n. 33/2012, loron 18 fulan-jullu, ne’ebé kria Institutu Petróleu no Jeolójia. Hodi konsidera katak Institutu Petróleu no Jeolójia (IPJ) kria liu ona tinan 11 liubá, presiza atualiza ninia organizasaun no misaun, hodi garante melloramentu ba koñesimentu ne’ebé kontínuu kona-ba rekursus jeolójikus ezistente no posibilidade ba aproveitamentu sustentavel iha konseitu ekonomia sirkulár ida, ho ninia transformasaun iha Institutu Petróleu no Jeolojia.

Institut públiku ida-ne’e ho nia misaun prinsipál atu fó impulsu no realiza asaun investigasaun, demonstrasaun no transferénsia koñesimentu, asisténsia téknika no teknolójika, apoiu laboratorial no prestasaun servisus seluk ne’ebé dirije ba empreza sira, iha área jeosiénsias no geoteknolojias. (*)

Tempotimor (Dili)-Ministru Petroleu no Minarai (MPM), Victor da Conceição Soares hatete, dadaun ne'e Governu kontinua esforsu ho seriedade atu rezolve problema dezenvolvimentu Greater Sunrise Timor-Leste nian.

Tempotimor (Dili)-Autoridade Nacional do Petróleo no Minerais (ANPM) informa ba públiku katak fornesementu (Stock) kombustivel (Gazolina no Gazoleo) iha armazen Pertamina International Timor (PITSA) no Esperanca Timor Oan (ETO) garante hela ba nesesidade Konsumidór sira.

Tempotimor (Dili)-Governu liuhusi Ministériu Finansas (MF) deside sei integra Autoridade Nasionál Petróleo no Minarai, Institutu Públiku (ANPM.ip) iha Orsamentu Jerál Estadu (OJE) tinan fiskál 2023.

Tempotimor (Dili)-Prezidente Autoridade Nasionál Petroleu no Minerál (ANPM), Florentino Mateus Soares Ferreira, husu Governu atubele hatun taxa ba kombustivel hodi ajuda fornesidór sira labele hasa’e folin ba konsumidór sira.

Tempotimor (Dili)-Prezidente Autoridade Nasional Petróleu no Minérais (ANPM), Florentino Mateus Soares Ferreira hatete, durante tinan sanulu-resin-lima (15) nia laran Governu Timor-Leste seidauk deskobre kampu mina (petróliferu) matan foun ida, tanba ne’e labele deklara Timor-Leste riku ba mina.

"Laiha solusaun deskobrementu ba kampu ida iha tinan 2007 to'o agora siknifika tinan sanulu-resin-lima (15) nia laran ita la halo deskobrementu ba kampu ida, tanba ne'e ita labele halo kontente-an dehan ita Timor riku mina”, deklara Prezidente ANPM Florentino iha Salaun Auditóriu UNDIL, sesta (08/04).

Haree Kampu mina sira ne'ebé hala'o produsaun ne'e kampu sira ne'ebé mak mai husi primeiru lejislatura iha kampu Bayu Undang ne'ebé ida de’it ona.

“Durante tinan sanulu-resin-ualu nia laran hanesan nasaun ida ita produz de'it kampu rua mak Kitán no Bayu Undang laiha tan Kampu seluk. Tanba dala barak ita deklara-an iha públiku katak ita ne'e riku mina maibé ita atu riku ne'e ho kampu rua de'it?. Kampu sira ne'e, kontribui ona purvolta 20 milhões ital no ita uza ona 12 milhões no hela 19 milhões husi fundu petroliferu ne'e realidade ne'ebé ita enfrenta”, esplika nia.

Tanba lisensiamentu dahuluk iha tinan 2005 no lisensiamentu daruak iha tinan 2019 siknifika lori tinan sanulu-resin-haat mak halo promosaun ba kampu sira ne'e realidade.

“Lisensiamentu daruak ne'ebé ita halo iha tinan 2019 no tinan 2020 iha períodu ne'ebé la favoravel tebes tanba ne'e ita labele halo buat ida kona-ba Promosaun. Iha tinan 2021 iha fulan-agostu to'o dezembru konsege halo promosaun iha nasaun balun inklui Situasaun Covid-19 nia laran”, dehan nia.

Maibé produsaun atual husi kampu ida de'it no esforsu barak mak halo ona, maske Bayu Undang nia perfurasaun hetan tiha maibé produaaun tun maka'as tanba uluk kada loron produz rihun 600-resin, agora tun ba rihun-300-resin ba Gás. (*)

Tempotimor (Dili)-Ofisiál Outreach Organizasaun Asian Justice and Right (AJAR), Inocêncio Xavier, kondena maka’as Governu liliu Ministériu Petróleo no Minerais (MPM) no Autoridade Nasional Petróleo no Minarai (ANPM)ne’ebé fó autorizasaun ba kompaña Timor Resource, Lda hodi halo perfurasaun ba mina matan iha Suai-Feto Kmaus maibé laiha rezultadu pozitivu.

Tempotimor (Díli)-Ministru Petroleo no Minerais (MPM), Víctor da Conceição Soares hatete, Governu Timor-Leste hakarak diskute direta progresu Greater Sunrise ho Governu Austrália, tanba durante diskusaun de'it husi email no Video Zoom.

Tempotimor (Díli)-Autoridade Nasionál Petróleu no Minerál (ANPM) deside taka submisaun dokumentu pre-kualifikasaun konkursu públiku (faze daruak) petrolíferu iha bloku 18.

Tempotimor (Díli)-Governu liuhusi Konsellu Ministru (KM) deside aprova prorrogasaun prazu depózitu provizaun nian ba kompartisipasaun Estadu iha ámbitu Akordu Espesiél Investimentu nian ne’ebé halo ona ho TL Cement, Lda. to’o loron 31 fulan-dezembru tinan 2021. 

Page 1 of 3
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter