Login to your account

Username *
Password *
Remember Me

Kandidatu Antero Husu Forsa ba Uma Lisan Raimansu

Kandidatu Independente, Antero Benedito da Silva ‘Slor’hamutuk ho apoiante sira hodi avansa ba kampaña no eleisaun Prezidnesiál. Kandidatu Independente, Antero Benedito da Silva ‘Slor’hamutuk ho apoiante sira hodi avansa ba kampaña no eleisaun Prezidnesiál. Foto Suplay

Tempotimor (Dili)-Prezidente Ekipa Susesu Kandidatu Prezidente Repúblika, Fernando Ximenes husu tulun no bensaun matak-malirin ba uma lisan raimansu iha Suku Liurai, Munisípiu Aileu, atu apoiu forsa ba Kandidatu Independente, Antero Benedito da Silva ‘Slor’.

“Ami-nia konsulta hodi simu tulun no bensaun matak-malirin ba ami-nia luta, hodi hari’i Estadu Foun ne'ebé libertadór, sei mobiliza kamrada jerasaun foun hodi asume sira-nia responsabilidade ho misaun istóriku, libertasaun Maubere”, deklara Fernando, iha Suku Liurai, Aileu, tersa (22/02).

Luta ba ema insipasaun sosiál maubere nian la hotu iha 1999, dadaun presiza luta foun ida, hahú husi otas foun sira, konsulta iha lisan raimansu nu'udar otas foun ne'ebé loloos.

“Estadu tuan taka dalan ba povu maubere nia libertasaun, tanba ne'e, tenke luta hodi troka Estadu tuan ne'e, tenke hari’i fali Estadu foun ne'ebé justu, solidáriu no demokrátika liu, haktuir Nicolau Lobato nia mehi iha 1975 nian, tanba ne'e kamrada sira ita tenke hamriik hari’i Estadu ida foun iha baze prinsípiu solidaridade”, afirma nia.

Tanba projetu dezenvolvimentu rekonstrusaun presiza Estadu husi maun-boot sira, to'o ona nia limitasaun, tempu to'o ona presiza dezenvolvimentu inisiativa ba polítika alternativa ida.

“Projetu polítika ne'e mak ami bolu mauberizmu hodi fó solusaun alternativu iha luta libertasaun povu nian, tanba ami haree estadu iha ita-nia rain, sai Estadu ida habokur de'it grupu minoria balun, hariku ema oituan ida, halo ema barak sai ki’ak ba beibeik”, esplika nia.

Kandidatu ne'e, hetan apoiu husi Movimentu Konsellu Nasionál Resurisaun no Maubere (CNRM), husi Komité Esperansa, Movimentu Rosas Mean, Movimentu Sosialista Maubere, Movimentu Reabilitasaun Agro-ekolojia Nasionál (RAENAL), no hetan apoiu mós husi Movimentu Progresista oioin iha Timor-Letse, husi uniaun kampanez, Ermera, Suai, Manufahi no Atoni Maubere. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter