Login to your account

Username *
Password *
Remember Me

CNRT ‘Akuza’ Governante Husi KHUNTO ‘Manipula’ Apoiu husi WFP

Deputada CNRT, Maria Gorumoli Barreto. Deputada CNRT, Maria Gorumoli Barreto. Foto Suplay

Tempotimor (Dili)-Bankada Opozisaun Congresso Nacionál de Reconstrução de Timor (CNRT) iha Parlamentu Nasionál (PN) akuza governante balun husi Partidu Kmanek Haburas Unidade Timor Oan (KHUNTO) hahú manipula sasán ne'ebé apoiu husi World Food Program (WFP) atu fó ba komunidade sira.

“Ita-boot (KHUNTO) sira mak politiza, besik atu eleisaun ona, politiza apoiu ne'ebé mak mai husi UN (United Nations) nia ajénsia atu buka fali votu iha komunidade. Ema kritika Membru Governu ne'e, ministru ba KHUNTO ka Ministru ba povu doben Timor-Leste”, dehan Deputada CNRT, Maria 'Gorumali' Barreto iha plenária PN, segunda (21/02).

Bankada CNRT simu informasaun husi komunidade balun ne'ebé mak sai vítima tanba komunidade nia naran ne'e Governu rekolla no tau iha lista atu hetan sasán ne'ebé apoiu husi UN-ajensia ka WFP maibé tanba la'ós ema husi partidu KHUNTO nian naran ne'ebé tama ona iha lista hetan kansela husi ministériu.

“Ha'u brani temi partidu nia naran, e faktu ne'e mak sé, ema ne'ebé mak sai vítima husi ita-bo'ot nia ema rasik, ema ne'ebé mak prontu atu simu apoiu ne'ebé mak mai husi UN-Ajénzia WFP ne'e, sira rasik maka hato'o tanba ne'e mak ha'u foti kestaun iha ne'e”, hatete nia.

Deputada CNRT ne'e dúvida, sé apoiu ne'e ba komunidade, entaun tuir loloos labele hasai fali naran komunidade ne'ebé mak husi partidu seluk iha lista laran, tanba sira iha diretu atu asrsu ba sasán sira ne'e.

“Entaun ema kritika hanesan ne'e, Membru Governu ne'e, ministru ba KHUNTO ka Ministru ba povu doben Timor-Leste”, dehan nia.

Hatan ba kestaun ne'e, Deputadu bankada KHUNTO, Luis Roberto hatete, nia parte sadik deputada CNRT atu entrega faktu no dadus ba Bankada KHUNTO hodi bele haree no buka tuir.

“Ha'u husu de'it ba kolega deputada Maria Gorumoli Bareto fó faktu mai, membru Governu mak ida ne'ebé?. Ha'u hakarak señora Maria Bareto entrega dadus ne'e mai iha Bankada KHUNTO para ha'u mós hakarak buka tuir ida ne'e para loos duni hanesan Maria Bareto ko'alia ne'e entaun tenke prosesu ema ne'e ba lei ida vigor”, afirma nia.

Bankada KHUNTO konsidera informasaun ne'ebé CNRT ko’alia dehan membru Governu husi partidu KHUNTO nian uza apoiu balun husi World Food Program hodi fahe de'it ba militante KHUNTO, ida ne'e laloos.

Tanba ne'e husu deputada CNRT labele ko'alia tuir ninia hakarak no labele rona husi ema seluk depois levanta de'it tanba dala ruma ema la gosta militante partidu KHUNTO ninian iha baze entaun sira oferese informasaun laloss ba deputadu sira.

"Ita labele politiza fali programa ema seluk ninian hodi konsila fali ba partidu ho militante partidu ida ninian, ita atu ko’alia buat ruma iha plenária ida ne'e, ita presiza hatudu faktu mak ita levanta no ko'alia”, dehan nia.

Maibè karik akontese duni husu ba CNRT atu tun direta atu haree no foti dadus ida ho konkreta, tanba ema hotu hatene katak world food program ne'e nu’udar programa husi organizasaun internasionál nian ne'ebé mak hakarak apoiu Timor-Leste.

“Ita labele politiza katak programa ne'e tun ba fahe de'it mak ba partidu KHUNTO nia militante de'it, e CNRT, FRETILIN no Partidu sira selu-seluk laiha, ida ne'e ha’u hakarak husu ba ita-boot sira katak kontrola ita-bo'ot sira-nia linguajen ne'e, kuanu laiha faktu”, hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter