Login to your account

Username *
Password *
Remember Me

CNJTL Prefere Hili Kandidatu Prezidente Repúblika ba Povu Tomak

Prezidente Konsellu Nasionál Juventude Timor-Leste (CNJTL), Maria Dadi Magno. Prezidente Konsellu Nasionál Juventude Timor-Leste (CNJTL), Maria Dadi Magno. Foto Tempo Timor

Tempotimor (Dili)-Prezidente Konsellu Nasionál Juventude Timor-Leste (CNJTL), Maria Dadi Magno hatete, sira prefere hili prezidente repúblika ida ne'ebé figura di'ak ba povu tomak hodi kompri no halo tuir Konstitusaun Repúblika Demokrátika Timor-Leste (KRDTL).

“Eleisaun prezidensiál iha kritéria rasik ne'ebé hakerek nanis ona ita-nia Konstituisaun Repúblika Demokrátika Timor-Leste, Prezidente ida ne'ebé ideál liu nia tenke sai prezidente ba ema hotu, prezidente ne'ebé simbolu unidade nasionál, prezidente ida ne'ebé mai ho kapasidade atu kompri Konstituisaun Repúblika Demokrátika Timor-Leste”, dehan nia iha Salaun Laline Lariguto CNE, Kolmera, segunda (21/02).

Prezidente CNJTL husu Prezidente iha kompeténsia no autoridade atu partilla desizaun Estadu iha Repúblika Demokrátika Timor-Leste, tanba ne’e joven sira tenke haree didi’ak hodi eskolla kandidatu.

“Joventude sira tenke haree di-di'ak partidu ida ne'ebé merese duni atu ukun, ukun ho autoridade do desizaun no ukun ida ne'ebé ke kontribui duni ba povu, ukun ida ne'e nia fim ka metas ba povu nia moris di'ak no hakmatek, justisa sosiál no ukun ho propriedade, ukun tenke kombate koluzaun korrupsaun nepotizmu (KKN)”, afirma nia.

Maibé CNJTL mós hanoin atu halo sosializasaun prevensaun konflitu iha situasaun eleisaun, atu oinsá sosiliza edukasaun sivíka, edukasaun sidadania ba joven sira bele hatene nia papel no direitu atu partisipa iha festa demokrásia.

Bainhira joven ida nia pensamentu misaun ho vizaun ba Estadu nia komprende dinámika diferénsia ideia indeolojia la sai inimigu ba malu, partisipa ativu demokratizasaun ida ne'e.

“Ha'u, ita hothotu hanoin no hadomi Timor, katak pensamentu violentiku ho violénsia, sentidu ha'u-nia partidu tenke lakon, maibé hanesan ema polítika tenke iha sentidu atu defende nia partidu nia ideolojia ideál, mai ho interese komún ho bem komún”, dehan nia.

Tanba ne'e sentidu ida ne'ebé mak hanesan juventude partidu polítika, juventude emglobal, hatene katak tenke respeitu valór no prinsípiu Estadu, ema ida-idak nia direitu ba votu, atu hili ida ne'ebé mak ideal ba futuru Timor. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter